Yohanes 12:2 - Eipomek

² Asum ara Betania mutuku nang arye, ‘Nun ni Yesus ati kipnamap’ tenen, din ning weik kintinibuka deipmek. Din ning kintinibuka deipmekba, Marta ara, aning dipnuyik ninye ati, dina bokuka arilbanmok. Lazarus ara, el ap, Yesus ap, yuk nang ap, neika bukuka din dinmek.

Yohanes 12:2 ပူးပေါင်းရင်းမြစ်များ

Kidung Agung 4:16

Se, anda iknapye tam arye dolul kumanya ap, dabu tam arye dolul kumanya ap ara, adiparyuk deiyok koubuka, donamnilyame! Ara talye ati kum bukni, deiyok ara, na wa win dam deice tam donmaminya ani, na wa noutam nintong pia teleb ning, wamnilye ning ara, akumanya arye, anintong teleb nyalamle ning dobuka, dana-dana tam balamle. Balyopura, nara weik tonun bico tenenunye dipkoprob kekenamne. Na kanye deipsinye, na nintong teleb ning kekeplyopura, adiparyuk na wa win dam yanuka, weklirye, na wa noutam pia teleb ulye yo duk ap, yuk teleb ning ap, nirya dobuka dilirye, kanye deibuka unamle! Ara, ‘El ap, na ap neika unamnam,’ tenen ati nyapne.

Matius 26:6

Yesus ap, el mapu ap, Yerusalem mutuku batakuka, Betania mutuku binuka unmek. Yesus ara, tonoknye el si Simon, el aik binuka bukmokce, din dinmok. Simon ara, min arye barye suse atonun suse, el nong nirya dilamuka ati, el si ara Simon Barye Suse dinanye nyalamik.

Markus 14:3

Yesus ap, el mapu ap, Yerusalem mutuku batakuka, Betania mutuku binuka unmek. Yesus ara, tonoknye el si Simon, el aik bina bukmokce, din dinmok. Simon ara, min arye barye suse atouk suse, el nong nirya dilamuka ati, el si ara, ‘Simon Barye Suse Talinanye,’ nyalamik. Yesus ara, Simon aik bukmokce, din dinmok talak ara, tonok kil arye bola kat-kat makau dobuka boyayuk. Amakau pum bisik ara, nintong teleb mek, dekna pia weik mek uamuka ati, amakau kukunak arye coplobukabukce, Yesus si erena ati, el kisok deice dikeibuk.

Lukas 12:37

Yata nang do nirya, ‘Nun deiyoknye yanul do?’ tenen, dinmakibuk, el yalyopura sik deiyoknye birye, anang ati kanye deiplirye, teleb ulilule. Anye birye el pil melina nang ati, kanye deiplirye, pil don ongon baju ongoplirye, el melina nang ati, ‘Dina dinak bulyalulume,’ nyaplirye, sik din ning ati arepnamle.

Lukas 14:12

“Anggun yuna kwalibuka deipmamunye talak ara, anggun kayapu nang ap, anggun weitcapu silip ap, anggun yala nang ap, bona talin nang ap, ‘Yuna dilyanuyak’ tenen, ananguk kum yukupnamlulume. Ato nanguk yukupmunyopura, sikce tuba tamubuka anggunti kwalibuka delinamsiak anya arye, ‘Elce tamubuka yuna kwalibuka deipnamnile,’ tenepmunye nanguk kum yukupnamlulume.

Lukas 22:27

Anggun tenelulume. Weik mambulnye bira, danye do? Din ning deibuka dilamakak, ulirye, dilulnye do, din ning kintinibuka arilulnye do? Kume, din ning deibuka dilamakak minopce ulirye, dilulnye bira, weik mambulnye ulule. Bukni, nauk ara, weik mambulnye unyebuk, sik amu tam unirye, din ning kintinibuka arilamak nang atonun kanye lamapdongobuka unune.

Lukas 5:29

Banmarika ani, Lewi el aik koprop wekelbirik. Ura, Lewi arye, ‘Yesus kipnun’ tenen, weik kwalya kwalibukce, el kayapu nang weik yukubuk. Lewi arye yukubuk nang, ara amutuku talyamik nang, sik Roma mutuku nang ulamik ati, pajak yo bok bulubuka, arelamik nang ulamik. Tonda, yuk nang ap, weika arye yanuka wekik akarye, sik nirya dina neikak dinmek.

Wahyu 3:20

Nara, anggun dam akunum yanmasine. Anggun aik buplan dam tiknirye, ‘Bublan kukeipnuniyak do?’ tenen, bisik lorum-lorum asunune. Yata nang do nirya, na yupu kekebikirye, sik buplan kukeipnicopura, na adiparyuk sik aik weknirye, sik ap, na ap dine dibuka neika unamabe.”