Yohanes 13:18 - Eipomek

¹⁸ Alukunyanuk, Yesus arye el mapu ati, ayupu ton nyabuk. Narye wipdeiamsise nang nirya, akunum kel bikamsise anya arye, anggun nirya ati kum nyapsine. Bukni, Mazmur noutamak sekik yupu, nong upnamala ati, ayupu nyapnusine. Mazmur noutamak sekik yupu ara, ani. ‘Na ap neika ubuka din neika dinyam bukni, anye birye nati, ‘Malye kibuka opnamak’ tenen, yanipnunile ati, akunum kintinipmanile.’ (Mazmur 41:9)

Yohanes 13:18 ပူးပေါင်းရင်းမြစ်များ

Mazmur 41:9

Na mal olan nang arye, ‘E, anye bira, dipkoprob ikin weik ning, el deice akunum yanuka taleamuka ati, dipkoprob el dipnamlarya!’ teneninyake. ‘El nakina talipmaliba, amapmalyak uk unmalya ani, aminyan talak tamubuka bukdoplirye, telebuk uplirye, pia kum unamle,’ teneninyake.

Yeremia 41:2

Neika dinmik talak noutam ara, Netanya elce deiamuknye, Ismael ap, tonda el ap melibuka yayik nang, takubarye 10 nang ap, sik nirya talye karin arye, neika tekikce, ninye si Safan birye deiamuknye, Ahikam, elce deiamuknye Gedalya biti, ninye on parang ya dobuka oplobik. Gedalya obik deiyok ara, ani. Ara, Babel mutuku taleamukce, ninye deiyok kibuka, Raja ulamuknye, Nebukadnesar birye, ‘Mizpa mutuku nang nirya, sik deiyoknye Gubenur kibuka, anang talipnamleʼ tenen, Gedalya akunum erepdeiamuka ati, ‘Anye bira nun likeʼ tenen, Ismael ap, el melin nang arye, anye bira oplobik.

Matius 10:36

Aning atonun, tonoknye bira, el mining aik nang arye, elti, mal pinamake.’ (Mika 7:6) Mika arye nyalamuk yupu dobuka nyapsine. Ara, na nyasinye yupu ati, ninye arye, yu upliba, oldanamake. Yesus arye nyabuk.

Matius 26:21

“Na dipkoprop nyapsine. Na ap bukmapce, din dinmalum nang noutamak bukni, tonoknye birye, na opnamaniyaka ati, ninye yupu delilbinule,” Yesus arye nyabuk.

Matius 26:23

Nyabuka asilenmekba, Yesus arye anang ati tamubuka nyabuk. “Narye roti dobuka yangalin makau pum burubuka dinmap nang kan-kan, tonoknye birye na opnamaniyaka ati, ninye yupu delilbinamanile.

Markus 14:17

Aunmarik talak ara, Yesus ap, el mapu 10 nang ap, ‘Yerusalem mutuku binuyap’ tenen, bayik talak ara, inibukce keting kumupdongobukopura, Yerusalem mutuku yayik.

Markus 14:18

Yayikce, sik kintinipmarik alip aik bukuka, din dinmek talak ara, Yesus arye ayupu nyabuk. “Na dipkoprop nyapsine. Na ap, bukmapce din dinmalum nang kan-kanuk bukni, tonoknye birye, na opnamaniaka ati, ninye yupu nyalilbinule,” Yesus arye nyabuk.

Markus 14:20

Asilenmekba, Yesus arye anang ati, tamubuka nyabuk. “Narye roti dobuka yangalin makau pum bisik likuka dinmap nang kan-kan, na mapu ululum bukni, tonoknye birye, na opnamaniaka ati, ninye yupu nyalbinamanile.

Lukas 22:21

“Bukni, na ap bukmapce, din dinmalum nang kankan, tonoknye birye, na opnamaniaka ati, ninye yukulbinule.

Yohanes 13:21

Yesus arye ayupu nyabukopura, mambul kanye bobukce, nyabuk. “Na dipkoprop nyapsine. Anggun kan-kan noutamak bukni, tonoknye birye, ‘Nun ni Yesus ara, malye ninye arye opnamak’ tenen, ninye yupu delilbinamnile,” nyabuk.

Yohanes 13:22

Nyabukura, Yesus el mapu kekebikce, ‘Se, yatanye biti nyapmasil do?’ tenen, dildanmekce, kanye walwal kibuk.

