Yohanes 8:46 - Eipomek

⁴⁶ Anggun kan-kan noutamak yatanye dipkoprop yupu nyapturye, ‘Yesus malye winibuk ning eipsa ara ani-ani,’ nyabuka wenepnutu do? Pia kumanya arye, narye anggunti dipkoprop yupu uk nyasunun bukni, yata deiyok ati diba kum tenelulum do?

Yohanes 8:46 ပူးပေါင်းရင်းမြစ်များ

Matius 21:25

Anggunce laka nyapnululume, Yohanes arye, dib tenebik ninye mek dongolamuk ning ara, Allah arye nyapdeibukba, apil dobuka winilamuk do? Talya ninye arye nyapdeiamikba, dib tenebik ninye dobuka, mek dongolamuk do? Anggunce na nyapnululume,” Yesus arye nyabuk. Nyabukba, aYahudi yala deiyok nang arye, ‘Yata yupu nyapnuyap do’ tenen, yupu talipdayik. Yupu talipdaikce, nyapdayik. “Se, yata nyapnuyap do? Nunce, ‘Yohanes mek dongolamuk ning ara, Allah arye nyapdeibukba winilamuke,’ nyabibyopura, Yesus arye nunti, ‘Aning ati ara, Yohanes nyalamuk yupu ara, dib kum tenelamlum ning ara, deiyok yata ati do?’ nyabuka wenepsule.

Markus 11:31

Nyabukura, aYahudi yala deiyok nang arye, ‘Yata yupu nyapnuyap do?’ tenen, yupu talipdayik. Yupu talipdayikce nyapdayik. “Yohanes arye ninye dobuka mek dongolamuk ning ara, ‘Allah arye nyapdeiamukba winilamuk,’ nyabibyopura, Yesus arye nunti, ‘Aning ati ara, Yohanes nyalamuk yupu ati, diba kum tenelamlum ning, deiyok yata ati do?’ nyabuka wenepsilyake.

Yohanes 14:30

Tukwak mutuku talibuk, Isa deiyoknye yanamala ati, atalak ara yupu weik tonun ton, kum nyapnusine. Ayanamal malye deiyoknye bira, nati kum malye kibuka bisipnuturye, nati kum talipnutue.

Yohanes 15:10

Narye anggunti, “Aning wininamlume, aning ara kum wininamlulume,” nyabuka nyasinye yupu nirya kekepmunce, ayupu talibuka dobolbimunyopura, adeice narye anggunti, bico tenebuka melinauk unamsine. Aning atonun, na Ni Koprop Allah arye, “Wininalyame,” nyabuka nyanilye touk, ayupu uk kekebuka dobolbaniba, na ni birye tuba talima arinulule.

Yohanes 16:8

El yalyopura, diba tenena kum, mutuku nirya talye tukwak unyak ninye nirya ati ara, yupu bokeiplirye, sik talima noutamak weneplyopura, sik malye nang arye, ‘Se, dib nyapmasile, nunda pia malyeuk wininyabe’ tenen, biknamake. Sik talima noutamak ara, nyanamle. “Anggunda malye ninyeuk ululuma anya arye, Allah arye wenepnamsile. Anggun malye winin ning ap, malye tenena ap weik winilulume. Diksukum winina ara, anggun pia kum winilulume. Amalye winina nirya ara, anggun nong deice tuba upmasila ati, Allah arye anggun nirya ati, yupu bokeipnamsile,” nyabuka wenenamsile.

Yohanes 18:37

Nyabukura, Pilatus arye, “Ayupu nyapmalam ati, anda ninye deiyoknye, Raja ulyame,” nyabuk. Nyabukba, Yesus arye, “Pilatus ance, ‘Anda Rajanye, weik ninye deiyoknye ulyame,’ nyapmanilam yupu ara, dib nyaplame. ‘Weik ninye deiyoknye, Raja unamne’ tenen, tukwak mutuku yase. Adeiyok ati deipnike. ‘Dipkoprop yupu nyanamne’ tenen, tukwak mutuku yase. Dipkoprop yupu kekebuka talinyak ninye ara, na yupu kekebuka diba teneninyake.” Yesus arye nyabuk.

