Yohanes 8:5 - Eipomek

⁵ Musa arye sekeipsuk mem yupu noutamak ara, akil winipmala atonun winibice kilapu nirya ati, nyabuk. ‘Keil dobuka sik nong deice donokuka copmunce, oltakanamlulume,’ nyabuka sekeipsuke. Musa arye, nyapsuk bukni, ance ara, yata tenepmalamce, nyapnusilam do?” nyabuka tenepce asipdeyik.

Yohanes 8:5 ပူးပေါင်းရင်းမြစ်များ

Yehezkiel 23:47

Batakyeba, ayupa weik yanganamak nang arye, sik akilapu ati, keil cobuka, akilapu sik nong deice dobuka opnamake. Tonda, ninye on parang ya arye, dobuka seknamake. Tonda, sik abitinye kilapu arye, deiamdik mapu nirya ara, adiparyuk, obuka bataknamake. Tonda, sik domdik aik nirya ara, uku dongopnamake.

Imamat 20:10

Winipmanto, Israel nang tonoknye birye, el kayapu, yuk nang kil dobuka yoplyeura, anye ap, akil ap ara, adiparyuk obuka bataknamlulume.

Matius 1:19

Yusuf bira Musa sekamuk yupu kekebuka pia diksukumuk ulamuka anya arye, ninye nirya arye, ‘Akil ara, malye kil tenebicak’ tenen, ‘Ninye kekenak akil batakna ati, laka kum nyapnune. Akil duknubuka bataknamne,’ tenyamuk.

Matius 5:17

Yesus arye ayupu nyabuk. Anggunce, ‘Musa sekamuk yupu, mem yupu ap, Allah yupu laka nyalamik nang, nabi-nabi nang arye sekamik yupu ap, kum daneipnamle ati, Yesus ara yayuke,’ tenenululume. Bukni, aning ara, kum tenenamlulume. Aning ara, kume. Allah arye, ‘Aning wininamlulume, aning ara, pia kume. Aning ara wininamlulume,’ nyapdeibukba, Musa arye sekeiyamsuk yupu ap, tonda Allah yupu laka nyalamik nang, nabi-nabi nang arye sekamik yupu ap, ‘Ayupu ara, kum daneipnamle’ tenen, na kum yase. Sikce, “Aminyan talak, Allah arye winipnamle,” nyabuka sekamik ning ara, bola deice atonun ulul bukni, dipkoprop nong upnamle ning winina ati, na yase.

Yohanes 8:4

Winibukura, sik Yahudi yala deiyok nang arye Yesus ati nyabik. “Peterenanye, akil ara, ninye akunum domuk bukni, yuknye ap ubula yopdarikba, yuk nang kel bikmaka ati, akil tomopmabe.