Yohanes 19:40 - Eipomek

⁴⁰ Sik bitinye, Yusuf ap, Nikodemus ap arye, Yesus el nong dobuka, anintong teleb ning, el nong deice likeiprikce, pia teleb namin cang kain kwilikukaprice, Yesus el nong kitipdongoprik. Winibuka, Yesus el nong weinak ati, apil kintinibuka deiprika ara, sik Yahudi yala ninye nirya arye, ninye weinak ati winilamik.

Yohanes 19:40 ပူးပေါင်းရင်းမြစ်များ

Kejadian 50:2

Malye kanye bobuka daunmek bukni, Yusup birye el amu tam, sik kwetena pil dolamik deiyok nang ati nyapdeibukba, sikce Israel el nong dobuka bobiyikce, ‘El nong minopce lyuplyak’ tenen, sik obat atonun ning likukabikce, el nong kintinip deibik.

Matius 26:12

Akil arye nati, anintong teleb mek dikeipmanila ara, laka nyapnusine. Aminyan na opnikceba dipnamne talak ara, na nong weipnamniyaka ati, wini talak ara, na nong weina ati kintinipdeipmanilarye, winipmanile.

Markus 14:8

Akil arye ‘E, Yesus si erebuka kipnun’ tenen, el pil dopmanto ning, pil doptu ning ara, akunum winipmanile. El winipmanil ning ara, laka nyapnusine. Aminyan na opniceura, dipnamne talak ara, na nong weipnamniyak ati, akil arye na nong kintinipdeipmanile.

Lukas 24:12

Sik nirya diba kum tenebik bukni, Peterus eluk ara, Yesus weipmekak keil deiyok dam bik-bik abuka dilbiyuk. Biyukopura, nong kanipdongobukce, keil deiya pum bita dipdeyukce, Yusuf arye mitang baju kitibuka weipmok ninguk aupmokak eibuk. Eibukce, el kanye pum tam aryuk, ‘Yata wiripmal do?’ tenen, teninmokce banmok.

Yohanes 11:44

Nyabukura, adiparyuk diamuknye Lazarus kam bukukce, akeil deiya pum bisik arye bai tam yayuk. El yan ap, el taruk ap, namin kain arye kitipmeka ara, tuba upmok. Tonda, el urasin kitipdongopmek baju ara, tuba upmok. Winibuka ati, Yesus arye awekmek ninye ati nyabuk. “El nong weina ati, kitipmek cang kain nirya kwiribuka loplopmunyeura, Lazarus binule,” nyabuk.

Yohanes 12:7

Yudas arye el yupu nyabuk ati, Yesus arye nyabuk. “Akil ati ayupu nyaplam ning ara bataklyame. Allah arye tenyamuk touk, akil arye akunum winipmanile. Aning ara laka nyapnusine. Ara, aminyan na opnikibuk, dipnamne talak ara, na nong weipnamniaka ati, akil arye, na nong kintinina pil atonun akunum winipmanile.

Rasul 5:6

Ananias akunum dibukura, kam nang arye yanuka el nong baju arye kitibikce, baya wibuka buru bobiyik akarye weibik.