Yohanes 18:1 - Eipomek

¹ Yesus arye Allah akunum morobukopura, elce wipdeiamuk nang, sik 12 nang ap, sik unmek asik batakuka, bai tam biyik. Asik dam biyikce, mutuku si Kidron tam banmekce, otam ara ninye arye yo kouamikak, ayo kan-kan wekelbiyik.

Yohanes 18:1 ပူးပေါင်းရင်းမြစ်များ

Kejadian 2:15

Weik Deiyoknye Allah, el si Yahweh arye, ‘Eden mutuku noutamak wiamse wa ara, talibuka pil donamle’ tenen, elce kwepdeiamuknye dobuka, awa noutamak deibuk.

Kejadian 3:23

Ati ara, Allah el si Yahweh arye, Adam ap, Hawa ap ati, ‘Amutuku pia kum unamdak’ tenen, Eden mutuku wa noutamak arye dobuka, bai tam yakdonokuk. Ara, ‘Tukwak arye dobuka kwepdeiamsinye anya arye, talye tukwak mutuku noutam aryuk pia pil donamle’ tenen, Eden mutuku arye bai tam yakdonokuk.

2 Samuel 15:23

Raja Daud ap, el mapu nirya ap, el yin talin nang ap nirya, amutuku noutam banmek talak ara, banmeka ani, amutuku noutam ulamik ninye nirya eipmekce, ‘Se nun deiyoknye bindopsile’ tenen, weik arye engenmekce, malye nyanmek. Biyikopura, Raja Daud ap, el ap banmek nang ap, amutuku batakuka, mek si Kidron mek koubukabikce, Kidron lu otam biyik. Ara mok ap, mek ap kum ati, buppu weik arye, ninye kum ulamik mutuku banmek.

1 Raja-Raja 15:13

Ton ning ara, Asa el lu koproba, Maakha bira, ninye deiyoknye, el kil ulamuk bukni, Asa birye, “Kume, ninye deiyoknye Raja kil ulyam bukni, winira anda apil kum donalame,” nyabuka, el wenena ati, amu tam kipdeibuk. Amu tam kipdeibuk ning ara, isa si ara Asyera, el si erebuka kina ati, pia teleb cang yo toubukabukce, ikamuk ning ati, si erelamik deice arye, malye ulamik. Maakha birye, ‘Aning dobuka deipnunilyame,’ nyaibukba, dopdeibik. Tonda, Asa birye, asi erelamik ning dakuka batakukce, aning bobuka, Kidron mutuku lu sukum bobiyukce, uku dongobuk.

1 Raja-Raja 2:37

Aning ara, talye kum nyapkine. Anda moubuka tenipnamlyame. An kanye aryuk tinipmince, ‘Kume dabinuneʼ tenen, pi dobuka Kidron mek mitik tam bokuka, biyuk mek koubuka biminyopura, anda pola opnamkiyake. Tonda, aning ara, an bidamnye arye opdanalam ati, an ining ara, an nong deiceuk upnamkile.

2 Raja-Raja 23:12

Tonda, minop talak ara, yuk ninye deiyok nang arye, Yehuda tam taleamik nang Raja-Raja yuk nang, Allah el si erena ati, kam ning obuka arenak, pala keil yangabukabikce kintiniamik. Ton ning ara, ninye si Ahaz el alip aik dam bukni, kat aruma domik ning deice arye, pala keil yangapdeiamik. Aning ara, Raja Yosia birye uluplobuk. Ton ning ara, minop talak, Yehuda yala nang, sik ninye deiyoknye el si Manasye, kam ning obuka, Allah el arena ati, elce nyapdeibukba, pala keil yangabukabikce, bitinye deibikce kintiniamik. Apala keil yangapdeibik ning ara, Allah el si Yahweh, el si eren aik buru tam lilun deibik. Apala keil yangabukabikce kintinip deiamik ning bitinye ara, Raja Yosia birye, daklobukce, yamubuka pouplobuk. Winibuka atue buklobukopura, Kidron mekin donokuk.

