Yohanes 3:17 - Eipomek

¹⁷ Aning ara talye ati kum nyapsine. Allah arye el Mi Koprop dobuka, tukwak ninye unyabak dokdeipsuka deiyok ara, ‘Elce tukwak ninye nirya ati, wenebuka oplopnamle’ tenen, kum dopdeipsuke. Aning kum bukni, Allah arye, ‘Na Mi dopdeipnibuk, ninye arye elti, diba tenebikca deice arye, ninye mutuku-mutuku noutamak, kili sal weik lyepnamne,’ tenyamukce el mi ara, tukwak ninye unyabak dopdeibukba, nun dam yayuke.

Yohanes 3:17 ပူးပေါင်းရင်းမြစ်များ

Zakaria 9:9

Se, Sion mutuku noutam ululum ninye, anggun weik tonun kanye deibuka, kil-kil asa upmunce, unamlulume. Tonda, anggun Yerusalem mutuku ululum ninye nirya ara, weik tonun kanye deibuka, weik yupu deice arye, ‘Telebe,’ nyanamlulume. Anggun elilulume. Anggun ninye deiyoknye, aning nirya bisina ap, tonda pia diksukum una ap, deiyoknye yanmala ati, dilulume. El ayanamlanye bira, ninye unyak touk dipdebuka, diksukum kibuka, yupu lipsisikuka, bokolina deiyoknye ulule. Tonda, ninye lyena deiyok ning boyanmale. Bukni, anye bira, el kanye talima nimalyap asa arye, ulirye, amu tam ulule. Anye bira, winiryuk keledai basam balye deice bukuka yanganmale.

Matius 1:23

Yesaya arye nyalilamuk yupu ara ani. ‘Ninye dona kum kil arye, mi bomlya ani, sal mi deipnamle. Deiplyopura, el si ati Imanuel nyanamake. Imanuel nyanamaka ara, ‘Allah ap, nun ap, neika unyapnye’ tenen, nyanamake.’ (Yesaya 7:14)

Matius 18:10

Sik nirya arye, amitik mi kanye talima lamapdongobuka ulamle touk unyak ninye ati, ‘Aninye ara, sik mambul kume, daupmalye,’ tenena kume. Allah dib tenebuka, talima lamapdongobuka ulamice ninye ara, ‘Aninye ara mambul kume, daupmalye,’ teneluluma ati, anggun kanye moubuka unamlulume. Aninye ara, sik kalikna ati im deice pil don nang, malaikat, na ni Allah dam unyaka anya arye, ‘Anang ara mambul kume,’ tenena meme. Anang ara sik kalikna malaikat arye laka nyalbikiba, ‘Allah kekeplirye, anggunti wenepsilyak’ tenen, nyapmasina atia. Yesus arye nyabuk.

Matius 18:11

Yesus arye ayupu akunum nyabukopura, winipmanto yupu ton nyabuk. “Nara, Ninye Mi Koprop Atonunye birye tunimalamle ning atonun ning, ‘Eibuka lyepnamne’ tenen, yase. Utenen yasa ati, winipmanto yupu ton nyapnusine,” Yesus arye el mapu ati nyabuk.

Lukas 19:10

Nara, Ninye Mi Koprop Atonunye birye, ‘Allah diba tenena kum nang ati, eibuka lyepnamne’ tenen, na yase. Aning ati ara, arup ara Allah arye anti akunum lyepkile,” Yesus arye nyabuk.

Lukas 9:56

Wenebukopura, sik nirya amutuku batakuka, yuk asik dolamikak biyik.

Yohanes 1:29

Anang arye Yohanes ati asipdeyik sum bukni, mapmeka, anyuku sum ara, Yesus arye Yohanes el dam yanganmokba, Yohanes eibukce, nyabuk. “Ninye mutuku-mutuku nirya, sik malye winin ning kum kilina ap, ‘Sik kum dipnamak’ tenen, pununa ap deiyoknye, Allah arena ati Domba Mi Atonunye bira, ayanmal atia.

Yohanes 10:36

Anang ati, “Na mapu,” nyabuka anya arye, Allah arye, ‘Na kanye delinunye’ tenen, kanye deibukce, wipdeiamuknye, tukwak mutuku dopdeipnuknye ati ara, “Allah el Mi Koprop,” kum nyapdatinye do? Ati narye, “Allah el Mi Koprop unune,” nyapmanu deice arye, anggunce, “Allah el si yanipmalame,” nyanmanuluma ara, yata deiyok ati do?

Yohanes 11:42

Ance na nyakunun yupu nirya tuba kekenilyam ning ara, na akunum bikamse bukni, na ap atikmak nang arye, ‘E, Allah arye dipkoprop Yesus dopkwetepsuke, tenebuka, kel bikikirye, dib tenepnamak’ tenen, nyapkine.” Yesus arye nyabuk.

