Yohanes 19:25 - Eipomek

²⁵ Yesus wanwanun yo deice opmek damuk, Yesus el lin koprop tikuk. Tonda, asukumuk el lin el weit kil, ara tonoknye el si ara Kelopas, el kil Maria ton tikuk. Tonda, Magdale mutuku kil, el si babye, Maria Magdalena mutuku kil, asukumuk tikuk. Sik nirya neika tikuka dinmek.

Yohanes 19:25 ပူးပေါင်းရင်းမြစ်များ

Matius 12:46

Yesus anyaik bukmokce, awekmek nang ati tuba nyanmok talak ara, el lin koprop ap, el weit yapu koprop ap arye, ‘Yesus ap yupu taliptibye’ tenen, Yesus dam yayik. Aik yanuka tikikce, ‘Yuk nang arye Yesus binuka nyapdeipnunyaka’ tenen, nyabik.

Markus 16:9

Ura, Minggu sum beren tam berekel takne talak ara, Yesus talye karin arye, tonok kil el si ara, Maria Magdalena, akil damak panabuka tikilyayuk. Yesus kam bukmokbuk, yuk nang nirya arye min kum eipmek talak ara, minopce Maria Magdalena dam, Yesus talye karin arye tikilyayukura, eibuk. Akil Maria ara, minop talak tekbarye isa arye, el talima noutam talyamikba, atalak kum bukni, Yesus min arye aisa akunum yakuka dopkwecamuk.

Lukas 2:35

Ami ara, el aunamle ning nirya deice arye, ninye kanye talima noutam arye, ‘Allah ati nun like,’ duknubuka tenelamak ning nirya lak kilinamle. Tonda Maria anda, dula ning luksilyeura, uk weik dilamsil touk, an mi ati malye unamak ning deice arye, kanye talima pia sukunamkile.” Simeon arye nyabuk.

Lukas 23:49

Sik talye nang nirya biyik bukni, Yesus melibuka balamik nang ap, kilapu ap, Yesus wanwanun yo deice opmeka dam ara, mitikto yukak arye dinmek. Anirya dinmek ninye noutam arye, akilapu nirya ara, Yesus Galilea mutuku arye, Yerusalem yangalamuk talak ara, sik ap melibuka balamik.

Lukas 24:18

Winibuka dinmarikbuk, tonoknye Keleopas arye, Yesus ati nyabuk. “Ambusum winipmo ning nirya ara, nun Yerusalem mutuku noutamak unyap nang nirya eibuka kel bikinyap bukni, an tonok ara, kum eiplum arye, kum biklum do? Anda winiryuk Yerusalem mutuku dam yanmalama ati, kum bikmalam do?” nyabuk.

Lukas 8:2

Tonda, isa talyamneura, Yesus arye yakuka dopkwetepnarye kwetelamuk kilapu ap, uk dilamukbuk kwetelamuk kilapu ap, Yesus ap balamik. Tekbarye isa talyamuk kil, el si ara Maria, Magdalena kwetebuk kil ap, Herodes el aik pil dolamuknye Kusa, el kil Yohana ap, Susana ap, ton yuk kilapu weik tonap neika balamik.

Yohanes 20:1

Sik nirya damapra unmeka ani, Sabat sum akunum ubukopura, Minggu sum beren tam bereklamle talak arye, Maria Magdalenarye, Yesus el nong dobuka weipmek keil deiya dam biyuk. Biyukce, keil deiya buplan bisik noutamak kurukuka siknipmek keil, otam akunum kuruklopmokak eibuk.