Yohanes 13:22 - Eipomek

²² Nyabukura, Yesus el mapu kekebikce, ‘Se, yatanye biti nyapmasil do?’ tenen, dildanmekce, kanye walwal kibuk.

Yohanes 13:22 ပူးပေါင်းရင်းမြစ်များ

Kejadian 42:1

Mutuku-mutuku nirya ulamik ninye arye, ‘Mesir mutuku delilamik din ning deknamap’ tenen, Mesir mutuku yangalamikba, Yakub ton kekebukce, bikuk. Ara, ‘E, Mesir mutuku noutamak jagung duk do, terigu duk do, aning atonun ning ubuke’ tenen, bikukce, el mapu nirya ati nyabuk. “Anggunda, yata ati talye tikuka dilanmalum do?

Matius 26:21

“Na dipkoprop nyapsine. Na ap bukmapce, din dinmalum nang noutamak bukni, tonoknye birye, na opnamaniyaka ati, ninye yupu delilbinule,” Yesus arye nyabuk.

Matius 26:22

Nyabukura, sik pia bico ubukba, sik ikin kanye bobuka, Yesus ati tonok-tonok arye ayupu nyanmek. “Naio, narye yukubkiniba, opnamkiyak do? Nara, kume naio,” nyabuka tonok-tonok arye Yesus ati nyanmek.

Markus 14:18

Yayikce, sik kintinipmarik alip aik bukuka, din dinmek talak ara, Yesus arye ayupu nyabuk. “Na dipkoprop nyapsine. Na ap, bukmapce din dinmalum nang kan-kanuk bukni, tonoknye birye, na opnamaniaka ati, ninye yupu nyalilbinule,” Yesus arye nyabuk.

Markus 14:19

Nyabukura, sik pia bico ubuk ati, sik talima ikin kanye bobuka, Yesus ati tonok-tonok arye ayupu nyanmek. “Naio, narye yukubkiniba opnamkiyak do?” nyabuka tonok-tonok arye Yesus ati asilanmek.

Lukas 22:21

“Bukni, na ap bukmapce, din dinmalum nang kankan, tonoknye birye, na opnamaniaka ati, ninye yukulbinule.

Lukas 22:23

Yesus arye nyabukura, sik kekebikce, sik bidamang nanguk asipdayikce, “Yesus opnamaka ati, yukupnamlanye bira, yatanye do?” nyabuka asildanmek.

Yohanes 13:18

Alukunyanuk, Yesus arye el mapu ati, ayupu ton nyabuk. Narye wipdeiamsise nang nirya, akunum kel bikamsise anya arye, anggun nirya ati kum nyapsine. Bukni, Mazmur noutamak sekik yupu, nong upnamala ati, ayupu nyapnusine. Mazmur noutamak sekik yupu ara, ani. ‘Na ap neika ubuka din neika dinyam bukni, anye birye nati, ‘Malye kibuka opnamak’ tenen, yanipnunile ati, akunum kintinipmanile.’ (Mazmur 41:9)

Yohanes 13:21

Yesus arye ayupu nyabukopura, mambul kanye bobukce, nyabuk. “Na dipkoprop nyapsine. Anggun kan-kan noutamak bukni, tonoknye birye, ‘Nun ni Yesus ara, malye ninye arye opnamak’ tenen, ninye yupu delilbinamnile,” nyabuk.