Yohanes 16:4 - Eipomek

⁴ Aning-aning nirya min kum winipmalye talak ara, “Aminyan talak ara, yu nang arye winipnamsiake,” nyabuka akunum laka nyapmasina ati, aminyan talak aning nirya nong akunum upsilyopura, na mapu anggunce, ‘E, awinisinyak ning nirya ara, Yesus arye “Wininamsiaka anya arye, kanye moupnamlulume,” nyapdeiamsuk touk, wini talak akunum winipmasil atia’ tenen, tuba tamubuka tonap tenepnamlulume. Ati, min kum winyamsilye talak akunum laka nyapsine. Minop talak ara, na ap, anggun ap neika tuba ulamubu ati, ayupu nirya kum laka nyapdeiyamsise. Yesus arye el wipdeiyamuk nang, el mapu sik 12 nang, ati nyabuk.

Yohanes 16:4 ပူးပေါင်းရင်းမြစ်များ

Matius 10:7

Anggun peterelbinamlum talak ara, ayupu peterenamlume. “Allah ninye weik lyeplirye, anggun kanye talima melinamsil talak, ara Kerajaan Allah ara, akunum dam upmasile,” nyapnamlulume.

Matius 24:25

Aning nirya wininamle ati, anggun pia kanye moubuka umunce, kintinilinamlulume. Aning nirya min kum winipmalye talak arye, aminyan talak winipnamle ning akunum laka nyapmasina ati, winiplyopura, anang arye nyanyak yupu ara diba kum tenenamlulume. Yesus arye el mapu ati nyabuk.

Matius 9:15

Asipdeyikopura, Yesus arye anang ati domona yupu arye tamubuka nyabuk. “Kil donanye dopnulye talak ara, el ap, el kayapu ap, el melin nang ap ara, neika tuba unyak talak ara, kanye deibuka kum unyak do? Tonda, kwalin ning kwalibuka neika kum dinyak do? Ikin kanye bobuka, engenauk unyak do? Kume, sik kwit el kil don talak ara, kanye deipmanyaka anya arye, pia teleb kanye deipdakirye, kwalibuka neika dinyake. Aning atonun, nada kil donanye bito ununa ati, na mapu ara kanye imun upliba, din dina kumce, din si tebuka kum unyake. Din bulang uk kum unyake. Bukni, na talibuka bobuka binamniyak talak ara, sik ikin kanye upliba, din dina kumce, din bulang uk unamake,” Yesus arye ayana asinmek nang ati nyabuk.

Markus 13:23

Aning nirya wininamle ati, anggun pia kanye moubuka umunce, kintinilinamlulume. Aning nirya min kum winiplye talak arye, winipnamle ning akunum laka nyapmasine, Yesus arye nyabuk.

Markus 2:19

Asipdeyikce wenebikopura, Yesus arye anang ati domona yupu tamubuka nyabuk. “Kil donanye dopnulye talak ara, el kayapu ap, el milina nang ap ara, kwalin ning kwalibuka neika kum dinyak do? Kume, sik kwit kil don talak, kanye deipmanyaka anya arye, kwalibuka neika dinyake. Aning atonun, nara kil donanye atonuna ati, na mapu ara, kanye imun uplibuk, dina si tebuka kum unyake.

Lukas 1:2

Aning nirya elilamik ning ara, Yesus ara, el pil winiryuk deiya koubuk talak arye, sik asing elilamik nang ap, tonda, el ap, melibuka Allah yupu pil dopra balamik nang ap arye, laka nyalilamsik touk anang arye sekdeibik.

Yohanes 13:19

Ayupu akunum nyapmasina deiyok ara, nyapnusine. Ura, aning min kum winipmalye talak akunum laka nyapsinyopura, aminyan talak ayupu atonun akunum winibicopura, adeice arye moubuka tenepnamnulume. Ara, nara minop talak babye, doyanamle talak babye, Pia Kam Ululnye bira, na aunune. Na akunuma, yuknye kume. ‘Aning tenepnamlum’ tenen, akunum nyapsine.

Yohanes 14:29

Na ni dam min kum binye talak, “Na benamne,” nyabuka akunum laka nyapmasine. Ati, aminyan talak ara dipkoprop anggun batakuka yukak binyopura, anggunce, ‘E, elce nyapdeiamsuk touk akunum winipmale’ tenen, dib tenepnamlulume.

Rasul 9:16

Na si dobuka peterelbilibuk, aminyan ara, sikce na si ati yu uplyaura, kanye imun ning arepnamaka ati, narye benepnamne. El yuk kel biknamlarye,” nyabuk.

2 Tesalonika 2:5

Na kayapu, winiryuk nyapmasin yupu ara, anggun akunum luba kiplum do? Na ap, ulamubu talak ara, ayupu nirya, atalak-atalak nirya, tonap, nyalamsise.

2 Peterus 1:14

Nun Deiyoknye Yesus Kristus arye lakak nyapnukbuk kel kiyamse. Mitikanun ton unmanyani, dipnamnarya. Ati, arup asum nyapmasin yupu ara, tuba-tuba ila tamubuka nyanamsine.