Yohanes 13:23 - Eipomek

²³ Winibukba, Yesus ati kanye talima pia deiamuknye bira, Yesus dam bukmok.

Yohanes 13:23 ပူးပေါင်းရင်းမြစ်များ

2 Samuel 12:3

Bukni, bona utotoa talina kumnye, elda aning nirya kum bukni, domba kil basam mi, mitik ning tonok dekropmokce, weilamuk. El ap, el mapu silip ap, damak aryuk nebuk. El mapu silip ap, tonok ulamikce, dina tabuka arepnaba, amitik kil domba basam mi ara, ninye mapu atonun ubuka iribuka, el kilmapu atonun ulamukce, el aik pum bisik adomba basam ap, el dam kopropuk malamdik.

1 Raja-Raja 4:5

Tonda, amutuku ninye deiyok kibuka ninye weik ati, sik yupu bokolinanye bira, Natan el mi Asarya erepdeibukba, apil talibuka ulamuk. Tonda, ninye deiyoknye Raja biti, ‘Teleb unamtibye ning ara, dan ning do?’ tenen, yupu sisikina deiyoknye bira, Natan el mi Zabud erepdeibik. Tonda, anye binyuk, imam pil ton talibuka pil dolamuk.

Lukas 16:22

Atouk ubuka bulamuka ani, sirya talak ara, Lazarus dibukura, Allah el im deice pil don nang malaikat arye, Lazarus dobuka im deice Abraham dam boulilbiyik. Tonda, abona talinanye dibukura, tuku lukik.

Yohanes 1:18

Minop talak arye dipdongobuka, wini talak noutamak nirya arye, nun tukwak ninye arye, Allah el urasin pia kum elilamubu. Bukni, nun ni Allah, el ulyak ululnye, el Mi Koprop, Allah ap neika ururaknye bira, Yesus arye Allah el ulul ning laka elilule. Yesus el ulamuk ning ap, yupu nyalamuk ning ap deice arye, Allah el ulul ning lak kibuka laka nyalamsuke.

Yohanes 11:3

Sik du koprop Lazarus uk weik talyamukba, dipmanto ulamuka ati, akilapu bitinye arye, Yesus ati yupu nyapdeiprik. Ara, “Naio, ance kanye deililyamnye Lazarus ara, uk weik talipmale,” nyabuka yupu nyapdeiprik.

Yohanes 11:36

Engenmokba, aunmek Yahudi yala nang arye, “Se, el engenmala ara dinmalulume. Elda, Lazarus ati, weik arye bico tenepmal arya,” nyabik.

Yohanes 11:5

Yesus arye Marta ap, el weit kil Maria ap, sik du koprop Lazarus ap, weik arye bico tenelamuk.

Yohanes 13:24

Winibuka Yesus ap neika bukmarika anya arye, Simon Peterus arye anye biti nyabuk. “Ance Yesus ati asipdelyame. ‘Elce tenepmasilanye si siptu’ tenen, nyapkine,” nyabuk.

Yohanes 13:25

Nyabukura, Yesus dam bukmoknye birye, Yesus baripmokce nyabuk. “Naio, yatanye birye, ‘El opnamak’ tenen, ninye yupu delilbinul do?” nyabuka asipdeyuk.

Yohanes 19:26

Sik nirya tikmeka noutamak arye, Yesus el lin Maria ap, Yesus wipdeiamuknye, el kanye weik arye deiyamuknye ap, neika tikrikba, Yesus arye eibuk. Eibukce, el lin biti nyabuk. “Nongo, an mi atia,” nyabuk.

Yohanes 20:2

Aning eipmoka ati, Simon Peterus ap, Yesus el yupu kekelamukba, kanye deiyamuknye ap, sik dam bik-bik abuka biyuk. Biyukura, nyabuk, “Se, nun deiyoknye Yesus, el nong ara yuk nang arye ubula dobuka bobinmaka anya arye, el nong weipmongak ara nun walwale,” nyabuk.

Yohanes 21:20

Nyabukura, Peterus ap, Yesus ap tikuka banmarika ani, Peterus arye tamubuka el aminyan tam dipdeyukce, Yesus kanye deiyamuknye aminyan yanganmokba, eibuk. Peterus eibuknye bira, ara Yesus opnamek sum lukunyan ara, din neika dinmek talak, Yesus mening dam bukukce, “Naio, yatanye birye ninye yupu delilbinamakil do?” nyabuka asipdeyuknye ani.

Yohanes 21:24

Ara, ayupu noutamak “Anye,” nyapdeipmasinanye bira, na Yohanes ati nyapsine. Anyapmasin ning nirya ara, na asing arye elilamse. Na aryuk sekuka deipsine. Nun nirya kele. Narye sekeipmasin yupu ara, Yesus arye nyalamuk yupu ap, winilamuk ning nirya ara, dipkoprop ulule.

Yohanes 21:7

Winibukopura, Yesus wipdeiamuknye, el kanye deiamuknye bira, Peterus ati nyabuk. “Amio, otikmalamnye bira, nun Deiyoknye Yesus aunmal atia,” nyabuk. Nyabukura, Simon Peterus ayupu kekebukce, adiparyuk el atalak ara, kwiriptalipmok deice baju dobuka, el nong kwatipmokce, mek lia yo deice mekwen pum bisik minopce sakuk.