Yohanes 18:15 - Eipomek

¹⁵ Anang nirya arye, Yesus tapu koubuka bobanmekba, Simon Peterus ap, Yesus arye wibuka deiamuknye, tonoknye tonap aminyan melibuka banmarik. Yahudi yala nang sik Allah arena ati, weik deiyoknye Kayapas arye, Yesus mince wipdeiamuknye akunum bikamuka ati, ‘Anyasik wekna meme,’ nyabuka yupu kum sekukba, Yesus el yupu kekelamuknye, anye bira tonok, imam Kayapas el aik dam wekelbiyuk.

Yohanes 18:15 ပူးပေါင်းရင်းမြစ်များ

Matius 26:3

Yesus arye ayupu nyanmok talak ara, Yahudi yala nang Allah ati arena deiyok nang ap, sik weik deiyoknye ap, yuk Yahudi yala deiyok nang ap, anang nirya arye, tonoknye el aik bulubuka wekik. Anye el si ara, Kayapas. Kayapas ara, Allah arena ati deiyok nang aulamik bukni, elda sik weik deiyoknye ulamuk.

Markus 14:54

Yesus minopce bobanmekopura, Peterus ara, aminyan yayuk. Ara, Allah arena ati weik deiyoknye, el aik dam yayukce, yin talin nang uku sekuka peikinmekak yanuka bukuk. Bukukce, el babye, uku peikinmok.

Lukas 22:54

Yesus arye nyabukopura, Yesus adiparyuk talibik. Talibikce, tomobuka Allah arena ati, weik deiyoknye el aik bobiyik. Yesus bobanmek talak ara, Peterus arye aminyan dipnin banmok.

Yohanes 18:24

Yesus arye nyabukba, Hanas arye nyabukura, Yesus tapu koupmeka kipman, imam Kayapas el damak bobiyik. Kayapas ara, aketing tamun, Yahudi yala nang, sik Allah arena ati weik deiyoknye ulamuk.

Yohanes 18:28

Anirya akunum winibukura, sik Yahudi yala deiyok nang arye, Yesus dobuka bobikce, imam Kayapas el aik batakuka, amutuku talyamuknye, Roma mutuku weik deiyoknye Gubernur Pilatus dam bobiyik. Bobiyik bukni, Pilatus el weik aik kum wekelbiyik deiyok ara ani. Ara sik Yahudi yala ninye arye tenelamik. ‘Weik Kaplina ati Kwalina dipnamibye talak ara, sik Yahudi yala kum ninye ap, sik ning ap talibibyopura, nun talima noutam malye upsiliba, kwalina kum dibibyeura, Allah derepsilyak’ tenen, Pilatus el aik kum wekik.