Yohanes 12:17 - Eipomek

¹⁷ Yesus ap banmek nang nirya arye, ‘Yuk ninye weik arye kekenamak’ tenen, Yesus arye Lazarus keil deiya pum bisik yukupce, kam bukeibuk ning ara, weik arye laka nyalbanmek.

Yohanes 12:17 ပူးပေါင်းရင်းမြစ်များ

Yohanes 1:19

Ura, sik Yerusalem mutuku ulamik Yahudi yala deiyok nang arye, yupu nyapdeibikba, sik Yahudi nang Lewi yala nang ap, Allah el si erena aik pum tam arye, Allah ati arena deiyok nang, sik imam nang ap arye, Yohanes dam yayikce, “Anda yatanye do?” nyabuka asipdeyik.

Yohanes 1:32

Nyabukce, ayupu tonap dukdongobuka nyabuk. “Na asing arye eipse ning laka nyapnusine. Allah El Dib Kanye ara, yalma maka atonun dayukce, im deice arye anye el nong deice yanuka bukukba eipse. Allah El Dib Kanye ara, anye ap el kanye pum tam tuba urudake.

Yohanes 1:34

Aning eipse ati, narye anggunti laka nyapsine. Ayanmalanye Yesus ara, Allah el Mi Koprop ulule.” Yohanes birye nyabuk.

Yohanes 11:31

Sik Yahudi yala ninye, ‘Maria kanye talima mikip kipdeipnamap’ tenen, dilbinmek ninye arye, Maria minopce tikuka aik pum arye bai tam binmokba, eibikopura, sikce, ‘Se, Maria ara, Lazarus nong keil deiya pum bisik deipmong akuk, engel banmale,’ tenebikce, Maria banmok bisikuk dobolbanmek.

Yohanes 11:42

Ance na nyakunun yupu nirya tuba kekenilyam ning ara, na akunum bikamse bukni, na ap atikmak nang arye, ‘E, Allah arye dipkoprop Yesus dopkwetepsuke, tenebuka, kel bikikirye, dib tenepnamak’ tenen, nyapkine.” Yesus arye nyabuk.

Yohanes 12:9

Ayupu nirya nyanmek talak ara, yuk nang arye, “Yesus unmal aik ani,” nyabuka laka nyalbanmekba, Yahudi yala nang, yupa weik dilyayik. Dilyanmeka deiyok ara, ‘Yesus eiptibye’ tenen, tonda, ‘Lazarus bira, diamuk bukni, Yesus arye anye bira kam bukdeibukba, anyaik pum unmala anya arye, el Lazarus babye eiptibye’ tenen, dilyayik.

Yohanes 19:35

Sikce winibikura, aning nirya eibuknye birye, akunum lakak laka nyapsuke. Elce, “Anang arye winibike,” nyabuka, laka nyapsuk yupu ara, dipkopropuk ulule. Anye birye, dib yupu nyapsuka ara, ‘Sik nirya kekebikirye, dib tenepnamak’ tenen, nyapsuke.

Yohanes 21:24

Ara, ayupu noutamak “Anye,” nyapdeipmasinanye bira, na Yohanes ati nyapsine. Anyapmasin ning nirya ara, na asing arye elilamse. Na aryuk sekuka deipsine. Nun nirya kele. Narye sekeipmasin yupu ara, Yesus arye nyalamuk yupu ap, winilamuk ning nirya ara, dipkoprop ulule.

Rasul 5:32

Nunda, Allah arye Yesus tamupra kam bukdeibuk ning nirya dilamuba arye, yuk nang ati, laka nyanyabe. Tonda, nun ap, Allah El Dib Kanye ap arye, ayupu laka nyanyabe. Allah el yupu uk kekebuka dobolbanyak ninye nirya ara, Allah El Dib Kanye, akunum dopkwetepsuk ati, diba tenebiceura, Allah El Dib Kanye, aresulule.” Yesus arye wipdeiamuk nang nirya arye sik Sandeheren nang ati ayupu nyabik.

Wahyu 1:2

Malaikat arye aning nirya laka nyabuka kapdeipnukba, na Yohanes arye eipse ning ap, kekepse ning ap, abuku noutamak ara, laka nyabuka sekdeipse. Aning nirya ara, Allah el yupu ap, Yesus Kristus arye el dipkoprop nyalamuk yupu ap ati, laka nyabuka sekeipsise.