Yohanes 14:25 - Eipomek

²⁵ Nyabukce ayupu ton nyabuk. “Anyapmasin yupu nirya ara, na ap, anggun ap, neika tuba unmap talak noutamak arye nyapmasine.

Yohanes 14:25 ပူးပေါင်းရင်းမြစ်များ

Yohanes 13:19

Ayupu akunum nyapmasina deiyok ara, nyapnusine. Ura, aning min kum winipmalye talak akunum laka nyapsinyopura, aminyan talak ayupu atonun akunum winibicopura, adeice arye moubuka tenepnamnulume. Ara, nara minop talak babye, doyanamle talak babye, Pia Kam Ululnye bira, na aunune. Na akunuma, yuknye kume. ‘Aning tenepnamlum’ tenen, akunum nyapsine.

Yohanes 14:24

Bukni, yata ninye do nirya, nati diba tenena kumce, kanye talima kum deipnice ninye ara, na yupu talibuka kum dobolbinamake. Talye kekeltakanauk unamake. Narye nyasinye yupu nirya ara, na kanye aryuk kum nyasunune. Na nyasinye yupu ara, na dopdeipnukce, tukwak mutuku dopdeipnuknye Allah, el yupu uk nyasunune. Ayupu nirya ara, el yupu ulula anya arye, elce nyanilye touk nyasunune.” Yesus arye nyabuk.

Yohanes 14:26

Bukni, Allah El Dib Kanye, anggun talima melina ati, Melinanye bira, Allah arye, na si deice arye el Dib Kanye dopdeipnamsile. Aripsiliba, Allah El Dib Kanye arye aning-aning nirya ati, peterenamsile. Tonda, na nyapdeiyamsise yupu nirya, ‘Tuba tamubuka tenepnamak’ tenen, Allah El Dib Kanye arye tonap nyanamsile.” Yesus arye nyabuk.

Yohanes 14:29

Na ni dam min kum binye talak, “Na benamne,” nyabuka akunum laka nyapmasine. Ati, aminyan talak ara dipkoprop anggun batakuka yukak binyopura, anggunce, ‘E, elce nyapdeiamsuk touk akunum winipmale’ tenen, dib tenepnamlulume.

Yohanes 15:11

Ayupu nirya laka nyapmasina deiyok ara, ‘Sikda, pia teleb kanye bobuka pin-pin aryuk unamake. Tonok ning atibuk ikin kanye kum bonamake’ tenen, ayupu nirya akunum laka nyapsine. Pin-pin arye, una deiyok ning arilul deiyoknye bira, na ununa ati, na nyapmasin touk winipmunyopura, kanye deibuka unamlume.

Yohanes 16:12

Na mapu, anggunti yupu weik tonun tonap dukdongobuka nyapsitinye bukni, kekepmunce, ‘Se,’ tenen, mambul kanye bobuka bouku sukupsilyak ati, wini talak anggun min kum kekeptuma anya arye, kum nyapnusine.