Yohanes 13:26

Asipdeyukba, Yesus arye nyabuk. “Narye adin ning roti dobuka yangalin makau pum bisik mek burupdongopnirye, arepnamananye bira, el akunuma,” nyabuk. Nyabukce, Yesus adiparyuk aroti dobuka dikilongon makau pum bisik dongobuka, Simon el mi Yudas Iskariot ati aribuk.

Yohanes 15:16

Anggunce nati kum wipdeiamnulume. Aning kum bukni, narye anggunti, ‘Aninye ara melisiniba, pia teleb ubica deice arye, duk moupnamle ning ara, pia unamle’ tenen, wipdeiamsise. Ati anggunce anyapmasin touk akunum winipmunyopura, anggunce na si deice arye moropmunyopura, na ni koprop kekepsilirye, aning-aning moropmunye touk arenamsile.

Yohanes 15:19

Diba tenena kum, talye unyak ninye arye wininyak ning atonun winin ning ap, tenena ap, winipmunyopura, atalye nang arye sikti, ‘E, anang ap, nun ap ansinibuka unyabe. Sikda, nun wininyap atonun wininyake. Ati nunce anang ati kanye delinyabe,’ tenepnamsiake. Bukni, dipkoprop ning ara, na mapu anggun winilulum ning ap, anggun tenelulum ning ap ara, talye wininyak ninye atonun pia kum ati, anggun ansinibuka kum ululume. Talye tukwak ninye kan-kan noutamak, narye wipdeiamsisa ati, anggun na mapu ululum nang ap, talye nang ap, ansinibuka kum ululume. Anggun kanye tenelulum ning ap, anggun winilulum ning ap ara pia yuke. Sik diba tenena kum, talye unyak ninye pia yuk anya arye, aninye arye na mapu anggunti, ‘Nun lik,’ tenesinyake.” Yesus arye nyabuk.

Yohanes 15:25

Bukni, aninye arye na batakaninyaka deice arye, minop talak Allah yupu laka nyalamik ninye sekuka deiamik yupu ara, nong akunum laka uple. Minop sekik yupu ara ani. ‘Deiyok kum ubuk bukni, deiyok kum ubuk babye, nati, ‘Nun lik,’ tenelamnike.’ (Mazmur 35:19) “Ayupu aubuk touk, dipkoprop deiyok kum upmal bukni, sik anang arye na Yesus ati, ‘Nun lik,’ tenenyaka deice arye, minop talak nabi nang arye nyalamik ning ara, nong akunum upmale.” Yesus arye nyabuk. Nyabukce, ayupu ton nyabuk.

Yohanes 17:12

Ura, na ap, na mapu ap, tukwak mutuku noutamak neika ulamubu talak noutamak nirya ara, weik mambul si arepnuluma deice arye, ‘Malye ning arye, na mapu malye uplyak’ tenen, narye na mapu ati kaliklamsiba, tuba teleb unyake. Sik anang nirya ara, tuba telebuk unyake. Tonoknye babye kume kum danike. Bukni, minop ulamik nabi nang arye, Allah yupu sekamik noutamak nyalye touk, ‘Nong upnamle’ tenen, tonoknye bira, na ap neika balamnumunye bukni, malye ubuka deice arye, el nong kum danamle. Bukni, an kele, minop talak tenyamlum touk, anye bira kum danamle.

Yohanes 18:32

(Ayupu nyabik ning ara deiyok ani. Ara, Yesus arye, “Winibuka, winibuka oplopnamniake,” nyabuk ning ara, nong upnamuka ati, ayupu mankau asa arye nyabik.)

Yohanes 19:24

Abaju tonok ning ara, pia teleb ubuka anya arye, sikce nyabik. “Acang baju, el si juba, kum kwiliknamabe. Nun kil-kil nyan ning ara, darikal dobuka, dekna dolon ning el si undi deice aryuk, doproplinye laka upnamasile,” nyabuka, kil-kil ning dobikce, acang baju tonoknye birye doprobuk. Aning winibuka winibik ning ara, talye kanye bobuka winibik bukni, dipkoprop ara, Allah yupu noutamak, minop talak nabi nang arye sekeiyamik ning ara, ‘Nong upnamle’ tenen, winibik. Mazmur deice sekamik yupu ara ani. ‘Na cang baju nirya bokrobikce, doprobik. Na baju dolona ati ara, dekna dolona ati olamak ning, el si undi donmekce, doprobike.’ (Mazmur 22:18) Ayupu minop talak, nabi nang arye sekamik atonun, sik yin talin nang arye winibik.