Yohanes 17:18

Ance na dobuka, tukwak mutuku noutamak dopdeipnulum touk, narye na mapu ati dobuka, ‘Tukak mutuku noutamak, mutuku-mutuku nirya na laka teleb yupu, ninye lyen yupu nyalbinamak’ tenen, dopdeipne.

Yohanes 17:21

Naio, narye sik aminyan talak dib tenenamak ninye ati moropmakin ning ara ani. Ara, ‘Na ap, Allah an ap, nun talima dukdongobuka, tonok kanye bobuka unyam touk, sik dib tenenyak ninye ap, aminyan dib tenenamak ninye ap, sik nirya ababye atonun, talima dukdongobuka neika unamak’ tenen, moropkine. Tonda, naio, sik nirya ap, nun bitinye ap, ‘Nun nirya ara talima dukdongobuka, tonok kanye bobuka neika unamap’ tenen, moropkine. Anyapman touk, sik dib tenepnamak ninye nirya arye winiptingopura, yuk talye ninye nirya eibikirye, ‘E, dipkoprop, ninye lyena ati, Allah arye Yesus dopdeipsuk’ tenen, kel biktinge. Utenen ati moropkine, naio.” Yesus arye nyabuk.

Yohanes 17:23

An ap, na ap, kanye dukdongobuka unyame. Na ap, nati dib tenenyak ninye ap, dib tenepnamniak ninye ap, talima dukdongobuka unamabe. Naio, ance aninye nirya ati, ‘Teleb kipdeiptumba, talima dukdongobuka, tonok kanye bobuka, pia telebuk neika unamak’ tenen, moropkine. Ara, sik talima wililana kum aniryuk, kanye yuk-yuk bobuka kum unamak bukni, nimalye arye teleb ubuka neika unamake. Winibuka winiptingeopura, dib tenena kum, talye tukwak ninye nirya arye kel kipnamake. Kel biknamaka ara, ani. Ara, ‘E, dipkoprop Allah arye Yesus dopdeibuk,’ tenena ap, tonda, ‘Allah arye Yesus ati kanye talima arelul touk, Allah arye adib tenen ninye ababye, sikti, talima arelule,’ tenena ap, ‘Aning nirya kel biknamak’ tenen, moropkine, naio.” Yesus arye nyabuka morobuk.

Yohanes 17:25

Se, Naio Allah, anda pia Diksukum Unanye ulyame. Malye ning tonok ning ababye kum winilyame. Diba tenena kumce, tukwak mutuku talye wininyak ninye arye, anti kum bikinyake. Sik ap, an ap, talima dukdongobuka kum unyake. Bukni, na bikamkise. An ap, na ap, talima dukdongobuka neikauk unyame. Ance na dobuka tukwak mutuku dopdeipnuluma ara, na mapu arye akunum kel bikamike.

Yohanes 17:3

Ura, bol koplobuka pia kam una ara, talye winina kum bukni, ara na areamnulum ninye ap, an ap, ance dopdeipnulumnye Yesus Kristus ap, nun nirya talima dukdongobuka neika una ati nyapne. Aninye nirya arye, nunti diba tenepsikirye, nun bitinye ap, aninye ap, talima dukdongobuka neika ubibya deice arye, pia kam unamake.

Yohanes 17:8

Aning ara, talya ati kum bukni, naio, ance areamnulum yupu nirya ara, narye dobuka na mapu ati peterelamsibuk, sikce ayupu kekebuka diba tenyamikce, akunum dolonyake. Na mapu ara, sik kanye teniltona kumce, akunuma, ‘Yesus ara, Allah arye dopdeibukce, tukwak dokwetepsuk anya arye, Allah el un dam arye yasuk’ tenen, akunum kel bikuka unyake.

Yohanes 20:21

Yesus arye sikti, tuba tamubuka tonap nyabuk. “Anggun mambul kanye bona kume. Ilil asa una kumce, kanye deibuka telebuk unamlume,” nyabuk. Tonda, “Na Ni Koprop Allah arye, ‘Na yupu dobuka peterelbinamle’ tenen, dopdeipnuk touk, narye anggunti, ‘Na laka teleb yupu ninye lyen yupu dobuka peterelbinamak’ tenen, dopdeipsine,” Yesus arye el wipdeiyamuk mapu ati nyabuk.

Yohanes 3:34

Allah arye tukwak mutuku dopdeipsuknye, elce talye yupu kume. Allah el dipkoprop yupu nyasulule. Allah arye anye biti, el Dib Kanye weik arye arilule. Ara mitika arye bokuka arena kume. Kum nukmanto pia weik, Allah arye el mikip ariliba, im deice arye tukwak mutuku yayuknye birye amikip dololule.

