Ura, minop talak arye dib dongobuka, anoutam talak ap, wini talak ap nirya, malye pia weik ulamuknye bira Ahab ulamuk. Bukni, yuk nang ara mitik malye winilamik. Allah arye, ‘Anye winilamuk ning ara na pia like,’ tenelul ning bukni, aninguk Ahab birye winilamuka ati nyapmabe. Tonda, Abab el kil Isebel birye, ‘Winipnulyame, aning winipnulyame,’ nyalamuka deice arye, el yupu kekelamukce, pia malye weik ulamuk.
Yohanes 8:34 - Eipomek34 Nyabikba, Yesus arye anang ati tamubuka nyabuk. Narye dipkoprop yupu uk nyapsine. Yata ninye do nirya, tuba-tuba malye wininyak ninye nirya ara, sik malye winin ning deice arye, sik bidamnye ati talibuka tapu koulongona atonun unyake. Tuba malyeuk unyaka ati, kum lolildanyake. အခန်းကိုကြည့်ပါ။ |
Yohanes 8:34
16 ပူးပေါင်းရင်းမြစ်များ
Na dipkoprop nyapsine. Wini talak arye dipdongobuka, im ap, tuku ap, kum danamle talak noutamak nirya ara, Allah arye, ‘Aning wininamlulume, aning ara pia kum wininamlulume,’ nyapdeibukba, Musa arye sekeiyamsuk yupu, mem yupu noutamak ara, tonok huruf babye, pia mitik sekna ning babye, min kum, kum danamle. Ayupu nirya, sik lyalamik touk, dipkoprop nong upnamle.
Nyabukura, Yesus arye domon yupu atonun yupu deice arye tamubuka nyabuk. “Na dipkoprop nyapkine. Yata nang do nirya, nun ni yapu arye winiryuk deipsikikba, winiryuk mapu ulamap touk, nun kanye talima noutamak ara, Allah arye ila tamubuka tonap winiryuk ninye atonun deipnamsile. Kanye talima winiryuk ninye atonun kum deipsilyopura, Allah lyepsilirye, nun kanye talima talinamsil ning nirya ara, aninye kum eibikirye kum dopropnamake,” nyabuk.
Aning ati ara, wininamlulume. ‘Malye una deiyok ning malye kipsilirye, nun kanye talima talisilirye, lilosululba, malye winin ninguk patasilya deice arye, malye winibibyak’ tenen, kanye moubuka, malye winin ning nirya batakmunce, telebuk unamlume. Malye winin ning nirya, ila tuba tonap pia kum wininamlulume.
Yata ati, anggun walwal tuba ululum do? Narye nyapnusin yupu ara, anggun ton moubuka teneipdelulume. Ayupu ara, kum kel kipmaluma anya arye, kum tenelulum do? Winipmanto ning ara nyapnusine. Yata ninye do nirya, sikce yuk nang ati, ‘Anang sik nyanyak yupu kekebibirye, sik amutamuk unmabe,’ tenebice ninyeuk, anang aniryuk ninye deiyok talibuka, sik deice tam ubikirye, sikce aninye talinyakce, sik tenebice piluk arukunyakbuk, sik amu tam unyakce apiluk donyake. Aning atonun ton, malye winin ninguk tenebuka patapsilyopura, amalye una deiyoknye birye tapu koupsilirye, anggun kanye talima talisiliba, malyeuk winipra balamunya deice arye, aminyan talak dipkoprop dipnamlume. Akumopura, Allah arye nyasilye touk, ayupu uk kekebuka dobolbamunyopura, Allah elcuk talisilirye, diksukum ninye kilinamsile. Ati, malye winin ninguk talibibyopura, dipkoprop dipnamabe. Allah arye nyasilye touk, teleb ninguk talibibyopura, kam pia unamabe.
Akunum kel kinyabe. Minop talak ara, nun kanye tenen ning ap, talima ap, pia malyeuk wamsuk bukni, Yesus wanwanun yo deice obikba dibuka deice, Allah arye Yesus ap, nun ap, dukdongopsuk deice arye, nun min arye malye wamsuk ning nirya kum kipdeipsuke. Ara, Allah arye nun malye wamsuk ning nirya dobuka, Yesus deice deibuka ati, nun babye akunum diamik ninye atonun kipdeipsuke. Winipsuka deiyok ara ani. Ara, Allah arye nunti, ‘Kume, sik kanye talima nirya arye, malye winin ning ati mikip weik uamuk ning ara, narye malye kibuka lyepnirye loplopnamne. Aninye sik malye winilamik ning noutamak arye loplopnyopura, aminyan talak telebuk unamake. Ara, malye una deiyok ning arye, sikti, tapu koubuka deipliba, malye un ning amu tam ton pia kum unamake. Telebuk unamak,’ tenyamsuk. Ati, Allah arye Yesus dibuka deice arye, nun ap dukdongopsuke.
