Yohanes 13:12 - Eipomek

¹² Yesus arye, el mapu sik yanmek ilikda banmoka ani, akunum sengum abukce, el deice tam kwiriplopmok cang baju ara, tuba tamubuka tonap ongopdobukce, min bukmok sukumuk tamubuka bulbiyuk. Bukukce, nyabuk. Narye anggun yanmek ilikmasina ara, aning nong ton bita bikmalum do, kum do?

Yohanes 13:12 ပူးပေါင်းရင်းမြစ်များ

Yehezkiel 24:19

Winipseba, sik amutuku ninye arye nati, “Naio, ance yata deiyok ati, aning ara, winipnalam do? Ance domlum kil, winiryuk dipmal bukni, engena kumce, tuba banmalame. Ati, awinipmalam ning deiyok, yata ati do? Nun ton laka nyapsilyeme,” nyabuka asipnike.

Yehezkiel 24:24

Anyapman ning nirya ara, winipnamsila ati, nabi Yehezkiel birye, anggun bikna ati, anggun dam winipmalba, anggunce akunum eipmalume. Atalak winilina ati, anggun dam winipmasin ning ara, dolyanamle talak anggun dam yasilyeba, winipnamlume. Ati, nyapmasin ning nirya, akunum dam uplyeura, adeice arye anggunda moubuka biknamlume. Ara, na Allah arye, anggunti nyapdeipsine. Aning nirya winiplyeba, anggun aning winilulum Israel nang arye, ‘Se, aning ara, Allah arye yanuka nyapdeiamsuk touk, akunum winipmasileʼ tenenamlume. Tonda, ‘Se, Allah Yahweh arye, aning-aning nirya deice tam erebuka, Pia Mikip Weik Deiyoknye ulule,’ tenen, moubuka biknamnulume.” Allah arye nyabuk.

Matius 13:51

Ati, Allah arye ninye weik lyeplirye, anggun talima talinamsil ara, aning atonun ulule nyapmasin yupu ara, kekepmalum do? Yesus arye wipdeiyamuk nang, el mapu 12 nang, ati nyabuk. Nyabukura, sikce, “Nun kekepmabe,” nyabik.

Markus 4:13

Ayupu nyabukopura, Yesus arye el mapu 12 nang ati nyabuk. “Narye winipmanto yupu deice, yala ning doknin banmok yupu nyapmanu ning, nong noutamak ning kum kekepmalum do? Winipmanto yupu nyapmanua kum kekepmaluma ati, aminyan talak domon yupu nyapnamne ning babye, yata ubuka kekepnamlum do? Ati ara, na domon yupu nyapmanua ara, nong laka nyapnusine,” nyabuk.

Lukas 22:27

Anggun tenelulume. Weik mambulnye bira, danye do? Din ning deibuka dilamakak, ulirye, dilulnye do, din ning kintinibuka arilulnye do? Kume, din ning deibuka dilamakak minopce ulirye, dilulnye bira, weik mambulnye ulule. Bukni, nauk ara, weik mambulnye unyebuk, sik amu tam unirye, din ning kintinibuka arilamak nang atonun kanye lamapdongobuka unune.

Yohanes 13:4

Yesus arye aning-aning nirya akunum kel kiyamukce, ilil kum, talye kanye bobuka ulamuka anya arye, sik yuk nang arye din dabuka kintinipdeipmekce, bokuka deipnin banmek talak ara, Yesus ara tikuk. Tikukce, el din ning asukumuk batakuka, el deice tam ongopmok baju kwiribukce, handuk mek kilina dobuka, el der tam koupdongobuk.

Yohanes 13:7

Yesus arye tamubuka, “Amio, wini talak ara, na wininmasin ning ati, ‘Deiyok noutamak ning ani’ tenen, kum tenepmalam bukni, aminyan talak ara, moubuka kel biknalame,” nyabuk.