Yohanes 5:36

Nyabukopura, Yesus arye ayupu ton nyabuk. Yohanes arye nati nyapnuk yupu ara, mitik mambul ulul bukni, weik mambul ning ton aupmale. Ara, na ni koprop Allah arye, ‘Apil donmalya ani, sirya daknamle’ tenen, arepnuk pil ara tuba donune. Apil dopnyaura, mambul ning weik eipmunyopura, adeice arye, ‘Kume, dipkoprop Allah arye anye bira dib dopdeibukura, yanmasile. Talinye kume,’ tenenamnulume.

Yohanes 5:38

Tonda, anggun Farisi nang ara, Allah arye dopdeibuknye ati, dib kum teneluluma anya arye, Allah el yupu ara, kekeplumbuk, anggun kanye talima noutamak tuba kum ulule.

Yohanes 5:45

Bukni, ‘Sirya talak ara, Allah el dam welebibyopura, Yesus arye yupu bokeipsilirye, wenepnamsile’ tenena kume. Narye kume. Anggunce, ‘Musa sekeipsuk yupu talibibya deice arye, Allah lyepnamsile’ tenen, Musa el yupu atibuk anggun kanye talima delilulume. Ati el Musa arye sekamuk yupu deice arye, Allah arye anggunti yupu lipsisikuka bokeipsilirye, wenepnamsile.

Yohanes 6:29

Asipdeyikba Yesus arye, “Kume, Allah arye, ‘Wininamake,’ tenyamsuk ning ara, yuk pil ton kume. Ara, elce wipdeipsuknye biti, dib tenenamlulume. Anggun wininamlum ning ara, aninguka,” nyabuk.

Yohanes 6:38

Anyapmasin yupu deiyok ara, im deice arye tukwak mutuku yasirye, ‘Na dopdeipnuknye, Allah el tenenilye piluk donamne,’ tenepsirye yase. Nara, ‘Na kanye aryuk tenenun ninguk tenebuka wininamne’ tenen, kum yase.

Yohanes 6:40

‘Winipnamne,’ nyapmasina ara, talye ati kum nyapsine. Deiyok ara, na ni koprop Allah arye utenelule. Ara, Allah arye, yata ninye do nirya sikce, ‘Allah el Mi Koprop arye lyepsute’ tenen, na mi ati dib tenebiceura, ‘Dipkoprop pia kam unamake,’ tenelule. ‘Kam pia unamak’ tenen, na Yesus arye sirya talak, aninye nirya ara, kam bukdeipnirye ereipnamne. Yesus arye awekmek ninye nirya ati nyabuk.

Yohanes 6:57

Ara, Kam Una Deiyoknye bira Allah pia aulule. Na ni Allah dopdeipnukce talinululba, kam tuba unye touk, aning atonun na unun ning ap, nyasinye yupu ap, dolonyak ninye ara, narye talisinibuk, na deiceuk pia kam unamake. Yesus arye nyabuk.

Yohanes 7:29

Anggun kum kel bikamlum bukni, na dopdeipnuknye Allah ara, elce dopdeipnukba, nara el damak arye yanamse ati, el bikamse,” Yesus arye nyabuk.

Yohanes 8:11

Asipdeyukura, akil arye, “Kume, naio, sikce ayupu kum nyapmaniake,” nyabuk. Nyabukba, Yesus arye nyabuk. “Ati na babye atonun ayupu kum nyapnukine. Wini talak ara, an malye winiminye ning nirya batakuka, diksukumuk unalyame,” nyabuk.

Yohanes 8:42

Nyabikba Yesus arye, “Na kanye aryuk tukwak mutuku kum yase. Aning kum bukni, Allah arye dopdeipnukba, tukwak mutuku yasa ati, Allah ara anggun ni kopropa utopura, anggunce nati dib tenebuka anggun kanye talima na deiceuk deipnutume,” nyabuk.

1 Yohanes 2:2

Nun malye tenenyap ning ap, malye wininyap ning ap, kum ubuka delina ati, akunum deksukce, lyebuka deipsuke. Allah arye nun malye unyap ning ati wenebuka opsutu bukni, ‘Sik opnyak’ tenen, nun pununa ati, Allah tenyamuk tok, sik malye nang arye, Yesus obikbuk, el ining binmoka deice arye, nun malye winin ning nirya kilibuka, kum danalisulula ak, Allah arye namin kilisulule. Ara nun malye wininyap ninguk kume. Ninye mutuk sirya im sirya nirya sik malye wininyak ning babye kiliplirye, lyelule.

1 Yohanes 4:14

Tonda, nun ni Allah arye, ‘Na Mi Koprop ninye mutuku-mutuku nirya lyepnamle,’ tenebuk ning ap, utenebukce Yesus dokwetepsuke deice arye batakukbuk, eibupe ning ap, ayupu bitinye tuba laka nyanyabe.