2 Raja-Raja 23:4

Ura, aning nirya akunum winibikopura, Raja Yosia birye, ‘Winiplulume,’ nyapdeibukba, Allah el si eren aik pum tam pil dona deiyok nang, sik weik deiyoknye, imam Hilkia ap, el amu tam pil don nang, yuk imam nang ap, tonda Allah el si eren aik bublan dam tikuka kalikin nang ap arye, Allah el si eren aik pum tam wekuka dipdeyikce, isa si eren ning nirya dobukabikce, bai tam boyayik. Ara, isa mer sik si Bahal ap, Asyera ap, si erena ati, ninye taruk deice arye, memebuka deiamikce, anyaik pum tam deiamik ning ap, tonda, im deice tam ulul ning ati si erelamik ning ap, aning dobukabikce anyaik pum tam arye, bai tam boyayik. Boyayikopura, weik asik Yerusalem mutuku bai tam bukni, mek si Kidron mek dam bobiyikce, uku dabikba, uku dibuk. Aning-aning nirya uku akunum dibukce, atue dayuk ning ara, bobukabikce, mutuku si Betel mutuku bobinuka, donokikce batikik.

2 Raja-Raja 23:6

Tonda, Allah el si Yahweh, el si eren aik noutam, cang yo ikdeiamikce isa si erelamik yo kwinibukabukce, buru tam bobiyuk. Acang yo ara, isa si Asyera nyabuka si erelamika anya arye, acang yo ton dobuka buru tam dopkwetebikce, Yerusalem mutuku buru tam Kidron mek dam binukabikce uku dabik. Dabikba uku dibukopura, uku dinmokce atue danmok ning ara, bulukabukce, talye ninye tuku palilamikak binuka yamuplobuk.

2 Tawarikh 15:16

Aning-aning nirya akunum winibikura, anyapce dikdongobuka, ninye deiyoknye Raja Asa birye, el lu kil Maakha biti, “Weik deiyok kil, Raja kil tuba kum unamlyame,” nyabuka, dobukce el amu tam deibuk. Ati, akil el pil dona kum kipdeibuk. Adeiyok kil Maakha, amu tam deibuk deiyok ara, ani. Ara minop talak akil Maaka birye, isa si Asyera, si erena ati cang weik yo tikdeiamuka deice arye, pia malye weik ulamuk. Winyamuk ati, el wenena ati ara, Asa birye akil bobuka, amu tam kepdeibuk. Winibukopura, aisa si erena ati cang yo iklamuk ning ara, kwinibukce, loklobuka bataklobukce, mutuku si Kidron mek duman bukni, Kidron Banak bobinuka, uku dabukba, uku arye dibuk.

2 Tawarikh 30:14

Atalak noutam ara, isa si erena ati, kam ning obuka, uku dongona ati kintinibuka deiamik ning, el si mesba-mesba ap, tonda isa morona ati, kin-kin tong teleb nyan ning bobuka, uku dalyangalamikak ton, kwinibuka batakik. Ara, Yerusalem weik asik noutam wa uk ning nirya ara, ulubuka batakik. Winilamikce, amesba-amesba Yerusalem mutuku dobuka deiamik ning nirya ara, dobuka Kidron mutuku, lu sukumak donokik.

Nehemia 2:15

Winipse ati, alukunyan uk mek deice tam welepsirye, Yerusalem cang keil bobuka keil yangapdeibikce, poka domik urasin ara, moubuka bine eipsopura, tamubukapsirye, tuba tamubuka keting wekelban tam binuka dipdesirye, dabanmasa ani, min yuma binmase Mek pu donak bublan damuk tamubuka wekelyase.

