Yohanes 19:14 - Eipomek

¹⁴ Pilatus arye aning deice bukuk sum ara, Kaplina ati Kwalina kintinin sum nyalamik. Keting ara, keting dukduk arye nyabuk. Pilatus, yupu bokolina deiyoknye bulamak ning deice bukukce, nyabuk. “Anggun Yahudi yala ninye, anggun weik ninye deiyoknye, Raja Yesus aunmala atia,” nyabuk.

Yohanes 19:14 ပူးပေါင်းရင်းမြစ်များ

Matius 27:45

Inina tonok keting deice arye, Yesus wanwanun yo deice deipmekura, daunmoka ani, keting dukduk jam 12 siang ara inibukba, amutuku nirya adiparyuk inibukce kuna dakuk.

Matius 27:62

Yesus akunum dibukura, sik nirya daulamika ani, mapmeka Sabat sum lukunyan berekuk sum ara, sik Yahudi yala ninye arye, Kaplina ati Kwalina deiyok koulamik sum ubuka ati, sik Farisi nang ap, Allah arena ati deiyok nang ap arye, Pilatus el dam ayupu nyalbiyik.

Markus 15:25

Yesus wanwanun yo deice deibik ara, ninye buru balamak ketingto, beren tam toupne keting, jam sembilan atonun akunum ubukura, wanwanun yo deice deibik.

Markus 15:42

Yahudi yala nang arye Allah si erena ati, ‘Pil dona kum aniryuk, dikdik sena ati, Sabat sum deice Allah el siuk erepnamap’ tenen, dikdik selamik sum upnamoka ati, sik kintinilamik sum akunum ubuk.

Lukas 23:44

Yesus wanwanun yo deice deibik ara, keting dukduk ara, beren tam toupne keting arye deibik. Beren tam toupne keting deice arye, Yesus wanwanun yo deice deipmekura, daupmoka ani, keting dukduk, an koprop ubukaura, amutuku nirya inibukce kunukuk. Uku weik kunukmoka ani, sintam winilye keting ubuk. Ara, sintam keting noutam tuba upmok bukni, keting dirina kum upmukce, kunuknauk upmok.

Lukas 23:54

Yusuf arye, Yesus el nong weilbiyuk sum ara, Yahudi yala nang Allah si erena ati, ‘Sabat sum deice pil kum dopnamap’ tenen, dikdik sen sum upnamoka ati, sik kintinibuka delilamik sum akunum ubuk. Kintinibuka delin sum akunum ubuka anye arye, ambusum ato kum pil dopmanto ati, inibukura, Yusuf arye Yesus el nong dobuka, asum aryuk keil deiya pum dongobuk.

Yohanes 19:3

Winibikce, abulubuka wekmek yin talin nang arye, Yesus dam yanuka nyanmek. “Se, anda weik mambulnye. Yahudi yala ninye sik weik ninye deiyoknye, Raja ulyame,” nyabuka, Yesus el urasin deice taruk arye onmek.

Yohanes 19:42

Sik Yahudi yala ninye weik kwalina sum ati, kintinina sum akunum ubuka anya arye, ‘Ambusum ara, apil ton kum doptibye,’ teneprikce, akeil deiya dam ubuka anya arye, Yesus el nong dobuka, asukumuk dongoprik.

Yohanes 19:5

Pilatus arye, ayupu nyanmok talak ara, el yin talin nang arye, Yesus boyayik. Yesus ara, taice ning kwanibuka, el kisok deice koupdongopmek ning ap, mirin cang baju, el si juba, el nong deice ongopdeipmek ning ap, tuba upmok. Yesus boyanmekba, Pilatus arye el aik dam wekmek ninye nirya ati, “Anye bira aunmale. Anggun dipdelulume,” nyabuk.