Yohanes 13:21 - Eipomek

²¹ Yesus arye ayupu nyabukopura, mambul kanye bobukce, nyabuk. “Na dipkoprop nyapsine. Anggun kan-kan noutamak bukni, tonoknye birye, ‘Nun ni Yesus ara, malye ninye arye opnamak’ tenen, ninye yupu delilbinamnile,” nyabuk.

Yohanes 13:21 ပူးပေါင်းရင်းမြစ်များ

Matius 26:21

“Na dipkoprop nyapsine. Na ap bukmapce, din dinmalum nang noutamak bukni, tonoknye birye, na opnamaniyaka ati, ninye yupu delilbinule,” Yesus arye nyabuk.

Matius 26:38

“Na kanye talima ikin ubuka, pia ilil kanye bopmana ati, na kanye talima uk dimanilce, dipmanto upmane. Na talima uk pia dinmanila anya arye, na talima melildana ati, meneng dam asukumuk, mana kum, bunauk upnamalulume,” nyabuk.

Markus 14:18

Yayikce, sik kintinipmarik alip aik bukuka, din dinmek talak ara, Yesus arye ayupu nyabuk. “Na dipkoprop nyapsine. Na ap, bukmapce din dinmalum nang kan-kanuk bukni, tonoknye birye, na opnamaniaka ati, ninye yupu nyalilbinule,” Yesus arye nyabuk.

Markus 3:5

Sik talye tunim abuka dabukmek bukni, yu kanye bobuka, sik talima pia kat weik ubuka ati, ‘Yesus arye, se’ tenen, pia malye kanye bobuka, yu arye asing aryuk dipra banmok. Winibukce, taruk kwanyamuknye biti, nyabuk. “Anda taruk lelekuka arepnilyame,” nyabuk. Nyabukopura, taruk kwanyamuknye birye, el taruk ninikuka aribukura, adiparyuk el taruk teleb kibukba, taruk ninikeibuk.

Yohanes 11:33

Engenmoka ani, tonda, Maria ap yanganmek Yahudi nang engenmekba, Yesus eibukopura, Yesus ara bouku sukubukce, ‘Se, sikda bicoe,’ tenebuk.

Yohanes 11:35

Nyabikba, Yesus arye engenmok.

Yohanes 11:38

Lazarus el nong dobuka keil deiya dongobikce, weik keil dobuka akeil deiya buplan tirikdongobik. Otalak arye akunum weipmek bukni, Yesus arye Lazarus nong dongobik keil deiya dam yayukce, tuba tamubuka tonap bouku sukubuka, malye kanye bobuk.

Yohanes 12:27

Nyabukce, ayupu ton nyabuk. “Wini talak ara, na mambul kanye bopmane. Yata yupu nyaptinye do? ‘Naie, atalak ikin ning na nong deice deipnamaniyaka ati, lobuka lyepnilyame,’ nyaptinye do? Kume. Aning ara kum nyaptinye. Dipkoprop ‘Winipnamniyak’ tenen, wini talak unune.

Yohanes 13:18

Alukunyanuk, Yesus arye el mapu ati, ayupu ton nyabuk. Narye wipdeiamsise nang nirya, akunum kel bikamsise anya arye, anggun nirya ati kum nyapsine. Bukni, Mazmur noutamak sekik yupu, nong upnamala ati, ayupu nyapnusine. Mazmur noutamak sekik yupu ara, ani. ‘Na ap neika ubuka din neika dinyam bukni, anye birye nati, ‘Malye kibuka opnamak’ tenen, yanipnunile ati, akunum kintinipmanile.’ (Mazmur 41:9)

Yohanes 13:2

Atalak ara, Isa Mutuku Dongonye arye, ‘Anye malye winipnamle’ tenen, Simon el mi Yudas Iskariot ati, el talima akunum tamubukura, Yudas arye, ‘Yesus opnamak’ tenen, tonda, ‘Ninye yupu delilbinun’ tenen, akunum kintinibuk. Alukunyan sik dipnuyik ning bokuka arilanmek.

Yohanes 13:22

Nyabukura, Yesus el mapu kekebikce, ‘Se, yatanye biti nyapmasil do?’ tenen, dildanmekce, kanye walwal kibuk.

Rasul 17:16

Ura, Paulus arye, ‘Silas ap, Timotius ap, na ak yanamdak’ tenen, dinmok talak ara, Atena mutuku ninye arye sik taruk deice arye ninye urasin atonun kibuka puturup deipnarye, talye ning bukni, si erelamik ning, anyasik noutamak weik deiamik ning ara, eibuk. Eibukce, ‘Se,’ tenebuka pia malye kanye bobuk.

1 Yohanes 2:19

Anang ara, nun batakuka nun kan-kan arye yukak bindobik bukni, nun kanye ap, sik kanye ap neiktoto kume. Nun diba tenebuka, nun kanye tenenyap atouk nang ulamtingtoura, nun batakna kumce, nun ap neika ulamtibye. Bukni, sikce nun batakuka bindobikce, yuk tam kipdobikbuk, eibupurye, sik ulamik ning kel kibupe. Ara, ‘Aning sik kan-kan danerye, tonoknye babye ton, nun diba tenebuka kanye tenenyap touk, sik babye, diba kum tenenyaka’ tenen, kel bikamubu.