Yohanes 8:21 - Eipomek

²¹ Ton talak ara, Yesus arye sik Yahudi yala nang ati nyabuk. “Aminyan talak amutuku batakuka, yuk mutuku akunum binyopura, anggunce nati, ‘Dan tam binmal do?’ tenen, epdenamnulum bukni, kum eipnamnulume. Anggun malye winilulum ning noutamak aryuk nyapnamlume. Na benamne mutuku ara, anggun ton kum yanmanto anya arye, dipkoprop kum yanamlume.” Yesus arye nyabuk.

Yohanes 8:21 ပူးပေါင်းရင်းမြစ်များ

1 Raja-Raja 18:10

“Dipkoprop na ni, an si ereminye Allah el si Yahweh ara, pia kam unanye, el si deice arye nyapkine. Ninye deiyoknye Ahab birye ninye weik wipdeibukba, anti ekinyake. Ara, ‘Amutuku-amutuku nirya Elia biti elbinululume,’ nyapdeipnaba, anti amutuku-amutuku nirya ekinyake. Tonda, Ahab talibuk mutuku nirya unyak nang ati, elce yupu nyabukce, “Elia biti enamlulume,” nyapdeibukba, ekinyake. Ati, kum eipkicopura, ‘Nun unyap mutuku noutam ton Elia kum eibabe,’ nyabipyopura, Ahab birye, ‘Kume mambul ning si deice arye, ‘Elia nun mutuku kum ulule, nyapnumunye deice aryuk dib tenepnamsine,’ nyabuk. Nyalula ati, anang nirya arye nyanyake.

Ayub 20:11

Anang ara, sik wel tuba ulamik talak ara, nong teleb ubuka nebuka, mikip weik nang ulamik. Tonda, urasin teleb nang ulamik. Bukni, tuba kamuk kum unamaka ati, akunum dibikcopura, sik nong nirya ara, tuba tamubuka, sung-sunga atonun unamake

Amsal 11:7

Pia malye ninguk talibuka, unyak ninye diamice talak ara, sik kam ulamice talak noutamak arye, ‘Aning wininamabe, ateleb ning talinamabe,’ tenelamice ning nirya ara, kum danamle. Atonun, amalye wininyak nang arye, ‘Nuncuk mikip kipdabirye, mikip weik ninye akunum ubibyopura, aning-aning nirya talibibirye, pia weik mambul nang unamabe,’ tenenyake. Winibuka tenenyak bukni, dibice talak ara, sikce, ‘Wininamabe,’ tenelamice ning nirya babye, nong ton kum upnamle. Anang ap, sik ning ap, talye diamuk upnamle.

Amsal 14:32

Malye un ning ayala-yala nirya talibuka unyak ninye ara, sik mining malye unyak ning deice aryuk, talibuka deiplirye olilule. Allah arye anye bira, el malye ulul ning dekna ati, weik arye wenebuka oploplirye, sirya daknamle. Bukni, ninye ton tuba-tuba malye un ning kum unyakce, Allah el nyalye yupu kekebuka, talinyakce, aninguk moubuka dobolbanyak ninye ara, dipnamak bukni, Allah sik damak ulirye, tuba-tuba melipliba, telebuk unamake. Deiyok ara, sikce teleb winin ninguk unyak ninye atia.

Yesaya 65:20

Sik amutuku ukirye delinamak mapu nirya ara, mitik talak arye, like bitinye do, winilyeto kam unmaca ani, adiparyuk kum dibinamake. Pia kam unamake. Aning atonun, anggun wisi ninye ara, daulamunya ani, wisi deipmunce, minopce dipna kumce, pia daulamunya ani, wisi deipmunba, kul potong uk upnamsile. Wel tuba umunye talak ara, kum dibinamlume. Anyapmasina ara, urdem ati kum nyapsine. Amutuku noutam ara, keting tamun yupa weik, 100 tahun deice arye wisi akunum deiamikce nang ati, yuk nang arye, ‘Anang ara kam nanguk unyake,’ tenenamake. Ati, keting tamun yupa weik 100 tahun kum kipmalibuk, dipmantonye ton awamtu toura, yuk nang arye, ‘E, elda malye ulamlya dengna ati, Allah arye wenen ning el deice deipmala arye dipmale,’ tenenamake. Ara, Yerusalem winiryuk mutuku unamak ninye ara, keting tamun yupa pia weik kam uk unamaka ati nyapne.”