Yohanes 8:47

Deiyok nyapnusine. Ara, Allah arye anggun kanye talima kum talisilibuk, el mapu kum ululuma anya arye, narye nyasinye yupu kekepmunce, diba kum tenelulume. Bukni, yata ninye do nirya, Allah arye sik kanye talima talibuka, el mapu unyak ninye nirya arye, Allah nyalye yupu kekenyakce, ‘Deiyok anye,’ tenen, moubuka tenebikirye, talinyake. Yesus arye sik Yahudi yala deiyok nang ati nyabuk.

Yohanes 8:7

Yupu sekenmok talak ara, sik anang arye tuba-tuba asinauk unmekbuk, Yesus tikukabukce, anang ati nyabuk. “Anggun atikmalum nang kan-kan arye, malye ning tonok sirik babye kum winilamlyopura, anye birye minopce keil dobuka, akil nong deice deiyok koubuka, opnamale,” nyabuk.

2 Korintus 5:21

Ara, Allah arye nun lyena ap, yok pununa ap ati, malye winin ning tonok ning babye kum ulamukce, pia diksukum ululnye Yesus ara, Allah arye dobuka, tukwak ninye nun malye winin ning nirya el nong deice deibukba, nun malye ning nirya dobuka kum kipdeipsuke. Ara, nun malye winin ning pununa ati, winipsuke. Winibuka deiyok ara ani. Allah arye utenyamuk, ‘Tukwak ninye nirya, malye winin nang unyak bukni, nara Allah pia diksukum unye touk, Kristus ap aninye ap talima dukdongopniba, Kristus deice arye, aninye diksukum kipdeipnamne,’ tenebukce, Allah arye apil dopsuke. Na Paulus arye nyapsine.

Ibrani 4:15

Narye, “Nun diba tenenyap ning ara, batakna kumce pia talinamabe,” nyapmasina ara, talye ati kum nyapsine. Nun tukwak unyap ninye mikip ara, mitang usilye ning ara, ‘Yesus elda nun kum biksuturye, ‘Se’ tenen, bico kum tenepnamsitunye ulule,’ tenena meme. Isa Mutuku Dongonye arye nunti, ‘Malye winipting’ tenen, talima lilosulul ning nirya ara, Yesus babye atonun, el talima lilolamuke. Isa Mutuku Dongonye arye Yesus ati, ‘Malye winiptue’ tenen, talima lilolamuk bukni, Yesus elda malye winin ning tonok ning babye ton kum winilamuk. Tonda, Allah dantam, ninye dan tam ansinilina deiyoknye bira, Yesus eluk usilule. Aning ati ara, Yesus nun weik deiyoknye birye, nun ikin usilye ning ara, akunum kel kisilirye, bico tenesulule. Nun mitang usilye ning ara, melibuka mikip kilisulule.

Ibrani 7:26

Ura, nun malye winin ninye kum melipdanmanto unyaba ati, nun patasilye touk, anye birye melibuka lyesulule. Allah ap, ninye ap dana-dana ansinilina deiyoknye, nun deiyoknye Yesus ulul ning ara ani. Elda, pia malye una kumnye ulul ati, malye winin ning tonok babye kum winilule. Elda pia malye una kumnye ulya ati, sik malye winin ninye yuk, el pia yuk ulule. Aning-aning nirya outam aubuk bukni, Allah arye Yesus dobuka, im deice tam erebuka deibukba, weik mambulnye ulule.

1 Peterus 2:22

Yesaya sekeibuk yupu noutamak arye, ayupu nyabuk. ‘Yesus ara, malye winin ning tonok babye, kum ulamuk. Tonda, tenepce arye talye nyana yupu ara, pia kum nyalamuk.’ (Yesaya 53:9)