Yohanes 8:43 - Eipomek

⁴³ Yesus arye ayupu nyabukopura, ayupu tonap dukdongobuka nyabuk. Narye na peteresinye yupu nirya ara, amul deice aryuk kekeltakamunce, ‘Deiyok ani’ tenen, moubuka kum kel kilulum ning ara, deiyok tenepmalum do? Deiyok nyapnusine, ara narye nyasinye yupu, moubuka kum kekepmanto ninyeuk ululuma ati, ‘Deiyok ani’ tenen, pia kum kel bikilulume.

Yohanes 8:43 ပူးပေါင်းရင်းမြစ်များ

Amsal 28:5

Ninye ton diksukum una kumce, malye winin ninguk talibuka ululnye bira, elce teleb diksukum uning nirya ati ara walwal uk ulule. Diksukum uning ap, ninye yupu kekebuka teleb lipsisikuka bokolina ap ara, ‘Deiyok ara ani. Teleb uning ani, malye un ning ara ani’ tenen, pia kum tenepmanto ulule. Bukni yatanye do nirya, tuba-tuba Allah el si Yahweh arye nyalul yupu kekeplirye, Allah el siuk erelulnye bira, diksukum uning nirya dipkoprob kel kiplirye, ‘Deiyok ani,’ tenelirye, pia moubuka bikilule.

Yesaya 44:18

Sik aninye ara, dipkoprob walwal nang atonun unyake. Sik asing lelilongona ap, talima bublan tirikina ap atonun ninye unyake. Wininyaka deice arye, moubuka bita kel kum kinyaka deice arye, talye ninguk si erenyake. Sikda bicoe, moubuka kum tenenyaka atia.

Yesaya 6:9

Nyapse ati, Allah arye nyapnuk. “Na nyapkin yupu bobuka, amutuku unyak ninye noutamak peterelbinamlyame. Peterelbinamlam yupu ara, ani. Anggun Israel yala ninye ara, na yupu pia kekenauk unamlum bukni, ‘Deiyok anye’ tenen, moubuka bita kel kum kinamlume. Narye mambul pil dobuka, wininamne ning ara, asing arye, pia elinamlum bukni, ‘Deiyok anye’ tenen, moubuka bita kel kum kinamlume. Ayupu nyapnamlyame,” nyapnuk. Allah arye nyapnukce, ayupu ton nyapnuk.

Yeremia 6:10

Nyapdeipnukba, na Yeremia birye, Allah ati ayupu tamubuka asipdese. “Naio, narye yata nang, sik dam wenen yupu binuka nyaptiniba, sikce kekepnamak do? Sik anang ara, kum kel bikmanto nang, pia malye kin nang unyaka atia. Na ni Allah Yahweh, an nyapdeipminye yupu, sik anang dam binuka nyapnyopura, sikce, “Kume, ayupu ara, talye yupu uka. Aning ara, mambul kume,” nyabuka, nalibikirye, akutunyake. Narye an yupu bobinuka, sik dam binuka nyaptinya babye, sikce, ayupu ati, kanye deibuka kum kekepnamake.

Hosea 14:9

Yatanye do nirya, sik weik kel bikinyak nang ara, aning nirya, weik kel bikna arye, nong noutam ning babye, tenebuka kel kinyak nang ap, anyapnusin yupu akunum moubuka tenenyake. Ara, na Allah Yahweh arye wininun ning nirya ara, pia diksukumuk unune. Ati, yata ninye do nirya, ‘Nunce teleb bisikuk binamabe’ tenen, pataliba, na Allah arye, “Aning wininamlulume, aning kum wininamlulume,” nyalisunun yupu ara, moubuka talinyakce, dobolbanyake. Bukni, sik yuk nang ara, mandipna kanye bobuka unyakce, na nyasinye yupu amul deice aryuk kekenyak bukni, moubuka kum talinyake. Aninye ara, pol-pol asa bakibuk, yan dum dukliba, sakuka tukwak punyak touk, ubuka sakanyake. Na Allah arye, dipkoprob nyapsine.

Mika 4:12

Bukni, dipkoprob nyapsine. Sik anang ara, na Allah arye, ‘Wininamne,’ tenenun ning ara, tenebuka kel kum bikinyake. Sik aninye ara, ‘Allah arye nun bulubuka tonokak deipsilirye, wenebuka opnamsile,’ kum tenenyake. Winipmanto ara, gandum sekuka bulubuka, tonokak deibikirye, yamuplobikiba, tonokak sakliba, malye ning ap, teleb ning ap, wilamak touk, na Allah arye winipnamne ning ara, pia moubuka kum tenenyake. Sik amalye wininyak ninye babye, wenebuka opnamnarya.

