Yohanes 9:2 - Eipomek

² Yesus wipdeiyamuk nang, 12 nang ap, Yesus ap banmeka anya arye, sikce Yesus ati asipdeyik. “Naio, anye birye asing kun mi deibika deiyok ara, yata arye do? Deiyok ara, el li ap, el lin ap malye winilamrika deice arye, asing kun mi deiprik do? Anye bira elcuk malye ulamukba, adeiyok arye asing kunanye ulul do?” nyabuka asipdeyik.

Yohanes 9:2 ပူးပေါင်းရင်းမြစ်များ

Keluaran 20:5

“Yata ning do nirya, urasin atonun puturubuka, aning ati kisal dobuka, gutam tuku dipdongobuka si erena meme. Anggun ni Allah ara na Yahweh uka. Ati yuk talye ning si erena meme. Na mapu arye yuk ning nirya ati, ‘Nun ni’ tenen, si erebikcopura, na malye kanye bobuka pia yu unune. Nati, ‘Nun like’ tenen, malye-malye nyaninyak nang ara, sik wenepnirye, sikce deipnamak mapu ap, sik mapu deipnamak mapu ap, amapu babye deipnamak mapu ap ara, sik deipkirikdop nang ninye dika bitinye do, winilye do nirya ara, tuba wenenamne,” Allah arye nyabuk.

Matius 16:14

Nyabukura, sik nirya arye tamubuka nyabik. Ton nang ara, “Yohanes Pembaptis” nyakinyake, ton nang ara, “Ara Allah yupu laka nyalamuknye nabi Elia ulule,” nyakinyake, ton nang ara, “Allah el yupu ap, elce aminyan talak winipnamle ning ati laka nyananye ulule,” nyakinyake. Ton nang ara, “Anye bira, Allah yupu laka nyalamuknye, nabi Yeremia dibuk bukni, wini talak ila tamubuka kam bukuka daulul darepa,” nyakinyake. Yesus el mapu arye, Yesus ati nyabik.

Matius 23:7

Tonda, ‘Ninye nirya din ning deibuka deklamakak ara, pasar noutamak arye babiba, ninye nirya eipsikirye si erenamsiak’ tenen, kanye pin-pin asa banyake. Atonun ton, utenenyake. ‘Ninye nirya arye, sikda nun weik peterena deiyok nang, guru nyapnamsiak’ tenen, kanye pin-pin asa arye wininyake.

Matius 23:8

Sik Farisi nang ap, Musa sekamuk yupu peterena deiyok nang ap, wininyak bukni, na mapu anggunda, anang winilamaka atonun kum wininamlulume. Anggun weik deiyoknye tonok, na uniba, anggunda na weit yapu atonun ulaluma ati, yuk nang arye anggunti, “Nun weik peteren nang, nun Guru,” nyabuka, ‘Anggun si erepsikcak’ tenen, anggun bidamnye yupu sekeldongonamlulume.

Lukas 13:2

Nyanmekura, Yesus kekebukce, ‘Ayupu nyapmaniyak nang ara, sik Galilea tam oplobik nang ara, pia malye ulamika deice arye oplobik, tenepmakce nyanmaniyake,’ tenebukura, ayupu nyabuk. “Sikda, yuk nang ton weik ulamik bukni, ‘Sik Galilea tam akunum oplobik nang ara, pia malye winilamika ati, oplobike,’ tenepmalum ning ara, kume.

Yohanes 4:31

Anyasik ninye tuba bisik noutamak yangayik talak ara, Yesus el yupu keken nang arye elti, nyabik. “Naio, nun peterena deiyoknye, anda din ning diplyame,” nyabik.

Yohanes 9:1

Yesus ara, Allah si erelamik aik dam batakuka yukak banmok talak ara, asing kunanye eibuk. Anye bira, el lin birye deibuk talak arye ubuka, el mitik ulamuk talak arye dipdongobuka, anoutam talak nirya ara, asing kunanye ulamuk.

Yohanes 9:34

Asing kwetepmoknye birye nyabukba, sik Farisi nang arye nyabik. “An deiamkik talak arye diprongobuka wini talak nirya ara, anda pia malinye akunum ulyama anya arye, ance wenebuka peterepsilam ning ara, yata ati do? Anda pia malinye biti, bindoplyame,” nyabikce, anye bira dobuka bai tam dopkwetebik.

Rasul 28:4

Wininmokbuk, amekwen sekdongamuk mutuku ulamik nang arye, akwatima si Paulus taruk topdongobuka kwatinmokak eibikce, sik yuk yupu talipdayik. “Kapal bongobukce, mekwen kum dipmoa ati, tuku tam teleb kibuka yanmo bukni, nun isa arye el si ara, Kwangdakuka Ona Deiyoknye, ‘Anye bira kum kam unamle’ tenen, akwatima arye akunum si topmale. Ara, anye bira ninye onanye ulya arye,” nyabik.