Yohanes 8:27 - Eipomek

²⁷ Yesus arye nyabukba, sik Yahudi yala deiyok nang arye, ‘E, el li koprop Allah ati, ayupu nyapmasile’ tenen, moubuka kum bikike.

Yohanes 8:27 ပူးပေါင်းရင်းမြစ်များ

Yesaya 59:10

Tonda, winipmanto, nunda asing kulamle nang arye, talil busulamak atouk unyabe. Asing akunum yum ubuk nang arye, keting duk-duk noutam banmapya babye, lukunyan noutam banmakiba, yan dum duklamle touk usulule. Tonda, nunda kam nang unyakak unmap bukni, nunda akunum diplamak nang atonun unyabe.

Yesaya 6:9

Nyapse ati, Allah arye nyapnuk. “Na nyapkin yupu bobuka, amutuku unyak ninye noutamak peterelbinamlyame. Peterelbinamlam yupu ara, ani. Anggun Israel yala ninye ara, na yupu pia kekenauk unamlum bukni, ‘Deiyok anye’ tenen, moubuka bita kel kum kinamlume. Narye mambul pil dobuka, wininamne ning ara, asing arye, pia elinamlum bukni, ‘Deiyok anye’ tenen, moubuka bita kel kum kinamlume. Ayupu nyapnamlyame,” nyapnuk. Allah arye nyapnukce, ayupu ton nyapnuk.

Yohanes 8:26

Anggun malye winilulum ninye ati ara, yupu weik arye nyapsinirye, wenebuka yupu bokeipnamsine. Na dopdeipnuknye bira, el yupu nyalye touk, anirya dipkoprop ulule. Talye yupu kum nyaltakalule. Elce nyapdeiamnuk yupu nirya ara, narye anggunti ayupu uk nyasunune.” Yesus arye nyabuk.

Yohanes 8:28

Ati Yesus arye sikti, nyabuk. “Anggunce Ninye Mi Koprop Atonunye dobuka wanwanun yo deice erepdeipmunyopura, nati moubuka kel kipnamnulume. Tonda, narye anggunti, ‘Na kanye aryuk pil kum donune. Tonda, na ni koprop arye nyanilye yupu uk dobuka nyasunune.’ Ayupu nyasunun ning ara, aminyan kel kipnamnulume.

Yohanes 8:43

Yesus arye ayupu nyabukopura, ayupu tonap dukdongobuka nyabuk. Narye na peteresinye yupu nirya ara, amul deice aryuk kekeltakamunce, ‘Deiyok ani’ tenen, moubuka kum kel kilulum ning ara, deiyok tenepmalum do? Deiyok nyapnusine, ara narye nyasinye yupu, moubuka kum kekepmanto ninyeuk ululuma ati, ‘Deiyok ani’ tenen, pia kum kel bikilulume.

Yohanes 8:47

Deiyok nyapnusine. Ara, Allah arye anggun kanye talima kum talisilibuk, el mapu kum ululuma anya arye, narye nyasinye yupu kekepmunce, diba kum tenelulume. Bukni, yata ninye do nirya, Allah arye sik kanye talima talibuka, el mapu unyak ninye nirya arye, Allah nyalye yupu kekenyakce, ‘Deiyok anye,’ tenen, moubuka tenebikirye, talinyake. Yesus arye sik Yahudi yala deiyok nang ati nyabuk.