Yohanes 11:53 - Eipomek

⁵³ Ara, sik Yahudi yala deiyok nang arye, ayupu talibikce, ‘Tonoknye diptue,’ tenepmek sum arye diprongobuka, otalak nirya noutamak arye, ‘Yesus ara, yata talak optibye do?’ tenen, yupu talina ap, tenena ap unmek.

Yohanes 11:53 ပူးပေါင်းရင်းမြစ်များ

Kejadian 37:18

Yusup pera sukum dorapce yanganmok talak ara, el du yapu arye, Yusup eibikce, “Elda nunce opnamabe,” nyabuka yupu talinmek. Sikce nyanmik.

Nehemia 13:21

Winilamikopura, narye anang ati ayupu ton nyabuka uapse. “Anggunda talye kanye bobuka kalikilulum do? Yata deiyok ati, nun cang keil poka dam malulum do? Sabat sum deice arye amutuku noutam akunum yangana ati, kum wekelyatume. Tonap aning atonun winipmunyopura, na mikip arye wenepnamsine,” nyapse. Nyapsiba, ayupu kekebikce, asum arye dipdongobuka dotalak nirya, Sabat sum deice ara, kum dekelyangalamik.

Nehemia 4:16

Asum aryuk deiyok koububurye, dotalak nirya ara, na mapu nirya bokeipsiba, ton tam nang ton pil donmek. Adiparyuk, ton tam nang ara bokuka yin ap, mal ap, yo tace ap, ting ap, kelapye ap dobukabice, nun mal olan nang yangana ati kalikinmek. Yin talina deiyok nang arye, Yahudi yala ninye keil poka dolamik nang pil donmekak, aminyan tam yanuka tikik.

Mazmur 113:2

‘Ninye mutuku sirya, im sirya nirya arye, nun ni koproba Yahweh ati, “Anda pia telebuk ulyama ati, an si ara, pia teleb siuk ulule,” nyabuka, ‘El si erenamak’ tenen, patasulule, ‘Winibuka nyanamak’ tenen, moronyabe. Ara, “Atalak babye, aminyan talak babye, tonda doupnamle talak babye, ‘Ninye yala-yala nirya arye, Allah ati, ‘Anda pia telebuk ulyame!’ nyabuka, ‘El si erenamake’ tenen, patasulule,” nyabuka, moronyabe.

Mazmur 2:2

Aning ara, sik ninye deiyok talibuka unyak nang ap, tonda mambul weik nang nirya ap, bulubuka wekikirye, Allah Yahweh ap, ‘Tukwak ninye lyepnamle’ tenen, wipdeibuknye ap ati, ‘Sik si yanipnamap’ tenen, yupu talinyake.

Mazmur 31:13

Wininuna ati, yata nang do nirya, amutuku unyak nang arye, nati, tuba tonap kum teneninyake. Nati, akunum luba kipnike. Ara, ninye nirya arye, nati, ‘Se, anye bira, akunum dipmanto ubuka ati, daupmalye, el dadipnamle’ teneninyake. Winipmanto ara, mitik mek makau, kira tuku arye, kintinibuka deipmapya ani, aminyan talak aning coplyopura, bai tam donokipyeba, tamubuka dona kumce, luba kilamap touk, uptue,’ teneninyake.

Mazmur 71:10

Deiyok ara, nati, ‘Anye bira, nun lik,’ tenekinyak nang ara, “El ti malye kipdeipnamabe,” nyabuka, nati malye yupu nyanikirye yupu talinyake. Tonda, sik anang aryuk, ‘Kume, anye adiparyuk optibye’ tenen, bulubikceura, warikininyake. Sikce nati, “Anye optibye,” nyabuka, yupu talininyake.

Yeremia 38:15

Nyabuk bukni, Yeremia birye, tamubuka ninye deiyoknye Raja biti nyabuk. “Kume na nio, Allah arye anti, ‘Anye bira, ikin ning, el nong deice deipnamake,’ nyapkuk ning, laka nyapkinyeura, dipkoprob na wenebuka opnamanilame. Tonda, ‘Allah arye anti, wenen yupu nyapkuk ning, laka nyapkitinya babye, ance na yupu kum kekepnamnilame,’ tenepne,” Yeremia birye, Raja Zedeikia biti nyabuk.

Yeremia 38:4

Ayupu laka nyabukba, sik amutuku noutamak deiyok yuk-yuk talibuka, mambul pil dolamik nang kekebikce, sik ninye deiyoknye, Raja dam nyalbiyik. “Kume na nio. Ance nyapdeiptumba, ayupu nyanmalanye bira, oploptibye. Ara, urdem ati, kum nyababe. El yupu deice arye, amutuku kalikina ati unyak yin talin nang ap, amutuku unyak ninye ap, ayupu kekebikirye, ilil upliba, sik mikip kum upnin balule. Sik mikip, pia mitang uplyak ati, yanuka nyapkiyabe. Ara, dipkoprob anye bira, Yeremia birye, talye tilila yupu nyaplopliba, amutuku unyak ninye nirya kekebikirye, pia malye kanye bonyake. El pataplye ninguk tenelule. ‘Amutuku ninye teleb winipnamak’ tenen, patapliba, kum nyasulule. ‘Amutuku ninye ikin uptu babye,’ teleb uka, tenelirye, nyasulule,” nyabik.

