Yohanes 21:24 - Eipomek

²⁴ Ara, ayupu noutamak “Anye,” nyapdeipmasinanye bira, na Yohanes ati nyapsine. Anyapmasin ning nirya ara, na asing arye elilamse. Na aryuk sekuka deipsine. Nun nirya kele. Narye sekeipmasin yupu ara, Yesus arye nyalamuk yupu ap, winilamuk ning nirya ara, dipkoprop ulule.

Yohanes 21:24 ပူးပေါင်းရင်းမြစ်များ

Yohanes 15:27

Elce nati laka nyapnamle bukni, anggunda na mapu ababye, ‘Yuk ninye nirya kekenamak’ tenen, nati adiparyuk laka nyalbinamlume. Na pil deiyok kipse talak arye diprongobuka, wini talak nirya ara, na ap neika unyaba ati, anggunce tonap nati, laka nyalbinamlume.” Yesus arye el wipdeiamuk nang ati nyabuk.

Yohanes 19:35

Sikce winibikura, aning nirya eibuknye birye, akunum lakak laka nyapsuke. Elce, “Anang arye winibike,” nyabuka, laka nyapsuk yupu ara, dipkopropuk ulule. Anye birye, dib yupu nyapsuka ara, ‘Sik nirya kekebikirye, dib tenepnamak’ tenen, nyapsuke.

1 Yohanes 5:6

‘Yesus Kristus elda, dipkoprop Allah el Mi Koprop ulule’ tenen, kel kinyaba deiyok ning ara ani. Ara, Yohanes arye, Yesus mek dongobukba winibuk ning ap, sikce Yesus obikbuk, el ining biyuk ning ap, abitinye ning deice arye kel kinyabe. ‘Yesus ara, Allah el Mi Koprop ulule,’ tenenyaba ara, tonok ning deice aryuk kume. Yohanes arye Yesus mek dongobukba winibuk ning ap, sik obikbuk ining biyuk ning ap, abitinye ning deice arye, diba tenebuka kel kinyabe.

3 Yohanes 1:12

Yuk ning ton nyapnune. Yuk ninye nirya arye, nun kwit Demetrius ati, “Elda telebuk ulule,” nyabuka nyanyake. Tonda, Allah yupu nyasilye touk ululnye anya arye, Allah yupu deice arye ton, ‘Demetrius bira, telebuk ulule,’ tenenyabe. Atouk ton, nun babye, elti, “Telebuk winilule,” nyanyabe. Aning ara, talye kum nyanyabe. Tonda, anggun kele, nunce nyalamap yupu nirya ara, dipkopropuk nyanyabe.