Yohanes 4:30 - Eipomek

³⁰ Nyabukura, anyasik ninye nirya sik asik batakuka, Yesus bukmokak dilbiyik.

Yohanes 4:30 ပူးပေါင်းရင်းမြစ်များ

Yesaya 60:8

Winipmanto ara, kumanya arye pubuka dopliba, im noutam dua bobuka minopce balamle touk, tonda yalma maka arye, ‘Na aik binun’ tenen, lakdaka balirye, el aik lakuka balamle touk, yata ning bikbik abuka banmalyak elilulum do?

Matius 20:16

Nyabukopura, ayupu nong tonap laka nyabuk. “Arup winipmanto yupu nyapmasin touk, sirya talak ara, wini talak anggun tukwak ninye arye, ‘Se anang ara weik mambule,’ tenelulum ninye ara, amutamuk deipnamne. Aning atonun, anggunce, ‘Se aninye ara, mambul pia kum ninye unyake,’ tenen, luba kilulum ninye ara, Allah arye erepdeiplirye, weik nang kipdeipnamlarya. Allah arye anang dobuka amutamto kipdeipnamle. Wini talak, yuk nang arye, ‘Sikda mambul kum ninye unyake,’ tenenyak ninye ara, Allah arye erepdeipliba, mambul weik ninye unamake.” Yesus arye nyabuk.

Yohanes 4:29

“Kume, na kayapu. Na winilamse ning nirya laka nyapmanunye bira, anggun ton dilyalulume. Anye bira, Allah arye, ‘Ninye lyepnamle’ tenen, wibuka dopdeipnamsilanye, el si Kristus nyalamaknye bira, anye akunum yanmasil do? Elda yuknye do?” nyabuk.

Yohanes 4:31

Anyasik ninye tuba bisik noutamak yangayik talak ara, Yesus el yupu keken nang arye elti, nyabik. “Naio, nun peterena deiyoknye, anda din ning diplyame,” nyabik.

Yohanes 4:39

Ara, aSamaria mutuku kil arye el asik nang ati, “Kume, anye birye na winilamse ning nirya laka nyapmanue,” nyabuka ati, amutuku asik Sikar mutuku ulamik nang yupa weika arye, Yesus ati dib tenebik.

Rasul 10:33

Nyapnuka ati, adiparyuk ninye wipdeipsirye, ‘An Peterus dobuka boyanamkiak’ tenen, ninye wibuka dopkwetepse. Winira, akunum yanmalama ati, telebe nyapkine. Ati, winira Allah el unmalce dinmasil damuk unmabe. Ara, ‘Allah arye anang nyapnamle’ tenen, nyabukura, kekeplum yupu nirya ara, ‘Nun nyapsiminyeura, kekepnuyabe. Allah arye yata yupu nyapnamsil do?’ tenen, bulubuka wekmabe.” Kornelius arye Peterus ati nyabuk.

Rasul 13:42

Paulus ap, Barnabas ap, sik Yahudi yala nang arye Allah yupu peteren aik noutam arye binurik talak ara, sik nyaprik yupu kekepmek nang arye morobik. “Anggun nyapsurum yupu ara, aminggu bukuka orSabat sum arye, tonap, dukdongobuka nyapnamsurume,” nyabuka morobik.

Rasul 28:28

Ura, Nyapsuka ati, wini talak ara, ‘Anggun dipkoprop kel kiplulum’ tenen, ayupu nyapsine. Ara, ‘Allah arye ninye lyepnamle’ tenen, laka dopkwetepsuk yupu, Yahudi yala kum ninye ati, akunum dopkwetepmale. Anang ara, dipkoprop kekepnamake Allah arye anang lyepnamlarya.” Paulus arye awekmek nang ati ayupu nirya nyabuk.

Roma 5:20

Allah arye, ‘Aning wininamlulume, aning ara kum wininamlulume,’ nyapdeibukba, Musa birye sekamuk mem yupu arepsuka deiyok ara ani. Ara, ‘Amem yupu kekebuka kel kibikirye, se nunda dipkoprop pia malye nanguk unyabe,’ tenebikirye, ‘Moubuka kel kipnamak’ tenen, arepsuke. Amem yupu aribukba, ninye nirya kel kiyamik bukni, malye ning weika arye tonap tapakrap tuba winipribalamik. Tuba tabakuka malye winipribalamik bukni, Allah weika arye tonap bico tenelamsukce, el kanye aryuk, ‘Dipkoprop ninye lyena ning talye arepnamsine,’ tenyamsuke. Malye winin ning ara, mitik weik upra balamuk bukni, Allah arye bico tenesilirye, lyesulul ning ara, pia weik upra balirye, malye una deiyok ning nirya ara, malye kibuka bisilule.