Matius 13:15

Sik awininamaka ara, talya ati kume. Sik kanye talima pum tam lik upliba, ‘Kekena nun lik’ tenen, akunum batakanyake. Wininyaka anya arye, aninye ara na yupu ‘Lik’ tenen, mitik anunuk kekenyake. Sik talima pum tam lik upliba, ninye asing arye bita kum elilamak atouk akunum wininyake.’ ‘Aning-aning nirya kum winilamtingopura, asing arye teleb kibuka eipnamtinge, tonda amul arye teleb ubuka kekenamtinge. Sik kanye talima ayupu nong noutamak ‘Deiyok ning ara, anye’ tenen, teleb ubuka kel biknamtinge. Sik kanye talima teleb ubuka kel biklamtingtoura, sik malye wininyak ning batakuka, balye tamubuka, na tam kipnitingba, narye sikti, teleb kipdeiptinye.’ (Yesaya 6:9-10) “Yesaya birye nyalamuk touk anang ara, wininyake nyapsine.” Yesus arye el mapu ati nyabuk.

Yohanes 5:25

Dib yupu nyapsine. Aminyan talak mambul talak yanamle. Tonda wini talak akunum deiyok koupmasile. Atalak ara, sik akunum diamik ninye bukni, Allah el Mi Koprop arye el yupu nyapliba, kekebicopura, kam bukuka pia kam unamake.

Yohanes 5:43

Nara, na ni koprop Allah, el si deice arye yase bukni, anggunce, ‘Yesus ara dipnye ulule’ kum tenenululume. Bukni, yuk talinye bira, el bidamnye si deice aryuk yatopura, anggunce, ‘Elda dipnye’ tenen, dib tenepnamlume.

Yohanes 6:60

Yesus arye, ayupu nirya Kapernaum mutuku nyabukura, el yupu kekebuka dobolbalamik ninye kan-kan noutamak arye, ton nang ara, “Se, anyapmasil yupu ara, ikin weik yupu anya arye, yata wiribuka dib tenebuka doproptibye do?” nyabik.

Yohanes 7:17

Yata ninye do nirya, sikce, ‘Allah tenenyamsukce, el yupu deice nyasilye touk, aninguk talibuka unamabe,’ tenebikirye dipkoprop ubicopura, kel biknamak ning nyapnusine. Na Yesus arye, na kanye aryuk peterenun do? Na Ni Koprop Allah arye nyanilye yupu uk peterenun do? Ayupu dobolbanyak ninyeuk kel biknamakca,” Yesus arye nyabuk.

Yohanes 8:27

Yesus arye nyabukba, sik Yahudi yala deiyok nang arye, ‘E, el li koprop Allah ati, ayupu nyapmasile’ tenen, moubuka kum bikike.

Yohanes 8:33

Nyabukba, sik Yahudi yala deiyok ninye arye, Yesus ati tamubuka nyabik. “Kume, nun apu Abraham arye deibukura, dadeipdanin yangalamik nang arye deipsike. Ati, Abraham el mapu unyabe. Yuk nang arye nunti, yo bok deice deksikce, kum talisinyak anya arye, anda yata deiyok ati, ‘Lopdeipsinyopura, telebuk unamlume,’ nyapmasilam do?” nyabik.

Yohanes 8:39

Nyabuk ati, sikce tamubuka, “Kume, nun apu koprop ara Abraham usulule,” nyabik. Nyabikba, Yesus arye, “Kume, Abraham el mapu dipkoprop ulamtumopura, Abraham arye teleb ubuka winilamuk touk ulamtum bukni, aning kum winilulume.

Rasul 7:51

Stefanus arye, Yesaya sekamuk yupu nyabukopura, ayupu tonap nyabuk. Anggun mandipna weik ninye ululume. Anggun talima ap, anggun amul ap, Allah arye nyasilye yupu pia kum kekelulum ninye ululumade! Anggun apu yapu ulamik touk anggun babye, winilulume. Ara, Allah Dib Kanye arye nyasulul bukni, anggun kum kekebuka dolomunyak arye yanilulume.

Roma 3:11

Sik nirya Allah el ulul ning ati, pia moubuka kum kel kinyakce, walwaluk unyake. Tonoknye babye, ‘Se, na ap, Allah ap neika utinimnye’ tenen, patalyeba kum kel bikinyake.