Yeremia 31:40

Winibikirye, amutuku lyu nirya dana-dana tam nirya ara, na Allah Yahweh ati, lipsisikuka dobikirye, na si erena ati arepnamniake. Amutuku nirya ara, ‘Naʼ tenen mutuku,’ ati, pia talinamne. Ara, wini talak ara, uku dilamlye atu yamul balamakak ap, dipmakce ninye, sik nong weilbanyak sukum ap, kintinip deibikirye, anirye dipdongobuka, otam ulul yini mutuku ap, weik lyuak, el si Kidron mek lilun ap, tonda keting yangan tam dipdongobuka, cang keil poka, bublan bisik botopdeibikce, abublan si, Kuda Basam Bublan nyabik bublan dam nirya ara, lipsisikuka dobikiba, ‘Amutuku nirya ara, na ning uka,’ nyabuka talinamne. Yerusalem mutuku weik asik nirya akunum lipsisikuka dobikcopura, pia tonap kum ulupnamake. Yuk ninye arye, amutuku tuba tamubuka, tonap malya kum kipnamake. Na aryuk taliniba, pia aunamle,” Allah arye nyabuk.

Imamat 2:6

Allah ati arepnamamunye roti kwaning ara, roti deiyok ning, tepung teleb ning dobuka, adiparyuk noutam arye tobuka deipmunce, atobuka deipmamumnya noutam ara, minyak zaitun mek arye dikdongobuka delinamlume.

Matius 26:30

Yesus arye nyabukopura, el ap, el mapu ap, sik nirya Allah yupu mot sebikce, alip aik Yerusalem mutuku sik bukmek aik batakuka, banmeka ani, Zaitun mutuku deice welebik.

Matius 26:36

Zaitun mutuku deiceuk sik daunmekakuk bukni, mitik pera Getsemani mutuku biyikce, Yesus el mapu ati nyabuk. “Anggun abukmamunbuk, na yukak Allah morolbinune,” nyabuk.

Markus 14:26

Yesus arye nyabukopura, el ap, el mapu ap, sik nirya Allah mot nyabikce, Yerusalem mutuku noutam bukni, sik alip aik bukmek aik batakuka, banmeka ani, Zaitun mutuku deice welebuka biyik.

Markus 14:32

Zaitun mutuku bukni, mitik yukak Getsemani mutuku biyikce, Yesus el mapu 12 nang ati nyabuk. “Anggun abuknamalum talak ara, na yukak mitikto orbinuka Allah morolbinune,” nyabuk.

Markus 14:42

Aning ati ara, anggun buklulume, binuyabe. Na laka nyalbananye akunum yanganmale,” nyabuk.

Yohanes 14:31

Bukni, tukwak ninye mutuku-mutuku nirya, ‘E, Yesus ara, el Li Koprop Allah ati dipkoprop kanye talima deibukce, el li koprop arye nyalye touk, aninguk kekebuka winilule, biknamak’ tenen, na naminuk upniba, malye deiyoknye birye el pil dopliba, malye nang arye ikin ning weik, na deice deipnamniyake. Winira akunuma, winira amutuku batakuka bendopnuyabe.” Yesus arye el mapu ati nyabuk.

Yohanes 18:26

Nyabukba, tonoknye ton kekebuk. Anye bira, Allah arena deiyoknye ati, pil melinanye kekebuk. Akekebuknye bira, Peterus arye atalak ara amul sekwetebuknye, el yalanye ulamuk. Anye birye, Peterus ati tamubuka nyabuk. “Ance, ‘Na gume,’ nyapmasilam bukni, minyuma ara, Yesus ap, an ap, anggunda Ara, yo kan-kan unmarum ak, eipmakune tenepkine,” nyabuk.

Rasul 21:11

Akabus arye nun dam yayukopura, Paulus el deiayatinga deililamuk cang baju, el si juba dobukce, Akabus el cang taruk ap, yan ap, koupdongobukura, ayupu nyabuk. “Allah El Dib Kanye arye nyapdeipmasile. Anyapmasin cang baju deiyoknye Paulus ara, na koupdanman tonun bukni, Yerusalem mutuku Yahudi yala nang unyak nang arye, anye biti dobuka, tapu koubikirye, ‘Wenena aik dongopnamak’ tenen, Yahudi yala kum ninye ati, arepnamake,” nyabuk.