Yohanes 20:14 - Eipomek

¹⁴ Maria arye nyabukopura, tamubuka el donga tam dipdeyukce, Yesus eibuk. Yesus atikmokak, eibuk bukni, ‘Yesus dipkoprop aunmale’ tenen, moubuka kum bikuk.

Yohanes 20:14 ပူးပေါင်းရင်းမြစ်များ

Kejadian 42:8

Yusup birye, ‘E, anang ara, dipkoprob na du yape yanmake’ tenen, akunum kel kibuk bukni, sikce el urasin ara, kum bikmeka arye, ‘Nun weit koproba Yusup atia,’ kum tenebik.

Matius 28:9

Bisik noutamak bik-bik abuka banmarik talak ara, Yesus talye karin yayukce epdayik. Epdayikce, Yesus arye akilapu bitinye ati, “Telebe,” nyabukba, el dam yarikce, si erebuka, ‘El si kipnunam,’ teneprikce, el yan dam yanuka taliprik.

Markus 16:12

Yuk talak Yesus el urasin ara, mitik yuk kibukabukce, el wipdeiamuk nang, bitinye nang bisik banmarika noutamak, Yesus talye karin arye panabuka tikilyayuk.

Markus 16:9

Ura, Minggu sum beren tam berekel takne talak ara, Yesus talye karin arye, tonok kil el si ara, Maria Magdalena, akil damak panabuka tikilyayuk. Yesus kam bukmokbuk, yuk nang nirya arye min kum eipmek talak ara, minopce Maria Magdalena dam, Yesus talye karin arye tikilyayukura, eibuk. Akil Maria ara, minop talak tekbarye isa arye, el talima noutam talyamikba, atalak kum bukni, Yesus min arye aisa akunum yakuka dopkwecamuk.

Lukas 24:16

Yesus yayukura, sik ap ansinibuka banmek bukni, ‘Na yanman ati akunum bikmaniak,’ tenebukce, sik kanye tenen ning, duknubuk ati ara, Yesus el urasin eiprik bukni, sikce, ‘Yesus ara anye,’ kum teneprikce, el urasin kum bikdike.

Lukas 24:31

Roti arinmok talak ara, ‘Yesus ani’, kum tenepmarika ati, Allah arye, ‘Yesus biknurak’ tenen, sik kanye pakeibukce, asing teleb kipdeibukura, Yesus nong bikrik. Kel bikrik bukni, Yesus adiparyuk tunim abukura, tonap kum eiprik.

Lukas 4:30

Dobiyikura, Yesus arye aninye weik wekmek kan-kan pikiplobuka yukak biyuk.

Yohanes 21:4

Talye demuk dayanmeka ani, beren tam talak kibukura, amekwen lilkwa uk, Yesus panabuka tikilyayuk bukni, sik nirya arye, ‘E, atikmalanye bira, Yesus aunmale’ tenen, moubuka kum kel bikmek.

Yohanes 8:59

Yesus arye ayupu nyabuka deice arye, sik Yahudi yala nang arye, ‘Anye bira adiparyuk opnuyap’ tenen, keil dobuka kintinipmek. Kintinipmek bukni, Yesus arye, Allah el arilamik aik dam unmokak arye batakuka, dungnubuka biyukba, sikce Yesus tonap atalak kum eibik.