Yohanes 21:2 - Eipomek

² Asum ara, sik neika unmek nang ara, Simon Peterus ap, Tomas (tonda Didimus nyalamiknye) ap, Galilea tam bukni, Kana mutukunye Nataniel ap, Zebedeus el mapu ap, yuk bitinye nang ap, sik nirya neika unmek.

Yohanes 21:2 ပူးပေါင်းရင်းမြစ်များ

Matius 10:3

Pilipus ap, Bartolomeus ap, Tomas ap, ton amutuku talyamik nang, Roma nang pajak yo bok arena ati bulubuka delilamuknye, Matius ap wibuka deiyamuk. Tonye bira, Alpeus el mi Yakobus ap, Tadeus ap,

Markus 1:19

Yesus ayupu nyabukce, amekwen lilunuk mitik tonun ton banmoka ani, bitinye nang ton, Yakobus ap, el weit Yohanes ap, Zebedeus el mapu, sik mek liya yo deice arye mekin bal youbuka dolamrik ning kintininmarikak eibuk.

Lukas 5:10

Tonda, Zebedeus el mapu bitinye Yakobus ap, Yohanes ap ara, Simon ap, sik mekin bal youna ati, pil neika dolamik nang, sik babye, ngalukunmarik. Simon Peterus arye Yesus ati, “Na batakuka yukak bilyame,” akunum nyabukopura, Yesus arye Simon biti tamubuka nyabuk. “Simono, an ilil una meme nyabuk. Wini talak arye dipdongobuka dotalak ara, ‘Allah lyeplirye, sik talima talinamle’ tenen, ance ninye weik bulubuka na dam boyanganamlame,” nyabuk.

Yohanes 1:45

Pilipus birye el kwit koprop Nataniel biti, enmoka ani, eipdarikopura, nyabuk. “Nataniel, Allah arye, ‘Wininamlume, aning ara kum wininamlume,’ nyabukba, Musa sekeiyamsuk yupu, el mem yupu noutamak arye, ‘Anye yanamle,’ nyabuka laka nyabuka sekamsuknye bira, nun ap akunum eipdanmabe. Tonda, Allah yupu lak nyalamik nang, sik nabi nang arye, yupu sekamik ning noutamak arye mambulnye nyalamiknye bira, akunum eipdanmabe. Anyapmakin anye bira, ara Yusuf birye deibuk mi Yesus, Nasaret mutukunye biti nyapkine,” Pilipus birye nyabuk.

Yohanes 11:16

Nyabukura, tonoknye el si ara, bitinye Tomas ton nyalamike. Tonda Didimus, nyalamiknye birye, ‘Malye nang arye, Yesus opnamak’ tenen, nyabuk. “Na kayapu, nun ap, nun ni koprop Yesus ap neika binuyabe. Yu nang arye, el obicopura, nun babye opsitinge. Neika dipnamape,” nyabuk.

Yohanes 2:1

Yesus arye Galilea tam noutam bukni, mutuku si Kana mutuku biyukce, daunmeka ani, winilye sum akunum kibukura, amutuku ninye arye kil dona ati yunmek. Sik yunmek aik ara, Yesus el lin ap neika unmek.

Yohanes 2:11

Yesus arye talye mek dobuka, pia teleb anggur mek, ninye kanye wangalamak ning kintinipdeibuk ning ara minyuma ning, ninye kum winipmanto pil dobuk. Apil dobuk ning deiyok ara, ‘Anye bira Allah el mikip deice arye pil dolule, tenepnamniake,’ tenebukce, apil ninye kum winipmanto ning dobuk. Ati, Galilea tam noutamak Kana mutuku arye apil dobuka deice arye, el weik mambul winibuk ning ap, pia teleb winibuk ning ap, laka kipdeipsuke. Tonda, winibukura, elce wepdeibuk nang eibikce, el Yesus ati, weik arye diba tenebikce, sik kanye talima el deiceuk deibik.

Yohanes 20:28

Nyabukura, Tomas arye, “Se, Naio, anda na Deiyoknye, Allah ulyame,” nyabuk.

Yohanes 4:46

Galilea mutuku noutam bukni, mutuku si ara Kana mutuku, Yesus arye talye mek dobuka winipman kum pil dobukba, amek ara anggur mek daneibuk. Talye mek bukni, anggur mek dayuk mutuku ara, like tonok talak ton biyuk. Kana mutuku biyuk talak ara, tonoknye amutuku tam talibuka ninye deiyoknye ulamuknye bira, el mi uk dilamuk. Ami ara, Kana mutuku kum, pera mutuku, Kapernaum mutuku uk talipmokba, unmok.

Yosua 19:28

Adinibuka, otam ton Ebron mutuku ap, Rehob mutuku ap, Hamon mutuku ap, tonda Kana mutuku ap, dipdongobuka binamuka ani, weik mutuku Sidon mutuku binuka deibuk.