Yohanes 9:1 - Eipomek

¹ Yesus ara, Allah si erelamik aik dam batakuka yukak banmok talak ara, asing kunanye eibuk. Anye bira, el lin birye deibuk talak arye ubuka, el mitik ulamuk talak arye dipdongobuka, anoutam talak nirya ara, asing kunanye ulamuk.

Yohanes 9:1 ပူးပေါင်းရင်းမြစ်များ

Yesaya 35:5

Atalak ara, asing kuamlye ninye asing lapdeipliba elinamake. Amul kunukamlye ninye ara amul pakeipliba kekenamake.

Matius 20:30

Banmekbuk, asing kuamuk nang sik banmek bisik lilkwak bukmarik. Sik abukmarik talak ara, yuk nang arye, “Yesus yanganmale,” nyabuka laka nyabikba kekeprikce, weik yupu arye nyaprik. “Yesuso, anda Daud yala nang arye deipkiknye anya arye, bico tenepsimince, nun bitinye nang ati melipsilyame,” nyabuka moronmarik.

Matius 9:27

Akilmu akunum kam bukeibukce, amutuku batakuka, bisik noutam banmoka ani, asing kuamuk nang bitinye, el balye tam tikilyarik. ‘Kwetepsetu’ tenen, weik yupu nyabuka yanuka moroprik. “Anda Daud yalanye birye deipkukba, unmalama anya arye, Ninye Lyena ati, Allah arye wibuka deipkuke. Ati bico tenepsimince, kwetepsutume,” nyabuka moroprik.

Markus 9:21

Ami wininmok bukni, Yesus arye ami, el li biti asipdeyuk. “Isa talyamukbuk awininmalto ning, yata wiribuk talak arye weik winilamuk do?” nyabuka asipdeyuk.

Lukas 8:43

Abanmek nang kan-kan noutamak ara, uk dilamukbuk, keting tamun 12 obarye, deice arye el ining balamuk kil neika banmek. Akil ara, ‘Sikce kwetepniting’ tenen, kweten nang dam weik balamukbuk, sik kum kwetepmanto wamik arye, uk tuba dilamuk.

Yohanes 5:5

‘Winipsutue’ tenen, auk dilamuk ninye, Betesda mekwen dam bobuka delilyangalamik. Yesus arye, amekwen dam biyukce, tonoknye keting tamun yupa weik 38 tahun deice arye bisik binmanto kum ulamuk ati, amekwen dam bukmokba, Yesus arye anye bira eibuk.

Yohanes 8:59

Yesus arye ayupu nyabuka deice arye, sik Yahudi yala nang arye, ‘Anye bira adiparyuk opnuyap’ tenen, keil dobuka kintinipmek. Kintinipmek bukni, Yesus arye, Allah el arilamik aik dam unmokak arye batakuka, dungnubuka biyukba, sikce Yesus tonap atalak kum eibik.

Yohanes 9:2

Yesus wipdeiyamuk nang, 12 nang ap, Yesus ap banmeka anya arye, sikce Yesus ati asipdeyik. “Naio, anye birye asing kun mi deibika deiyok ara, yata arye do? Deiyok ara, el li ap, el lin ap malye winilamrika deice arye, asing kun mi deiprik do? Anye bira elcuk malye ulamukba, adeiyok arye asing kunanye ulul do?” nyabuka asipdeyik.

Rasul 14:8

Listra mutuku peterelamrik talak ara, tonoknye, yan pakupromuknye ulamuk. Anye bira, el deiamik talak arye, yan tatang pakupromukce dibukura, pia kum balamuk

Rasul 28:4

Wininmokbuk, amekwen sekdongamuk mutuku ulamik nang arye, akwatima si Paulus taruk topdongobuka kwatinmokak eibikce, sik yuk yupu talipdayik. “Kapal bongobukce, mekwen kum dipmoa ati, tuku tam teleb kibuka yanmo bukni, nun isa arye el si ara, Kwangdakuka Ona Deiyoknye, ‘Anye bira kum kam unamle’ tenen, akwatima arye akunum si topmale. Ara, anye bira ninye onanye ulya arye,” nyabik.

Rasul 4:22

Wininmekce, Sandeheren wekmek nang arye, ‘Peterena bataknamdak,’ tenebikce, “Tuba peterepdumunyopura, nunce opnamsiyape,” nyabuka, yupu weik tonap wenebikopura, lopdongobik.

Rasul 9:33

Lida mutuku biyukopura, tonoknye, el si ara, Eneas, keting tamun pin barye deice arye el nong nirya sisal semuknye ulamuka anya arye min sakdebuka binmanto kum ulamukbuk, anyup dam Peterus biyukce eibuk.