Matius 23:39

Narye anggun batakuka bindopsinyopura, dotalak nirya ara, na ton kum elinamnulume. Daulamunya ani, na si erepnamnulum talak ara, eipnamnulume. Atalak ara, anggunce, ‘Se, Ninye Lyenanye, Mesias bira akunum yanmasile,’ tenepnamnulum talak, ayupu nyapnamnulume. “Allah el mikip ap, el si ap deice arye yanmasilnye bira, pia telebuk unamle,” nyabuka, na si erepnamnulum talak, sirya talak ara eipnamnulume. Yesus arye sik Farisi nang ap, Musa sekamuk yupu peterena deiyok nang ap ati, wenebuka nyabuk.

Matius 25:41

Nyapnyopura, na kwanim taruk tam deipnamne ninye ati nyapnamne. “Allah arye, ‘Aninye na like,’ tenebuka akunum bataksuk ninye ara, na dam arye yukak bilulume. Allah arye Isa Mutuku Dongonye ap, el pil donyak nang, sik malye malaikat atonun isa ap, nati bataknikce, malye ning talibuka, sik malye wininyak kili sal niryada, ‘Pia uku dipnamle’ tenen, uku din mutuku kintinibuka deibukak ara, anggun wekelbululume.

Matius 25:46

Nyapnyopura, adiparyuk, sik malye unyak ninye ara, dopdeipniba, Allah arye wenebuka pia opnamle bukni, sik diksukum unyak ninye ara, telebukirye kam pia unamake. Yesus arye el mapu ati ayupu nirya nyabuk.

Yohanes 12:33

Yesus arye, “Tuku deice tam erepdeipnilyopura,” nyabukba, ara wanwanun yo deice deibuka, el nong erebuka opnamik ning ati, ‘Na yupu kekenamak ninye kel kipnamak’ tenen, nyabuk.

Yohanes 12:35

Nyabikura, Yesus arye domon yupu deice arye tamubuka nyabuk. “Wini talak ninye moubuka kel bikna ati, dirina upsil ning ara, anggun ap mitik anunuk, anggun neika unamsile. Dirina tuba wapsilye talak ara, teleb bisik adiparyuk banamlulume. Aminyan talak ara, kunuknauk unamsila ati nyapsine. Kunuknak balinye bira, el bisik banmalya ara, moubuka kel kum biktue.

Yohanes 13:33

Nyabukce, ayupu ton nyabuk. “Na mapu, na ap, anggun ap, like mitik anunuk, neika unmabya ani, na yuk bindopnamne. Binyopura, anggunce epdenamnulum bukni, kum eipnamnulume. Narye Yahudi yala deiyok nang ati nyapse touk, anggun babye nyapsine. Ara, na benamne mutuku ara, anggun ap kum bitibye.

Yohanes 7:34

Binyopura, anggunce, ‘Yata mutuku binmal do?’ tenen, pia enamnulum bukni, kum eipnamnulume. Na binuka unamne mutuku ara, anggun ap kum yatume,” nyabuk.

Yohanes 7:36

Elce, ‘Eipnamnulum bukni, pia kum eipnamnulum,’ nyapmok ning ap, tonda, ‘Na binuka unamne mutuku ara, anggun ap kum yatume,’ nyapmok yupu ap, yata ning deiyok ati, aning tenebukce nyapmasil do?” Sik Yahudi yala deiyok nang arye nyaldanmek.

Yohanes 8:24

Arup ara narye anggunti, ‘Anggun malye ululum ning noutamak aryuk dipnamlume,’ nyapmasine. Tonap ayupu ton nyapsine. Narye anggunti, ‘Na aunune,’ nyabuka, na bidamnye ati laka nyasinye yupu kekepmunce, diba kum tenepnumunyopura, dipkoprop anggun malye ululum ning noutamak aryuk dipnamlume.” Yesus arye Yahudi deiyok nang ati nyabuk.

Efesus 2:1

Na kayapu, anggun Efesus mutuku ululum ninye ara, minop talak anggun malye-malye winilalum ning ap, Allah el yupu yanilalum ning ap, winibuka ulalum deice arye, akunum diplamak ninye atonun ulalume.