Yohanes 21:5 - Eipomek

⁵ Talye kanye bobuka unmeka ani, Yesus arye sikti, weik yupu arye, “Na kayapu, mekwen ikan min kum dopmalum do?” nyabuka asipdeyuk. Asipdeyukura, sikce, “Kume, kabula,” nyabik.

Yohanes 21:5 ပူးပေါင်းရင်းမြစ်များ

1 Raja-Raja 19:6

Kekebukce, adiparyuk Elia lukdanuka bukukce dileyukce, el kisok deipmokak ara, roti bol uku arye dapmekba akunum opmok ning telebroba ap, mek kwepmok makau ap, ayanuka deipmokak eibuk. Eibukopura, adiparyuk dobuka dibukce, tuba tamubuka mabuk.

Mazmur 37:3

Anggunda, malye wininyak ninye ati, ‘Anang ara, teleb wininyake,’ kum tenenamlum bukni, tukwak mutuku noutamak unamlum talak nirya ara, ‘Allah elcuk melinamsil’ tenen, anggun ni koproba Allah Yahweh atibuk, diba tenepmunce, diksukum piluk donamlulume.

Matius 14:15

Tuba kwetena ap, peterena ap, wininmok bukni, keting kumupnuyuk talak ara, Yesus el wipdeiyamuk nang, sik 12 nang, el yupu kekebuka melibuka balamik nang arye, Yesus dam nyalyayik. “Naie, ninye kumak unmaba anya arye, keting akunum kumupnula ati, abulupmak ninye ati, ‘Anggunda bilulume,’ nyabuka bokeipminyeba, amutuku noutamak yuk-yuk aik malbitingce, sik din ning dekuka diptinge,” nyabuka nyalyayik.

Markus 8:7

Tonda mekin bal bitinyeto winilyeto kibuka lipmek ning ton dobuka, Allah ati “Telebe,” nyabuka morobukopura, amekin bal sekuka, el mapu aribukura, awekmek nang bokuka arebik.

Pilipi 4:19

Tonda, narye el si erenun Allah ara, elce aning-aning nirya, mambul ning, pia teleb ning weike talibuka ulya atouk, anggun Yesus Kristus ap, kanye dukdongobuka, neika umunyopura, anggun patapsilye ning nirya pia arenamsile.

Ibrani 13:5

Allah arye nun diba tenenyap ninye nirya ati, el yupu deice arye nyapsuke. Ayupu ara ani. ‘Doyanamle talak nirya ara, anggun batakuka, yukak kum binamne. Na ap, anggun ap neikauk unamabe. Anggun patan ning nirya ati, pia kum bataknamsine. Melibuka arenauk unamsine. Allah arye nyabuk.’ (Ulangan 31:6)

1 Yohanes 2:13

Anggun dipkoprop wisi nang ara, na ni yapu atonun ululume. Aning-aning nirya min kum uamuk talak, minop arye el tonok ulamuknye, Allah akunum kel kiplume. Allah akunum kel kipluma ati, ayupu seksene. Anggun kam nang ara, Pia Malye Ululnye, Isa Mutuku Dongonye akunum bisibuka yaniptapluma ati, ayupu seksene. Tonda, na mapu atouk nang ara, nun ni Allah akunum diba tenebuka kel kipluma ati, ayupu seksene.

1 Yohanes 2:18

Na mapu ati bico tenesunune. Winira, sirya talak arye Yesus yalyopura, tukwak ubuk ning nirya kum upnamle talak ara, akunum dam upsile. “Aminyan Yesus Kristus Yanipnamle Deiyoknye yanamlarya,” nyalamikbuk, kekelamlum touk, wini talak akunuma. Akunum yanmanto upmale. Elce Kristus si yanipre yanamle touk, el mapu babye, ‘Kristus si yanipnamap’ tenen, nun dam akunum yangasinyake. Wininyaka deice arye, ‘Dipkoprop sirya talak akunum dam upmale,’ tenenyabe.