Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Yohanes 20:30 - Eipomek

30 Ara, Yesus ap, el yupu kekebuka melilamik nang ap, neika unmek talak noutamak ara, Yesus arye ninye kum winipmanto ning weik tonun tonap pil donmok bukni, na Yohanes arye asekmasin buku noutamak ara, aning-aning nirya kum sekuka deipne.

အခန်းကိုကြည့်ပါ။ ကော်ပီ




Yohanes 20:30
10 ပူးပေါင်းရင်းမြစ်များ  

Yesus arye talye mek dobuka, pia teleb anggur mek, ninye kanye wangalamak ning kintinipdeibuk ning ara minyuma ning, ninye kum winipmanto pil dobuk. Apil dobuk ning deiyok ara, ‘Anye bira Allah el mikip deice arye pil dolule, tenepnamniake,’ tenebukce, apil ninye kum winipmanto ning dobuk. Ati, Galilea tam noutamak Kana mutuku arye apil dobuka deice arye, el weik mambul winibuk ning ap, pia teleb winibuk ning ap, laka kipdeipsuke. Tonda, winibukura, elce wepdeibuk nang eibikce, el Yesus ati, weik arye diba tenebikce, sik kanye talima el deiceuk deibik.


Yesus winilamuk ning ara, abuku noutamak weik sekmasin bukni, elce pil dolamuk ning ap, yupu nyalamuk ning ap nirya ara, kum sekeipse. Yesus arye winilamuk ning nirya sekeiptinyopura, buku nong yupa weik, kum nukmanto uptue. Na kanye ara, tukwak mutuku noutamak mutuku-mutuku nirya, buku sekuka deiamtinga ababye, lo kum uptu ura, kum deipmanto uptue. Telebe, na yupu akunum sekeipsene. Na Yohanes birye nyapsine.


Dana-dana tam ulamik ninye ara, Yesus arye uk talilamuk ninye kwetelamukce, ninye kum winipmanto pil dolamuk ning ara elilamika ati, Yesus biyukba, ninye yupa weik, ‘Yesus eipnamap’ tenen, amutuku uk biyik.


Sik minop talak seklamik yupu nirya ara, nun kel kina ap, peterena ap ati seklamik. Ara, Allah arye nunti, ‘Winibuka wininamak,’ tenyamsuke. ‘Allah yupu nirya kekebikca deice arye, sik kanye talima kwa dibleba, sikce, ‘Ikin upmasilya babye, Allah dipkoprop lyebuka melinamsile’ tenen, batakna kum, pia pi dobuka wininamake. Na Allah ati ara kum wininamake,’ tenyamsukce, el yupu nyalilamukba seklamik.


Nun apu yapu malye ulamikba, Allah arye, aninye wenebuk ning ara, ‘Yuk ninye nirya kel biknamak’ tenen, winipmanto ning akunum winipsile. Nun wini talak unyap ninye ara, sirya daknamle talak akunum dam yanamsila anya arye, ayupu minop talak sekamik ning deiyok ara, ‘Sik sirya talak wini upnamak ninye mankau arye, malye winibicak’ tenen, yupu sekeldongona ati, ayupu sekeiyamsike. Ati aning nirya tenepdemunce, kanye moupnamlulume, nyapsine.


Ara, anggunda, ‘Allah el Mi Koprop diba’ tenen, talibuka ululum ninye ara, ‘E, nunda dipkoprop kam pia unamap’ tenen, ‘Kanye bokoltona kumce, dipkoprop kel kipmunce, talima tunim abuka unamlum’ tenen, na Yohanes arye anggun ati, ayupu seksene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