Ura, nun nirya kele. Allah arye, “Aning ara wininamlulume, aning ara pia kum wininamlulume,” nyapdeibukba, Musa birye sekeiyamsuk mem yupu ara, el kanye aryuk kum sekamuk. Allah arye nyapdeibukba, Musa birye seklamuk ati, ayupu ara dipkoprop teleb yupu uk ulule. Bukni, nara talye tukwaknye unirye, na kanye talima nirya ara, malyeuk unulule. Malye una deiyoknye birye, tapu koulongonululce, talilulba, el amutamuk unune. Na bidamang mikip deice arye teleb kum uptinye.
Kume, na kayapo, na kele. Na kanye talima pum tam tenenye ning nirya ara, Allah elce nyabuk yupu, diksukum ninguk pataniliba, el yupu uk talibuka, el amutamuk unune. Unun bukni, nara talye tukwaknye ununa anya arye, na kanye talima pum tam ara, malye winina deiyok ning aryuk talinululba, amalye winin ning el amutamuk tuba unirye, malye wininune. Bukni, Nun Deiyoknye Yesus Kristus ap, nun ap kanye talima dukdongopsuka deice arye, nun ni Allah elce akunum lobuka lyesulule. Ati, narye nun Ni Kopropa Allah ati, “Anda pia telebe,” nyanune. Na Paulus birye nyapsine.
Wini talak ara, aning-aning nirya dipna ap, lyuna ap ubuka talyauk ulul bukni, Allah arye kwepdeiamuk ning nirya arye, ‘Se, malye ning arye tapu koupdongamsuka noutamak arye, dipna ap, lyuna ap noutamak unyaba ara, Allah arye dan talak lopdeibuka lyepsilirye, teleb kipdeipnamsil do?’ tenen, kanye deibuka kintinipdeibuka dinauk unyake. Atalak ara, Allah arye el mapu nirya ati, lobuka lyeplirye, pia teleb kipdeipnamle touk, elce kwepdeiamuk ning yala-yala nirya ap, malye winina noutamak lobuka, ila tuba tonap teleb kipdeipnamle.
Minop talak ara, sik Yesus ati dib tenena kum ninye arye, malye-malye winilamak touk, anggun babye, atonun malye winilalume. Asing arye, kum eilinyap bukni, im noutamak balamak Isa mere, sikti, talipsinaba, sik weik deiyoknye Isa Mutuku Dongonye, el yupu kekebuka ulalume. Ara, Allah el yupu yaniltalamak ninye ara, Isa Mutuku Dongonye elcuk sik kanye talima taliliba, malye weik wininyake.
Aning peterelamlyam deiyok ara ani. Ara, minop talak nun babye kanye bona kum arye, walwal ulamubu. Ara, malye kibuka, ninye deiyok nang yupu ap, Allah yupu ap, kum kekelamubu. Yata malye winin ning do, malye patan do, malye kanye tenena do nirya, amalye ninguk patalamsuka deice arye, yukulamsukce, nun malye ning winina deice arye, tapu kouamsukba, pia malye ulamubu. Atilila ning diba tenelamuburye, yuk nang ati, yu weik ubuka, waldana ap, oldana ap, ulamubu. Tonda, yuk nang ning ati, ‘Se sik ning ara, naryuk doproptinye’ tenen, kanye talima engena ap, ulamuburye, nun nirya arye, yuk nang nirya ati, lik upsinabuk, ‘Pia lik,’ tenelalamubu.
Sikti lila yupu peteren nang arye, aninye ati nyanyake. “Kume, yuk peteren nang arye nun nirya ati, ‘Winina meme,’ nyanyak yupu ara, tenena kum arye, talye kanye bobuka, nun tenenyap ninguk, talye luba kibuka wininamabe. Yuk nang nirya arye, nun yupu kum seksitinge,” nyanyake. “Nun kanye aryuk talye unamabe,” nyanyak bukni, yata ning do nirya, bisipsilirye, nun kanye talima talisulul ning nirya ara, nun deiyoknye atonun usulule. Aning ati ara, atilila yupu nyanyak nang babye, atonun, pia malye winin ning arye, sik kanye talima bisibuka akunum talilule.
ကြော်ငြာတွေ