Yohanes 17:17 - Eipomek

¹⁷ Naio, an yupu ara pia dipkoprop yupu uk ulule. Ati, ‘Ance na mapu ati, an dipkoprop yupu deice arye, sikti, teleb kipdeiptumce, an bidamnye na tenen ninye unyakbuk, ance aninye ati pia talilyamba, sikda an mapu kopropa na tenen ninye uk teleb unamak’ tenen, moropkine, naio.

Yohanes 17:17 ပူးပေါင်းရင်းမြစ်များ

2 Samuel 7:28

Na nio, anda Allah ulyame. An si ara, Yahweh ulyame. Anda aning-aning talibuka, deice tam Weik Erena Deiyoknye umince, mikip weiknye ulyame. Tonda an yupu nirya nyasilyam atonun, aning nirya ara, dipkoprob ulyame. Teleb una ati, teleb yupu nirya, ancuk an pil donanye biti, akunum nyapmanilama ati, aning nirya dipkoprob wininamnile.

Mazmur 119:104

Allah ance, “Aning ara, wininalulume. Aning ara, pia kum wininamlulume. Teleb winina ara, ani,” nyapdeiamsulum yupu nirya ara, moubuka kekenye deice arye, moubuka tenepnirye, moubuka bikinune. Ati, an yupu nyasilye touk kum bukni, yuk kirikuka malye bisikuk balamak nang ara, na like. Yuk ninye arye, “Nun telebuk wininmabe,” nyaplobuka, malye ning wininyak ning nirya ati ara, na yu unulule.

Mazmur 119:11

Na ni Allah, ance peteresilyam yupu nirya ara, na kanye noutamakuk, pia moubuka deipnirye, aninguk tenebuka wininune. Winibuka unyopura, narye an dam ton, malye ubuka kum kilinamne.

Mazmur 119:144

Ance, “Aninguk wininamlulume. Aning ara, kum wininamlulume,” nyapdeiamsulum yupu nirya ara, pia diksukumuk aunamle. Ati, ance kel bikna deiyok ninguk areniminba, aninguk talibuka, wininamne talak ara, teleb ubuka kamuk unamne.

Mazmur 119:160

Ance dipkoprob yupu arisilyam ning nirya ara, pia diksukum yupu uk ulule. Aning atonun, an yupu noutamak arye, malye winin ning pia kum winipmali buk, ance, “Aninguk wininamlulume. Aning ara, kum wininamlulume,” nyapdeiamsulum yupu nirya ara, pia awininamle. Ayupu nirya, min kum kum danmanto ulule.

Mazmur 119:9

Kam nang, sik unamak talak nirya ati, teleb ubuka winina ati, moubuka kalikdakcopura, yuk malye ning ton, sikce talibuka pia kum wininamake. Ara, nun ni koprop Allah ance, “Aning ara, wininamlulume. Aning ara, pia kum wininamlulume,” nyapdeiamsulum touk, sik aninye arye, aninguk moubuka tenebikirye, ayupu talibuka winipnin bacopura, malye un ning ton talibuka kum wininamake.

Mazmur 12:6

Ati, nun ni Allah Yahweh arye tenebuka nyasulule. Ara, yu nang arye, sik bona kum ati talye kankan nang ati, yaniltaknauk unyake. Winikirye, ikin ning pia weik arye bobuka, sik nong deice delinyaka ati, sik talye kankan nang arye, ngalukuka engenyake. Aning ati ara, na Allah Yahweh, minop tiknirye, sik akankan nang ati, melilyanamne. Sik talye kankan nang arye, ‘Se, nun ni Allah lyepsuturye, pia telebak deipsutuba, talye urdem uptibye,’’ nyabuka, ikin kanye bobuka, ukirye morolamak nang atonun kibuka, dipkoprob anggun dam yanuka lyepropsinirye, ninye yanuka kum opmanto sukum dobuka deipnamsine!

Lukas 8:11

Anggun na mapu ara, yuk talye nang wininyak atonun kum winilalum nang anya arye, yala doknin banmoknye, nyapmanu yupu deiyok ara, laka nyapnusine. Adomon yupu nyapmasunu ara, nong ara lakak nyapnusine. Yala ning dokonmok ning ara, Allah yupu peterena atia.

Lukas 8:15

Anang ara wininyak bukni, yuk ninye ara, yala doknin banmokura, mirin tukwak sakukura, duk weik arye moubukce, yupa pia weik seratus moubuka touk, unyake. Sik kanye talima ara pia teleb nang anya arye, Allah yupu kekebikirye, diba tenebiceura, ikin ning awablyeura, batakna kum aryuk, pia talibuka wininyake. Allah yupu diba tenebuka, kanye deibuka pia dololamak ninye ara, Allah el pil weik arye donyake. Yesus arye el mapu ati nyabuk.

