Yohanes 12:14 - Eipomek

¹⁴ Yesus ara, ‘Yerusalem mutuku binun’ tenen, keledai basam winiryuk ning, ninye ton kum bukuka balamik basam eibuka dobukabukce, akeledai basam balye tam bukuka bisik banmok. Winibuka banmok ara, minop talak Allah yupu noutamak sekamik ning, nong dukdongopnamuk ati winibuk. Nabi Zakaria arye minop talak sekamuk yupu ara ani.

Yohanes 12:14 ပူးပေါင်းရင်းမြစ်များ

Zakaria 9:9

Se, Sion mutuku noutam ululum ninye, anggun weik tonun kanye deibuka, kil-kil asa upmunce, unamlulume. Tonda, anggun Yerusalem mutuku ululum ninye nirya ara, weik tonun kanye deibuka, weik yupu deice arye, ‘Telebe,’ nyanamlulume. Anggun elilulume. Anggun ninye deiyoknye, aning nirya bisina ap, tonda pia diksukum una ap, deiyoknye yanmala ati, dilulume. El ayanamlanye bira, ninye unyak touk dipdebuka, diksukum kibuka, yupu lipsisikuka, bokolina deiyoknye ulule. Tonda, ninye lyena deiyok ning boyanmale. Bukni, anye bira, el kanye talima nimalyap asa arye, ulirye, amu tam ulule. Anye bira, winiryuk keledai basam balye deice bukuka yanganmale.

Yohanes 12:13

Kanye deibikce, ‘Yesus eipdabirye, el yanganmal bisik yangabuka deibibirye, elti, si erepnuyap’ tenen, amutuku ninye winilamik touk, yo bata cebuka bobikce, Yesus yanganmok bisik bik-bik abuka biyik. Bisik banmek talak ara, ayupu weik arye nyanmek. Sik nyanmek yupu ara ani. ‘Hosana, Anye birye Lyepnamsile. Nun Ni Koprop Allah arye wipdeibukura, Allah el si deice arye yanmalanye bira, Allah weik arye meliplibuk, telebuk unamle. Nun Israel ninye nirya, nun Weik Ninye Deiyoknye, nun Raja atia. Allah arye anye biti weik arye meliplibuk, telebuk unamle.’ (Mazmur 118:25) Yesus yanganmok bisik unmekce, neika banmek ninye arye ayupu nirya nyanmek.

Yohanes 12:15

‘Yerusalem mutuku unyak ninye ara, ilil una meme. Anggun dilulume. Anggun Weik Ninye Deiyoknye, keledai basam winiryuk ning balye deice bukuka yanganmasile.’ (Zakaria 9:9) Zakaria arye minop talak nyalamuk touk, Yesus arye asum winibuk.