Peterus arye ayupu tuba nyanmok talak ara, sik amutuku dup unmek bukni, dua arye siktikmek mutuku nirya palibuka lelipdongobukura, adua kan-kan arye, Allah arye ayupu nyabuk. “Aunmalanye bira, na Mi Koprop ulula ati, elti, na kanye pia delinune. Anggun nirya ara el yupu pia moubuka kekenamlulume,” Allah arye nyabuk.
Yohanes 5:32 - Eipomek32 Bukni, yuknye, weik mambulnye birye nati, “Anye bira dipnye,” nyanulule. Na kele, elce nati nyanulul yupu ara, dipkopropuk nyanulule. Talya kume. အခန်းကိုကြည့်ပါ။ |
Yohanes 5:32
11 ပူးပေါင်းရင်းမြစ်များ
Bulyayukopura, Allah im deice arye ayupu nyapdeibuk. “Anye bira, na Mi Koprop ulule. Narye elti, pia bico tenenuna anya arye, elti, na kanye pia deilinune,” Allah arye nyabuk. Nyabukopura, Allah El Dib Kanye arye, Yesus talima noutam nyapdeibukba, Yesus ara ninye pia kum ulamik mutuku, pata mutuku noutamak biyuk.
Mek dongobukba, lukuka tikukura, Yesus arye dinmok talak ara, adiparyuk Allah arye im deice pakibukce, Allah El Dib Kanye ara, yalma maka atonun dayukce, Yesus el nong deice bulyayuk. Bulyayukopura, Allah im deice arye ayupu nyabuk. “Anda na Mi Koprop ulyame. Narye anti pia bicoe tenekenuna anya arye, anti na kanye pia delikunune.” Allah arye Yesus ati nyabuk.
Anye bira, na babye kum bikamtinye bukni, ‘Yohanes birye dib tenenyak ninye mek dongonamle’ tenen, dopdeipnukce Allah arye, nyapnuke. ‘Allah El Dib Kanye im deice yalirye, el nong deice bukuka, el talima noutam pia aunamlanye bira, el akunuma. Anye birye yuk dib tenenamak nang ati, Allah El Dib Kanye dobuka arenamsile,’ nyabuka laka nyapdeipnuke. Winibuka laka nyapdeiamnuk atonun, aning nirya akunum winibukba eipse ati, ‘Anye bira Yesus adano’ tenen, akunum bikamse.
Na kele, Allah arye, ‘Wininamlulume,’ nyasilye yupu nirya kekebuka melipmunyopura, aminyan talak pia kam una deiyok ning arisilyopura, kam pia unamlume. Ati, na nyasinye yupu nirya ara, talye yupu uk kum ulule. Ayupu nirya, na Ni Koprop Allah arye, ‘Nyanamlyame,’ nyapnuk touk, anyuk nyasunune. Yesus arye nyabuk.
ကြော်ငြာတွေ