Yohanes 15:3

Anggun na mapu ara, na yupu nyalisiniba, kekelamluma ati ara, akunum teleb ubuka diksukumuk kipdeipsisa ati, teleb ululume.

Yohanes 17:19

Wininuna deiyok ara, ‘Na mapu nirya ara, pia telebuk utingce, na ni Allah, an na tenen ninyeuk unamak’ tenen, wininune, na ni Allah. Naio, na Yesus arye na bidamnye ati, ‘An na tenenanye unamne’ tenen, na kanye talima nirya ara, an deiceuk delikunune. ‘An amu tam unirye, an piluk pia donamne’ tenen, nyapne. Yesus arye nyabuka Allah ati morobuk.

Yohanes 8:32

Anyapman touk winipmunyopura, ‘Dipkoprop yupu, deiyok ning anye’ tenen, moubuka kel kinamlulume. Kel kipmunyopura, adipkoprop yupu talibuka melimunya deice arye, anggun malye winimunya noutamak arye lopdeipsinyopura, diksukumuk unamlume.” Yesus arye nyabuk.

Yohanes 8:40

Abraham winilamuk touk kum bukni, anggunce nati, ‘Anye bira dipkoprop opnamabe’ tenen, akunum kintinipmanulume. Allah arye nyapdeiamnuk yupu nirya, anggunti peteresunun bukni, anggunce, ‘El opnuyabe,’ tenenululume. Abraham arye aning atonun ning pia kum winilamuke.

Rasul 15:9

Nun babye, sik babye yuk-yuk kum tenesulule ati ara, sik diba tenebika deice arye Allah arye sik talima ak malye ning uamuk ara, dopdonokukce, teleb kipdeibuk.

2 Korintus 3:18

Tonda, nun nirya ara, nun urasin lelina kum, kimilana deice arye ninye urasin elilamak touk, nun ubya deice arye, yuk ninye arye, Yesus el winilul ning elinyake. Ara, nun Deiyoknye Yesus Kristus, el pia teleb ulye touk eibikirye, kel bikinyake. Nun Deiyoknye Yesus ara, Allah El Dib Kanye eluk ulule. El pia teleb ulya deice arye, nun talima pum tam pil dosilirye, el teleb ulye touk, nun babye atonun teleb ulisulule. El ulye touk teleb winilisilye talak nirya ara, teleb winipnin balamibya ani, aminyan ara pia teleb wininamabe. Anirya ara, Yesus Kristus aniryuk, teleb ulisulule.

Efesus 4:21

Aning pia kum bukni, na kele. Yesus babye, el nong ap, el yupu ap, el winilul ning ap, pia diksukum winilye touk, adeice aryuk peterelamsikba, Kristus el yupu kekeplumce, elti, moubuka kel bikamlume.

Efesus 5:26

Kristus arye, elti, dib tenebupu ninye ati, dibukce lyepsuka deiyok ara, nyapnusine. Ara, elce utenyamsuke. ‘Anang ara, na mapu unamak’ tenen, na laka teleb yupu deice arye, sik malye winin ning kum danalina ati, aninye ara, mek likina atonun kipdeipnirye, sik malye winin ning nirya kilipnirye, kum daneipnyopura, aninye pia teleb kipdeipniba, ‘Na mapu dipkoprop unamake,’ tenepsukce dibuke.

2 Tesalonika 2:13

Sik malye nang ati ara, winipnamle bukni, anggun Tesalonika ninye ati ara, nun adiparyuk, “Telebe,” nyabuka, Allah moronamsinyabe. Na weit yapu atonun nang, na Paulus arye nyapsine. Allah arye anggunti, el kanye deipsukce, aning-aning nirya kweipdeibuk talak danerye, ‘Aninye ara, na ning,’ tenyamsukce wipdeiamsuke. Wipdeiamsuk deiyok ara, talye ati kume. Ara, ‘Allah, na Dib Kanye arye, anggun talima noutamak pil dopsilirye, teleb kilisulul ning ap, sikce na dipkoprop yupu ati, dib tenenyak ning ap, deice arye, lyepnamne’ tenen, wipdeiamsuke.

Yakobus 1:21

Aning ati ara, anggun kanye malye tenelulum ning nirya ap, anggun kan-kan malye un ning weik aupmalye ning nirya ap, batakanamlulume. Batakmunce, Allah arye, ‘Na yupu sik talima noutam duk moupnamle’ tenen, arepsuk ning ara, kanye talima dukdongopmunce, nimalye umunyak arye, kekebuka dolonamlume. Allah el yupu arepsuk ning ara, lyepnamsila atia.