Yohanes 19:36

Ara, Yesus el yok kum bulakik ning ara, nabi nang arye, Allah yupu minop talak sekamik ning, ‘Nong upnamle’ tenen, winibuk. Anang ara, talye mangkau kanye bobuka, winibik bukni, Allah arye Yesus ati, tenyamuk touk winibik. Allah yupu Mazmur noutamak ara, ayupu sekamik. ‘El yok tonok ning babye, kum cepnamake.’ (Mazmur 34:20; Keluaran 12:46)

Yohanes 21:17

Aminyan ara, Yesus like winilye ning arye Peterus ati asipdeyuk. “Wisinye Yohanes arye deipkuk mi, anda Simon Peteruso, dipkoprop kanye delinilyam do?” nyabuka asipdeyuk. Asipdeyukura, Peterus arye, ‘Se, like winilye ning arye, tuba tamubuka tonap aninguk asipdenmanile’ tenen, bouku sukubuk. Mambul kanye bobukce, Yesus ati tamubuka nyabuk. “Naio, anda aning-aning nirya kel bikinanye ulyama anya arye, adinmanilama arye, moubuka kel bikmanilame. Narye anti kanye delikunune,” nyabuk. Peterus arye nyabukba, Yesus arye tamubuka nyabuk. “Ati, na bico tenenun domba ati, sik din arenamlyame,” nyabuka domon yupu deice nyabuk.

Yohanes 6:70

Nyabukura, Yesus arye nyabuk. “Na aryuk, anggun obarye nang wipdeiamsise bukni, anggun kan-kan noutamak ara, tonoknye isa mi ulule,” nyabuk.

Rasul 1:16

“Na kayapu, minop talak arye Allah El Dib Kanye arye, Daud, el kanye talima pum tam wekukura, utenebukce, ‘Winipnamle,’ nyabuka sekamuk yupu ara, atalak ara, Yudas kum bikamuk bukni, ayupu ara, el Yudas ati nyalamuk. Ayupu ara, kum batakmanto yupu ati, akunum winipmasile. Ara, Yesus tapu koupnamik nang dam inibuka dobuka yayukce, ‘Yesus ani,’ nyamuknye, Yudas ati Daud arye ayupu nyamuk.

2 Korintus 4:5

Nunce, nun bidamnye kanye tenenyap ning ap, nun bidamnye nong ap, ati kum peterenyabe. Aning kum bukni, nunce, “Yesus Kristus ara, nun Weik Ninye Deiyoknye el tonok ulule,” nyabuka peterenyabe. Tonda, Yesus el amu tam ubirye, el piluk donyapa anya arye, elti, pil donyap bukni, apil donyapa ara, anggun Korintus mutuku ap, Akaya tam ninye ap, anggun talye melin nang atonun unyabe. Ati nun yupu nyabibibuk, ayupu pia kum kekepmanto ninye ara, Allah arye tenyamuk touk, sik dipnamaka ati kum kekepsitinge. Yuk deiyok ati kume.

Ibrani 4:13

Yata ning do nirya, Allah arye kintinipdeiyamuk ning nirya ara, pia kum duknupmanto. Allah arye aning-aning nirya ati, pia dilule. Baju arye singipdongopmakce ning auplyeba, abaju dopdobikcopura, laka ulamle touk, Allah arye aning-aning nirya lak akuk dilule. Aning-aning nirya dilinye Allah ati, nun wininyap ning nirya laka nyabibyeba, elce kekebuka dipdesilirye, “Aning teleb, aning malye,” nyabuka, yupu lipsisikuka bokeipnamsile. Nun wininyap ning nirya ati, Allah el dam laka nyabibyeba, dipdesilirye, yupu lipsisikuka bokeipnamsile. Tonok ning babye kum duknuptibye.

Wahyu 2:23

Akil arye deiyamuk mapu nirya ara oplopnamne. Winipniba, amutuku-amutuku diba tenenyak ninye nirya arye, moubuka kel kipnamake. Ara, ‘Se, ninye kanye tenen ning ap, ninye talima pum tam usilye ning nirya ap ara, elce kel kisulule. Nun nirya arye ulamap touk, yupu bokeipsilirye, wenesulule,’ tenebikirye, kel kipnamake.