Yohanes 15:13 - Eipomek

¹³ Narye anggunti bico tenebuka melisunun ning ara weik mambule. Ara, narye na kayapu nang anggunti, anggun malye winin ning ap, anggun ap, pununa ati dipnamsine. Yuk ninye nirya arye, yuk nang ati bico tenebikirye, melinyak ning nirya ara, mitik mambule. Sikce sik kweitcapu nang yok pununa ati, kum dibinyake. Bukni, narye anggun yok pununa ati dipnamna ara, weik mambule.

Yohanes 15:13 ပူးပေါင်းရင်းမြစ်များ

Lukas 12:4

Nyabukce, ayupu ton nyabuk. “Aning ati ara, nati ara, malye yupu nyabuka, anggun nong deice ikin ning deipnamsiak nang ati, ilil una meme. Anggun nong akunum opsikcopura, yuk ikin ning ton kum upsitinge. Anggun kanye kum opsitinge anya arye, anang ati, ilil una kume.

Yohanes 10:11

Nyabukce ayupu ton nyabuk. Na Yesus ara, domba basam weina Deiyoknye atonun, pia telebnye unune. Teleb weina deiyoknye birye, el kam una ati, ‘Na ning,’ kum teneplirye, el domba ati el kanye talima ap, el kam un ning ap arilule. ‘Na domba kalikmanye talak ara, ikin weik kum unulule. ‘Opnikcak’ tenen, kum dukuldalule. ‘Opnicak babye, telebuk,’ tenelule.

Yohanes 10:15

Aning nirya atonun, na Ni Koprop Allah arye kel bikamnuke. Tonda, narye na Ni Koprop Allah ati, akunum bikamse. Narye, na domba basam ati ara, na talima ap, na kam un ning ap arenune. Ati, ‘Opnikcak’ tenena kum arye, na domba ati, pia kalekuka melinune.

Yohanes 17:19

Wininuna deiyok ara, ‘Na mapu nirya ara, pia telebuk utingce, na ni Allah, an na tenen ninyeuk unamak’ tenen, wininune, na ni Allah. Naio, na Yesus arye na bidamnye ati, ‘An na tenenanye unamne’ tenen, na kanye talima nirya ara, an deiceuk delikunune. ‘An amu tam unirye, an piluk pia donamne’ tenen, nyapne. Yesus arye nyabuka Allah ati morobuk.

Efesus 5:2

Ara, minop talak ulamik Yahudi ninye arye, ‘Allah nun malye winin ning namin kipsilirye, nun moronyap yupu kekenamsil’ tenen, Allah el si erena ati, kam ning obuka arena ap, nintong teleb ning dobuka, uku dongona ap, ulamika atonun, Kristus arye nunti, bico tenebuka kanye talima arepsukce, elcuk el bidamnye nong, Allah ati aribukce, nun yok pununa ati dibukura, Allah arye, kanye deibuk. Yesus arye, kanye talima arepsukce, bico tenesilye touk, anggunce yuk ninye nirya ati, bico tenebuka melilanauk unamlulume.

1 Yohanes 3:16

Ara talye ning ati kume. ‘Bico tenebuka melina ara, pia dib dipkoprop ning dan ning do?’ tenena ati, Yesus arye el winilamuk ning tenepnululume. Bico tenepsukce, ‘Sik kum dipnamake’ tenen, nunti dibukce, lyepsuk. Aning ati ara, nun babye utenenamabe. ‘Nun winipsilye ning nirya ap, nun wininyap ning nirya ap deice arye, nunce yuk nang ati, bico tenebuka melilanauk unamabe. Aning-aning nirya babye, nun na tenen tenena kumce, yuk nang ati melilanauk unamabe. Nunce yuk nang ati, melilamibya deice arye, nun dibibya babye, opsica babye, telebe uka,’ tenepnamabe.