Yohanes 19:3 - Eipomek

³ Winibikce, abulubuka wekmek yin talin nang arye, Yesus dam yanuka nyanmek. “Se, anda weik mambulnye. Yahudi yala ninye sik weik ninye deiyoknye, Raja ulyame,” nyabuka, Yesus el urasin deice taruk arye onmek.

Yohanes 19:3 ပူးပေါင်းရင်းမြစ်များ

Matius 26:49

Yudas birye ayupu nyapdeipnuyuka ati, adiparyuk Yesus dam yayukce, “Na nie, na peterena deiyoknye,” nyabuka Yesus mutubuk.

Matius 27:29

Winibikce, tace weik ning kwanibukabikce, Yesus el kisok deice parikeibik. Tonda, ‘Ninye deiyok mambul nang teleb kama talibuka balamak touk winipnul’ tenen, talye kama arebikopura, el urasin tam gutam tuku dipdongobuka, Yesus el nalibuka akutuna ati, ayupu weik arye nyanmek. “Naie, Telebe. Yahudi yala nang, sik mambul ninye deiyoknye ulyama anya arye, nunce si erekinyabe,” nyabuka nalinmek.

Markus 15:18

Winibikopura, Yesus el nalibuka akutuna ati, weik arye ayupu nyanmek. “Naie, Telebe. Yahudi yala nang, sik weik ninye deiyoknye Raja ulyame,” nyabuka nalinmek.

Lukas 1:28

Amalaikat Gabriel arye, Maria dam biyukce ayupu nyabuk. “Na ka kilo telebe. Allah arye anti kanye deipkukce, pia mambul pil dopnamkile. Allah ara an ap urumunce pia melinamkile,” nyabuk.

Yohanes 18:22

Nyabukura, akekenmek nang kan-kan arye, tonok Yahudi yala deiyoknye, el taruk arye, Yesus el asok noutam bokukce, ayupu nyabuk. “Ance nyapmalamba, kekenmakilanye bira, Allah arena ati, weik deiyoknye ulula anya arye, ance elti, ayupu mikip arye nyanmalam ning ara teleb do?” nyabuka wenebuk.

Yohanes 18:33

Aninye arye ayupu nyabikura, Pilatus el weik aik pum tamubuka wekelbiyukce, “Yesus dobuka boyanululume,” nyabuka deice arye, Yesus dobuka el dam boyayik. Dopdeibikopura, Pilatus arye Yesus ati asipdeyuk. “Sik aninye arye, anti, ‘Elda Yahudi yala ninye, sik weik ninye deiyoknye, Raja ulule,’ nyakinyak yupu ara dib do? Telila do?” nyabuka asipdeyuk.