Yohanes 13:32 - Eipomek

³² Na winipnaman deice arye, Allah el si weik arye erebikirye, kibuka si erenamaka anya arye, Allah arye nati pia teleb kipdeipniliba, na si babye weik arye erenamake. Allah arye anirya winipnamala ara, adiparyuk minopce winipnamale.” Yesus arye nyabuk.

Yohanes 13:32 ပူးပေါင်းရင်းမြစ်များ

Yohanes 12:23

Nyalbirikura, Yesus arye nyabuk. “Nara, Ninye Mi Koprop Atonunye biti, Allah arye pia teleb winipdeipnamnil talak akunum yanmasile.

Yohanes 17:1

Yesus arye ayupu nirya akunum nyabukopura, el urasin erebuka im deice tam dipdeyukce, Allah morobuk deice arye ayupu nyabuk. Naio, winira, na tenyamnulum talak akunum upmale. Ance an Mi Koprop nati, ‘Ninye nirya arye, na si erepnamak’ tenen, mambul pil dopnamnilyame. Winipniminyopura, ninye arye na si erenamniyake. Winipniminyopura, ‘Ninye tukwak nang nirya arye, an pia teleb winiminya kel bikikirye, anti kibuka si erebikirye, an si pia erenamkiyake’ tenen, narye mambul pil donamne. Na mambul pil dopnaman deice arye, an si erepdeipniba, yuk nang eibikirye, sikce an si erenamake. Ati ance nati teleb kipdeipnamnilame. Winipniminyopura, an Mi Koprop na pil dopnaman deice arye, ‘Ninye nirya an si weik arye erepdeipkikirye, si erenamak’ tenen, moropkine.

1 Peterus 3:22

Allah arye, Yesus Kristus kam bukeibukura, ila tamubuka im deice welebukce, Allah el sirik taruk tam bukukce ulule. Bukukce eitamuk uplibuk, Allah el im deice pil don ninye, malaikat ap, tukwak ninye deice tam unyakce weik deiyok nang atouk, im deice unyak ninye ap, tonda tukwak mutuku noutamak unyak isa mer nirya ap, yata mikip ning do nirya, Yesus el amutamuk unyake. Yesus ara, weik mikip weik ulirye, aning yala-yala nirya deice tamuk ulula atia.

Wahyu 22:1

Aning nirya kel kipsirye, amalaikatnye birye kapdeipnukba, anyasik noutamak balamuk mek, Kam Una Deiyok Mek eipse. Amek ara, luma kum, pia mirin teleb mek ak balamuk ati ara, amek noutamak ara kuna kum dakamukak eipse. Amek pu ara, Allah ap, Domba Mi Atonye ap, sik weik ninye deiyok nang bun ning deice bururak sukum arye balule.

Wahyu 22:13

Nara, aning-aning nirya min kum uamuk talak ara, na ulamse. Aning-aning nirya akunum kum dalyeura, nauk pia unamne. Nara, Deiyok Kouna Deiyoknye ap, tonda Sirya Dakna Deiyoknye ap unune. Min Deiyok Kounanye ap, Aminyan Sirya Daknanye ap, anirya ara na uka.”

Wahyu 22:3

Doryanamle talak noutamak nirya ara, Allah arye, ‘Aning ara na like,’ tenelul ning ara pia kum unamle. Allah arye ninye wenena ati, kintinilin ning ara, amutuku pia kum unamle. Anyasik noutamak ara, Allah ap, Domba Mi Atonye ap, sik weik bun ning deice burikirye, sik bitinye arye aning nirya ap, amutuku nirya ap, talibuka weik deiyok nang unamrake. Anyasik noutamak unamak ninye nirya arye, Allah el amu tam bukuka, el pil atibuk pia donamake.

Wahyu 3:21

“Malye winin ning nirya ati, ‘Nun like’ tenen, malye kilamice ninye ati ara, weik ninye deiyok ning arepniba, na weik deiyoknye buna ning deice ara, na ap, sik ap, neika bunamabe. Aning ara, narye malye winin ning nirya ati malye kipsirye, na Ni Kopropa Allah, el deiyoknye ulul ati bulul sukum deice, el ap neika bunyam touk ati, nyapsine. Aning ara, narye malye winin ning nirya ati malye kipsirye, na ni Allah el deiyoknye ulul ati bululak deice, el ap neika bunyame. Anggunce malye winin ning batakmunce, diksukumuk upmunyopura, na ni ap neika bunyam touk, anggun ap, na ap, neika bunamtibye nyapsine.