Yohanes 18:17 - Eipomek

¹⁷ Asik dam boyayukura, buplan dam unmok kil Peterus eibukce, nyabuk. “Se, an babye, tapu koupmangunye, Yesus, el yupu kekebuka dobolbalyamnye ulyam do?” nyabuk. Nyabukura, Peterus arye akil ati nyabuk. “Na kume,” nyabuk.

Yohanes 18:17 ပူးပေါင်းရင်းမြစ်များ

Matius 26:33

Nyabukura, Peterus mikip arye tamubuka nyabuk. “Anang nirya ara anti kanye boktopliba, batakuka bendopkitinga babye, nara kanye bokoltona kumce, kum batakuka bindopnamkine,” nyabuk.

Lukas 22:54

Yesus arye nyabukopura, Yesus adiparyuk talibik. Talibikce, tomobuka Allah arena ati, weik deiyoknye el aik bobiyik. Yesus bobanmek talak ara, Peterus arye aminyan dipnin banmok.

Yohanes 18:16

Anye bira wekelbiyuk bukni, Peterus ara, Kayapas arye kum kel bikamuknye binya arye, elda bai tam poka buplan damuk unmok. Daunmoka ani, Yesus el mi yuknye ton tuba tamubuka buplan dam yayukce, abuplan kalekna kil ati yupu nyabukce, Peterus bobuka, aik dam tam boyayuk.

Yohanes 18:25

Sik anang arye wininmek talak ara, Peterus ara anyasik damuku tuba pekinmok. Asukumuk tikuka, uku pekinmok talak ara, aunmek nang kan-kan tonoknye birye nyabuk. “Se, anda, anye bira Yesus, el yupu kekebuka dobolbananye ulyam darepe,” nyabuk. Nyabukba, Peterus arye, “Na kume,” nyabuka, pilibuk.

Yohanes 18:5

Asipdeyukura, sikce, “Nasaretnye, el si ara Yesus ati, dilyanmabe,” nyabikura, Yesus arye, “Na aunmane,” nyabuk. (Ayupu nyabuk talak ara, Yudas, ninye yupu laka nyalbinmoknye babye, anang ap asukumuk tikmok.)

Yohanes 18:8

Nyabikura, Yesus arye tamubuka nyabuk. “Nara, aunmane akunum nyapmasine. Anggunce nati, elyanmanulum anya arye, na ap aunmak ninye ara tomona kume. Sikda talye daunamake,” nyabuk.

Yohanes 21:15

Sik nirya akunum dibikura, Yesus arye Simon Peterus ati, ayupu nyabuk. “Wisinye Yohanes arye deipkuk mi, anda Simon Peteruso, anang ara, kanye delininyak bukni, an dan do? Ance nati weik arye kanye delinilyam do?” nyabuka asipdeyuk. Asipdeyukura, Peterus arye, “Diba, naio, an kele. Narye anti, ‘Na du koprop’ tenen, kanye delikunune,” nyabuk. Nyabuk bukni, Yesus arye tamubuka domon yupu deice arye, “Ati, na domba ati, sik din arenamlyame,” nyabuk.

Rasul 12:13

Anyaik dam biyukce, buru tam binuka tikukce, buplan lorum-lorum abukura, anyaik melina kil, el si ara, Rode elce, ‘Yatanye yanuka buplan lorum-lorum apmal do?’ tenen, aik pum arye tikuka dilbiyuk.