Yohanes 12:1 - Eipomek

¹ Sik Yahudi yala ninye arye weik Kaplina ati Kwalina ati, ‘Naku barye sum tonap akunum mabibyopura, kwalipnamabe’ tenen, kintinibik sum ara, Yesus arye Betania mutuku biyuk. Betania mutuku ara, Lazarus diamukba, Yesus arye kam bukeibuk mutuku anyuka.

Yohanes 12:1 ပူးပေါင်းရင်းမြစ်များ

Matius 21:17

Yesus arye Mazmur yupu dobuka nyabukopura, anang asukum batakuka, Yerusalem mutuku asik dolamikak batakukce, Betania mutuku malbiyuk.

Markus 11:11

Yesus arye Yerusalem mutuku bisik banmoka ani, Yerusalem asik dolamikak wekukce, sik Yahudi yala nang Allah ati arilbalamik aik, el si erena aik binuka wekuk. Wekukce, aning-aning dipra banmok bukni, akunum ipnin banmoka ati, tamubuka Betania mutuku biyuk.

Lukas 24:50

Yesus arye ayupu nyabukopura, Yerusalem mutuku el minop bayukura, el mapu nirya ara aminyan bisik banmek. Banmeka ani, Betania mutuku dam biyikopura, ‘Allah arye anang teleb updeipnamle’ tenen, Yesus el taruk amubuka, Allah ati morobuk.

Lukas 7:37

Sik tuba dinmek talak ara, amutuku pia malye winilamuk kil tonok kekebukce, nintong teleb mek dekna weik makau bukni, bol kat-kat makau arye kwebuka deiyamuk ara, dobuka yayuk.

Yohanes 11:1

Atalak noutamak ara, tonoknye el si ara Lazarus, uk weik dilamuk. Lazarus el mutuku koprop ara, Betania mutuku. Lazarus el weit kilapu ara, Maria ap, Marta ap ulamrik.

Yohanes 11:43

Yesus arye nyabukopura, weik yupu deice arye nyabuk, “Lazaruso, keil deiya pum bisik arye, bai tam asukum yalyame,” nyabuk.

Yohanes 11:44

Nyabukura, adiparyuk diamuknye Lazarus kam bukukce, akeil deiya pum bisik arye bai tam yayuk. El yan ap, el taruk ap, namin kain arye kitipmeka ara, tuba upmok. Tonda, el urasin kitipdongopmek baju ara, tuba upmok. Winibuka ati, Yesus arye awekmek ninye ati nyabuk. “El nong weina ati, kitipmek cang kain nirya kwiribuka loplopmunyeura, Lazarus binule,” nyabuk.

Yohanes 11:55

Efraim mutuku uk, daulamika ani, sik Yahudi yala nang weik kwalina talak, Kaplina ati Kwalina talak akunum dam ubuk. Atalak dam ubuka anya arye, dana-dana tam nirya arye, Yahudi yala ninye bulubuka, weik asik Yerusalem mutuku welebik. Yerusalem mutuku biyik deiyok ara, ani. Ara, Musa arye, el sekamuk yupu mem yupu noutamak, ‘Allah arye kanye deipsilibuk, el si erena aik wektibye’ tenen, “Winibuka, winibuka anggun nong mek kekuka teleb unamlulume,” nyapdeiamuk touk, ‘Kaplina ati Kwalina sum min kum yanmalye talak ara, mek kekibirye, nun kanye talima kintinipnamabe’ tenen, Yerusalem bulubuka banmek.

Yohanes 12:12

Maria arye, Yesus yan deice nintong teleb mek dikeibukba, sik mapmeka berekukopura, Yesus ap, el mapu ap, ‘Yerusalem mutuku binuyap’ tenen, bisik banmek. Banmekbuk, yuk nang arye Yerusalem mutuku lak nyalbiyikba, weik kwalina ati Yerusalem mutuku bulupmek nang kekebikce, kanye deibik.

Yohanes 12:20

Ara, atalak ara, weik Kaplina ati Kwalina ati, ninye yupa pia weik Yerusalem mutuku bulubuka wekelbiyik. Aninye kan-kan arye, Yunani yala nang ton unmek.

Yohanes 12:9

Ayupu nirya nyanmek talak ara, yuk nang arye, “Yesus unmal aik ani,” nyabuka laka nyalbanmekba, Yahudi yala nang, yupa weik dilyayik. Dilyanmeka deiyok ara, ‘Yesus eiptibye’ tenen, tonda, ‘Lazarus bira, diamuk bukni, Yesus arye anye bira kam bukdeibukba, anyaik pum unmala anya arye, el Lazarus babye eiptibye’ tenen, dilyayik.