Yohanes 7:43 - Eipomek

⁴³ Aning atonun sik kanye walwal ubukba, Yesus ati ninye bokuka, ton nang yuk, ton nang yuk, yupu yuk-yuk nyanmeka anya arye, kanye yuk-yuk tenebik.

Yohanes 7:43 ပူးပေါင်းရင်းမြစ်များ

Matius 10:35

Kume na unirye nyanye yupu deice arye, Allah yupu laka nyalamuknye, nabi Mika arye nyalamuk touk unamle. Mika arye nyalamuk yupu ara ani. ‘Tonoknye birye el li koprop ati mal pinamle. Tonda, tonok kilmu arye, el lin biti mal pinamle. Tonda, tonoknye el mi arye dobuk kil, akil arye el yamal kil ati mal pinamle.

Lukas 12:51

Anggunce nati, ‘E, Yesus ara ninye mutuku-mutuku nirya tonok kanyeuk bobuka, kanye deipdakirye talye tunim abuka, talye-talyeuk unamake tenen, yayuke,’ kum tenepnamnulume. Na yupu dobuka yuk nang ati peterepra bamunyopura, sik kanye yuk tenenyak nang arye ayupu ati, ‘Nun lik’ tenen, yu uplyeura, waldana ap, oldana ap wininamake. Winibikirye, yuk-yuk bokuka unamake.

Yohanes 10:19

Nyabukopura, sik Yahudi deiyok nang kekebikce, ayupu nyabuka deice arye, sik kanye yuk-yuk tenebik. Tonok kanye tenebuka, ansinibuka kum tenenmek.

Yohanes 7:12

Sik ninye weik arye amutuku bulupmek noutamak, sik nirya arye Yesus ati weik arye murmurulanmek. Ton nang arye, “Yesus ara, teleb ululnye,” nyanmek bukni, yuk nang arye ara, “Kume, Yesus ara tenepce arye nyasiliba, el yupu kekenyak ninye mankau arye tilila ning ati dib tenenyake,” nyanmek.

Yohanes 9:16

Nyabukba, sik Farisi nang kan-kan ton nang arye nyabik. “Akunuma, Allah arye nyabukura, Musa sekamuk yupu ara, ‘Sabat sum deice ara, pil dona kum aniryuk, dikdik senamlulume,’ nyasulul bukni, Yesus arye anye bira el asing kwetepdeipmo deice arye, pil dopmoa anya arye, Allah el yupu yanipmale. Ati, anye Yesus ara, Allah arye wibuka nun damak dopdeipsuknye kum ulule,” nyabik. Nyabik bukni, ton nang arye, “Kume, ninye winipmanto kum pil donmala ara, malinye ulamtu toura, yata wiribuka apil doptu do?” nyabik. Winibuka yuk-yuk tenebuka nyanmeka ati, tonok kanyeuk bobuka kum unmek.

Rasul 14:4

Anya asik dolamikak ulamik ninye tonok bukni, noutamak bokdobikce, ton tam nang ara, Yahudi yala nang sik yupu kekelamik. Ton tam nang ara, Paulus ap, Barnabas ap, sik peterelamrik yupu diba tenebuka kekelamik. Winilamika ati, amutuku ninye kanye yuk-yuk tenebikce bokolalamik.