Matius 12:14

Yesus arye anye kwetebuka ati, Farisi nang ara, yu ubukba, ‘Yesus yata ubuka opnamap do?’ tenen, anyaik batakuka yukak yupu sisikilbinmek.

Matius 16:21

Yesus arye anyapmok yupu moupdeibukce, el nong deice ikin ning deipnamik ning ap, kanye imun ning upnamuk ning ap, el mapu 12 nang ati, deiyok koubuka peterenmokce nyabuk. “Nara, Ninye Mi Koprop Atonunye unune. Narye Yerusalem mutuku binyopura, sik Yahudi yala nang sik deiyok nang ap, Allah arena ati deiyok nang ap, Allah arye, ‘Winamlulume, aning kum wininamlulume,’ nyapdeibukba, Musa arye sekeiyamsuk yupu, mem yupu peterena deiyok nang ap, anang nirya arye nati, ‘Nun like’ tenen, bataknikirye, ikin ning weik na nong deice deipnikirye opnamniyake. Opnikcopura, dipmanyani, weipnikcopura, like winilye sum arye, ila tamubuka Allah arye kam bukeinamnile,” nyabuk.

Matius 22:46

Ayupu teleb ubuka nyabuka anya arye, ayupu kekenmek ninye nirya arye, yupu tonok babye tamubuka kum nyabik. Tonda, asum arye dipdongobuka, orsum noutamak nirya ara, aninye nirya Yesus ati ilil ubukba, ila tamubuka tonap kum asipdeyik.

Matius 26:4

Anang nirya anyaik wekmekce, yupu talipmek. Ara, ‘Yesus yata wiribuka deice arye tapu koubuka, Yesus optibyeba, yuk nang kum biknamsiyak do?’ tenen, yupu talipmek. Utenebuka yupu talipmek bukni, anang kan-kan yuk nang arye, nyabik.

Matius 26:59

Yupu lipsisikuka bokolina deiyok nang, Sandeheren nyalamik nanguk bukni, noutamak bokuka, Allah arena ati deiyok nang nirya ap, anang nirya arye, min arye, ‘Yesus opnamabe’ tenelamika ati, atalak babye, aninguk tuba tenenmek. Sikda, yuk nang arye, “Yesus el malye winilye ning ara, ani-ani,” nyabuka, minina yupu arye nyaptingba, kekeptibyeura, ‘Ayupu deice arye, Yesus optibye’ tenen, teninmek.

Markus 14:1

Yahudi yala nang Allah ati arena deiyok nang ap, Musa sekamuk yupu dobuka peteren deiyok nang ap, anang nirya arye, ‘Yesus tapu koubuka, yata wiribuka optibyeba, yuk nang kum kel biksitinge,’ tenebuka yupu sisikinmek. Utenenmek bukni, Yahudi yala nang Kaplina ati Kwalina sum ap, Nena Kum Roti Kwalina sum ap, liki bitinye kum upmok talak ati, anang kan-kan yuk nang arye nyabik.

Markus 3:6

Sik Yahudi yala nang, sik Allah si erena ati, dikdik sen sum deice arye, Yesus arye anye bira kwetebuka ati, Farisi nang ara, yu ubukura, ‘Yesus yata wiribuka opnamap do?’ tenen, yupu talilbinmek. Yupu talilbinmeka ara, ninye weik deiyoknye Raja Herodes ati, kanye delilamik nang ap, Farisi nang ap, yupu sirikilbinmek.

Yohanes 11:47

Laka nyabikura, sik Farisi nang kekebikce, yu ubukba, sik Yahudi ninye yupu bokolina deiyok nang, Sandeheren nyalamik nang, ‘Anang ap yupu talipnamap’ tenen, anang nirya yukubik. Yukubikba, sik nirya Farisi nang ap, Allah arena ati weik deiyok nang, Yahudi yala deiyok nang nirya bulubuka yupu talinmek talak ara, nyabik. “Se, nun yata wiripnamap do? Nun talyeuk unmaba ara, yata ati do? Anye birye, ninye kum winipmanto ning, ‘Allah el mikip deice pil dolule tenepnamake’ tenen, ninye kum winipmanto pil weik arye donmale.

Yohanes 12:10

Ura, Yesus arye Lazarus kam bukibuk ati ara, Yahudi yala nang yupa weik arye, Yesus ati dib tenebikce, el tam kipropmeka ati, sik Yahudi yala deiyok nang yu weik ubuk. Yu ubukba, Allah arena ati weik deiyok nang arye, ‘Kume, Yesus eluk kume. Tonda, Lazarus ap opnamabe,’ tenenmekce, yupu talinmek.

Yohanes 7:1

Yesus el melilamik nang weik, lik ubukba, batakik talak arye dipdongobuka anoutamak ara, Yesus arye Galilea mutuku noutam akuk peterepra balamuk. Sik Yudea tam noutamak ulamik nang, Yahudi yala nang arye, ‘Yesus optibye’ tenen, elti, kalikinmek ning ara, Yesus akunum bikmoka anya arye, Yudea tam kum banmok.

Rasul 5:33

Nyabikopura, ayupu kekenmek nang nirya arye, yu weik ubukura, ‘Anang opnamabe,’ tenebik.

Rasul 9:23

Ara, asum-asum nirya weik ulamika akarye, el pia peterelamuk. Anoutam ara, yuk Yahudi deiyok nang arye, ‘Saulus opnamabe,’ tenebikura, yupu talilamik.