Yohanes 15:3 - Eipomek

³ Anggun na mapu ara, na yupu nyalisiniba, kekelamluma ati ara, akunum teleb ubuka diksukumuk kipdeipsisa ati, teleb ululume.

Yohanes 15:3 ပူးပေါင်းရင်းမြစ်များ

Yohanes 13:10

Nyabuk bukni, Yesus arye tamubuka nyabuk. “Kume, mek akunum kekice ninye ara, sik nong nirya ara, telebuk ulul bukni, sik yan ara mek iliklamake. Na mapu anggunda, nininga kum, telebuk ululum bukni, tonoknye bira, kabula,” nyabuk.

Yohanes 15:2

Nati, diba tenebuka, na ap talima dukdongobuka unyak ninye ara, anggur tapu taruk atonun unyake. Na ni koprop arye, anggur tapu taruk duk kum moulamle ning ara, sekuka batakalule. Bukni, atapu taruk arye duk teleb ubuka moulamle ning ara, ‘Tapu duk pia teleb ubuka, weik arye moupnamle’ tenen, yuk malye tapu koupdongobuk ning ap, talye taruk ap, sekloplirye, moulilule.

Yohanes 17:17

Naio, an yupu ara pia dipkoprop yupu uk ulule. Ati, ‘Ance na mapu ati, an dipkoprop yupu deice arye, sikti, teleb kipdeiptumce, an bidamnye na tenen ninye unyakbuk, ance aninye ati pia talilyamba, sikda an mapu kopropa na tenen ninye uk teleb unamak’ tenen, moropkine, naio.

Yohanes 17:19

Wininuna deiyok ara, ‘Na mapu nirya ara, pia telebuk utingce, na ni Allah, an na tenen ninyeuk unamak’ tenen, wininune, na ni Allah. Naio, na Yesus arye na bidamnye ati, ‘An na tenenanye unamne’ tenen, na kanye talima nirya ara, an deiceuk delikunune. ‘An amu tam unirye, an piluk pia donamne’ tenen, nyapne. Yesus arye nyabuka Allah ati morobuk.

Efesus 5:26

Kristus arye, elti, dib tenebupu ninye ati, dibukce lyepsuka deiyok ara, nyapnusine. Ara, elce utenyamsuke. ‘Anang ara, na mapu unamak’ tenen, na laka teleb yupu deice arye, sik malye winin ning kum danalina ati, aninye ara, mek likina atonun kipdeipnirye, sik malye winin ning nirya kilipnirye, kum daneipnyopura, aninye pia teleb kipdeipniba, ‘Na mapu dipkoprop unamake,’ tenepsukce dibuke.

1 Peterus 1:22

Ara, Allah el dipkoprop yupu talibuka dobolbalamunya deice arye, malye un ning nirya akunum batakluma anya arye, yuk diba tenena ninye ati, dipkorop kanye deipdanuka, melilanauk ululume. Aning ati ara, pia dipkoprop anggun talima ap, kanye ap, arepdamunce, bico tenebuka, weik arye melinlanauk unamlulume.