Yohanes 18:3 - Eipomek

³ Yudas ara, ‘Malye nang arye Yesus opdeipnamniyak’ tenen, ninye yupu akunum laka nyalilbinmokba, kekepmeka anya arye, Yudas arye, “Bisik ani,” nyabuka menekuka biyukba, sik anang arye, Yudas el aminyan tam yanganmek. ‘Yesus tapu koupnuyap’ tenen, yanganmek ninye ara, yin talin nang ap, Allah arena ati, weik deiyok nang sik amu tam nang ap, Farisi nang ap yanganmek talak ara, weisa ap, lampu pelita ap, yin ap, parang ya ap talibuka boyayikce, yupa weik yanganmek.

Yohanes 18:3 ပူးပေါင်းရင်းမြစ်များ

Mazmur 22:12

Winipmanto ara, mutuku si Basan mutuku arye, weik bai sapi basam yim ning, yang belelamle ning nirya yangakirye, yanuka wariklamak touk, na mal olan nang yupa weika arye yanuka, ‘Anye opnuyap’ tenen, antanap dongobuka, wariklamniyake.

Matius 25:1

Yesus arye el mapu ati nyabuk. “Na Ninye Mi Koprop Atonunye birye, ‘Aning-aning nirya talinamne’ tenen, im deice arye tukwak yanamne talak winipnamle ning ara, ‘Kel biknamlum’ tenen, winipmanto yupu nyapnusine. Winipmanto yupu ara ani.

Yohanes 13:2

Atalak ara, Isa Mutuku Dongonye arye, ‘Anye malye winipnamle’ tenen, Simon el mi Yudas Iskariot ati, el talima akunum tamubukura, Yudas arye, ‘Yesus opnamak’ tenen, tonda, ‘Ninye yupu delilbinun’ tenen, akunum kintinibuk. Alukunyan sik dipnuyik ning bokuka arilanmek.

Yohanes 18:12

Yesus arye nyabukba, sik yin talin nang ap, sik deiyoknye ap, sik Yahudi yala deiyok nang ap, sik nirya arye Yesus tomobikce, tapu koubuka bobiyik.

Yohanes 18:18

Alukunyan ara, arukna ubuka anya arye, anyasik melinang ap, sik deiyok nang ap, uku sekmekak dana-dana tamuku pikinmek. Peterus babye, aninye sikuku sekuka pikinmek akuk, asukumuk tikuka, el babye uku pikinmok.

Yohanes 18:22

Nyabukura, akekenmek nang kan-kan arye, tonok Yahudi yala deiyoknye, el taruk arye, Yesus el asok noutam bokukce, ayupu nyabuk. “Ance nyapmalamba, kekenmakilanye bira, Allah arena ati, weik deiyoknye ulula anya arye, ance elti, ayupu mikip arye nyanmalam ning ara teleb do?” nyabuka wenebuk.

Yohanes 19:6

Nyabukba, sik Yahudi yala nang, Allah arena ati, weik deiyok nang ap, sik amu tam pil dolamik nang ap, Yesus eibikce, nyabik. “Yesus ara, wanwanun yo deice deibuka opdeipsilyame,” nyabuka, weikto arye nyanmek. Nyanmek bukni, Pilatus arye, “Nara, ‘El malye winibuka deice arye, ninye olamak deiyok ning anye’ tenen, kum kel kipmana ati, deiyok kum upmala ati, narye anye bira, kum opdeipnamsine. Anggun bidamnye aryuk, anye bira bobuka olbilulume,” nyabuk.

Yohanes 7:32

Awekmek ninye kan-kan arye, sik Farisi nang ton wekmeka ati, aninye nyanmek yupu kekebikce yu ubuk. Yu ubukba, sik Farisi nang ap, Allah arena ati weik deiyok nang, sik imam nang ap arye, ‘Yesus tomobuka tapu koupnamak’ tenen, biyikce yupu nyapdeibikba, Allah arilbalamik aik yin talibuka kaleklamik nang arye, Yesus ati elelbiyik.

Rasul 1:16

“Na kayapu, minop talak arye Allah El Dib Kanye arye, Daud, el kanye talima pum tam wekukura, utenebukce, ‘Winipnamle,’ nyabuka sekamuk yupu ara, atalak ara, Yudas kum bikamuk bukni, ayupu ara, el Yudas ati nyalamuk. Ayupu ara, kum batakmanto yupu ati, akunum winipmasile. Ara, Yesus tapu koupnamik nang dam inibuka dobuka yayukce, ‘Yesus ani,’ nyamuknye, Yudas ati Daud arye ayupu nyamuk.

Rasul 10:1

Kaisarea ulamuknye, el si ara, Kornelius, elda Roma mutuku yin deiyok nang, 100 nang yupu bokolinanye ulamuk. Sik ninye yupa 600 nang yupa yuk-yuk kibuka, sik si bokuka delilamik atonun, el yupa si ara, Italia nyalamik.