Yohanes 18:25 - Eipomek

²⁵ Sik anang arye wininmek talak ara, Peterus ara anyasik damuku tuba pekinmok. Asukumuk tikuka, uku pekinmok talak ara, aunmek nang kan-kan tonoknye birye nyabuk. “Se, anda, anye bira Yesus, el yupu kekebuka dobolbananye ulyam darepe,” nyabuk. Nyabukba, Peterus arye, “Na kume,” nyabuka, pilibuk.

Yohanes 18:25 ပူးပေါင်းရင်းမြစ်များ

Kejadian 18:15

Nyabukura, Sarah kekebukce, ilil ubukba, “Kume, na kum akutupmanue,” nyabuka pilibuk bukni, anye birye, “Kume, anyapmanilama ara, tilila nyaplame. Dipkoprop akutubmome,” nyabuka wenebuk.

Amsal 29:25

Ninye ati ilil tenebuka unyak nang ara, ikin kanye bobuka unyake. Tonda, sikce atalak-atalak nirya ara, ‘Se, yata wiripnamak do?’ tenen, ilil asa ukirye, dungnuldanyake. Bukni, yata nang do nirya, Allah Yahweh atibuk, ‘El bidamnye aryuk melibuka kalikinamnile’ tenen, el tibuk dib tenebuka ululum nang ara, anggun damak ausilirye melisiliba, kanye deibuka umunce, pia telebuk unamlume. Tuba ilil kum unamsile.

Matius 26:69

Sik anang nirya arye wininmek talak ara, Peterus anyaik dam asukumuk unmok. Ara, Yahudi yala nang Allah arena ati, sik weik deiyoknye Kayapas, el aik dam Peterus unmok. Allah arena deiyoknye, Kayapas, el aik pil don ati melin kil tonok Peterus unmokak yayuk. Peterus uku pekinmokba, akil yayukce, Peterus el urasinuk eibuk ati bita dilenmok. Bita dilenmoka ani, ‘Anye bira, Yesus el melinanye, akunuma,’ tenebukce ayupu nyabuk. “An ap, aGalilea tamnye ap, neika ulamrurume,” nyabuk.

Markus 14:66

Yahudi yala nang Allah arena ati, sik weik deiyoknye, el aik dam Peterus unmok talak ara, aweik deiyoknye, el pil don kil tonok Peterus unmokak yayuk.

Lukas 22:55

Yesus min bobanmekopura, Peterus ara, aminyan Allah arena ati weik deiyoknye, el asik dam yayukce, yin talin nang uku sekuka peikinmekak yanuka bukuk. Bukukce, el babye, uku peikinmok.

Lukas 22:56

Peterus uku peikinmok talak ara, anyaik weik deiyoknye, el pil melibuka dolamuk kil tonok, Peterus unmokak yanuka dinmok. Yayukopura, Peterus uku peikinmok ati, akil arye Peterus dinmokce, el urasin ati maka meinmok. Dipdeyukce, ‘Anye bira, Yesus el melinanye, akunuma,’ tonok arye ayupu nyabuk. “Anye ap, aNasaretnye ap, neika ulamrike,” nyabuk.

Lukas 22:57

Nyabukura, Peterus arye tamubuka akil ati nyabuk. “Anyapmanilamnye bira, na walwale,” nyabuka pilibuk.