Yohanes 6:62 - Eipomek

⁶² Ninye Mi Koprop Atonunye, mince ulamukak tuba tamubuka im deice welebilibuk, eipmunyopura, yata tenepnamlum do?

Yohanes 6:62 ပူးပေါင်းရင်းမြစ်များ

Matius 8:20

Nyabukura, Yesus arye anye biti tamubuka nyabuk. “Kabang atonun ning do, yuk talya buru tam ulamle ning do nirya, tuku dekuka aik dobikirye unyake. Maka yala nirya, sik asik ara, yo deice dobuka unyake. Tonda, yo taruk deice manyake. Kabang el asik ara, yo peia pum ton malule. Kabang ap, maka ap, sik asik aupmal bukni, nada Ninye Mi Koprop Atonunye bira, na aik koproba kum ati, na manak ton kum upnuke,” Yesus arye nyabuk. “Na ti dobolyaniminyopura, ikin upnamkila ati, aning tenena kum diparyuk yanamlam do, bataknalam do?” Yesus arye, Musa yupu peterena deiyoknye biti nyabuk.

Markus 16:19

Nun ni Yesus arye ayupu nyabukopura, el mapu adinmek bukni, Allah arye Yesus el nong dobuka bobiyukura, im deice welebuk. Yesus welebukopura, ‘Allah ap, aning-aning nirya pia talinamnam’ tenen, Allah el taruk sirik tam bukukce im deice tuba ei ulule.

Lukas 24:51

Yesus arye Allah tuba moronmok talak ara, Allah arye Yesus el nong erepdakuka, im deice doprobukce, anang asukumuk batakuk.

Yohanes 16:28

Na ni Allah arye dopdeipnukba, el dam im deice arye tukwak mutuku noutamak yase. Wini talak ara, tukwak mutuku batakuka, tuba tamubuka tonap na ni dam tamubuka im deice benamne.” Yesus arye el mapu ati nyabuk.

Yohanes 17:11

Na mapu ara, tukwak mutuku tuba unamak bukni, nara tukwak mutuku batakuka, an dam yanamne. Naio, anda pia malye ning ton winina kumnye ulyame ati, anda Pia Telebnye ulyame. An si weik mikip weik ukilya deice arye, ‘Na mapu ati kalikinamlam’ tenen, moropkine. An si ara, ance areamnulum si ati nyapkine. An areamnulum si mikip deice, pia kaliklaminye bukni, ‘Sik aminyan talak tonok kanye tenebuka, kanye talima dukdongobuka nong tonok atonun unamak’ tenen, moropkine. Tonda, na ni Allah, an ap, na ap, kanye talima dukdongobuka tonok unyam touk, ‘Sik babye atonun nong tonok atonun unamak’ tenen, moropkine.

Yohanes 3:13

Minop talak arye dipdongobuka wini talak babye, yuk ninye nirya im deice ton kum welebanyake. Tonoknye bira, Ninye Mi Koprop Atonunye, elda im deice ulamukce, tukwak yayuknye binya arye, el tonok ara, im deice weklamuk.

Yohanes 6:27

Narye nyapsine. Talye lyupmanto din ning ati, ‘Kanye deibuka dopropnamap’ tenen, pil dona meme. Aninguk tenena kum bukni, nara Ninye Mi Koprop Atonunye arye, din ning atonun ning arepsitinye aning ara, arepsiniba dopropmunyopura, aminyan pia kam unamlume. ‘Aninguk doproptibye’ tenen, pil donamlulume. Ninye Mi Koprop Atonunye ati ara, nun ni Allah arye elti, kanye akunum deibuke,” Yesus arye nyabuk.

Yohanes 6:42

Yu ubukba nyanmek. “Anye bira, Yusuf arye deibuk mi kum ulul do? Kume, elda anye binyuka. El li koprop ap, el lin koprop ap, ara nun kele. Ati ara, yata wiribuka, ‘Nara, im deice arye tukwak mutuku yase,’ nyapsutu do? Talye nyanmasile,” nyabik.

Yohanes 6:53

Nyaldanmekba, Yesus arye sikti, nyabuk. Dipkoprop nyapsine. Nara, Ninye Mi Koprop Atonunye, na nong ap, na ining ap kum dipmunyopura, bol koplobuka kam una deiyok ning kum doproptume. Pia kam kum unamlume.

Rasul 1:9

Yesus ayupu akunum nyabukopura, sik adinmek talakuk, Allah arye Yesus dobuka im deice welenmoka ani, dua kan-kan wekukopura, dua arye singnipdongobukura, sik kum eibik.

1 Peterus 3:22

Allah arye, Yesus Kristus kam bukeibukura, ila tamubuka im deice welebukce, Allah el sirik taruk tam bukukce ulule. Bukukce eitamuk uplibuk, Allah el im deice pil don ninye, malaikat ap, tukwak ninye deice tam unyakce weik deiyok nang atouk, im deice unyak ninye ap, tonda tukwak mutuku noutamak unyak isa mer nirya ap, yata mikip ning do nirya, Yesus el amutamuk unyake. Yesus ara, weik mikip weik ulirye, aning yala-yala nirya deice tamuk ulula atia.