Yohanes 11:44 - Eipomek

⁴⁴ Nyabukura, adiparyuk diamuknye Lazarus kam bukukce, akeil deiya pum bisik arye bai tam yayuk. El yan ap, el taruk ap, namin kain arye kitipmeka ara, tuba upmok. Tonda, el urasin kitipdongopmek baju ara, tuba upmok. Winibuka ati, Yesus arye awekmek ninye ati nyabuk. “El nong weina ati, kitipmek cang kain nirya kwiribuka loplopmunyeura, Lazarus binule,” nyabuk.

Yohanes 11:44 ပူးပေါင်းရင်းမြစ်များ

Kejadian 1:3

Wininmokbuk, Allah arye, nyabuk. “Dirina kiplyame,” nyabukba, adiparyuk dirina ubukce, berekuk.

Mazmur 33:9

Ara, talye ati kume. Deiyok ara, Allah elce, “Aning-aning nirya, wini talak winipnule,” nyabukba, adiparyuk, aning-aning nirya anyapmok touk, kikliman kibuk. Aning atonun, elce ayupu nyabuk talak aryuk, aning-aning nirya, lakak kibukce, pia darabuka winilule. El yupu nyabuka, deice aniryuk, aning ayala-ayala nirya, kwepdeibukba, lakak kibuk.

Hosea 13:14

Anggunda, pia malye-malyeuk winilulum ninye ati, ‘Aninye dibikiba, tuku pum tam weipnamak’ tenen, narye anggunti lyepnamsin do, kum do? Kume, narye amalye winimunye ninye ati, kum lyepnamsine. Anggunda, tukwak mutuku ninye dibinyak ninye unyakakuk, talibuka unamlume. Se, uk din ning, weik arye weleplirye, dilamle bukni, ninye weik tonun dibinamake. Tonda, narye amutuku nirya ara, obukapnirye nirya opneba, dipnamlume. Dipmunyeba, weipsikcopura, anggun nong lyupnamsile. Dipkoprop, anggun malye winilulum ninye ati ara, narye anggunti, bico pia kum tenenamsine. Wenen ninguk arenamsine.

Markus 5:43

Anang arye yuk nang ati, ‘Laka nyalbicak’ tenen, “Awinipman ning, laka kum nyalbinamlulume,” nyabuka, Yesus arye yupu sekdongobuk. Tonda, ‘Akilmu din ning arepnunyak’ tenen, yupu nyapdeibukura, akilmu ati din arebik.

Lukas 19:20

Amenyan ara, yuk pil donanye yayukce ayupu nyabuk. “Kume, naio, an weik yo bok tonok areamnulum touk, tamubuka yana deipkine. Aripnulumura, adiparyuk cang kain arye kitibuka moubuka deiamse touk, tamubuka tonok ninguk boyakine.

Lukas 7:15

Nyabukopura, adiparyuk adipmok mi ara, baya yo pum arye bukukabukce, yupu nyanmok. Winibukura, Yesus arye ami tamubuka dobukce, el lin bak aribuk.

Yohanes 10:30

Na ap, na ni kopropa Allah ap nun tonoka.” Yesus arye nyabuk.

Yohanes 11:39

Bouku sukubuka malye kanye bobukce, nyabuk. “Anggunda, akeil deiya weibuka, buplan tirikdongopmong keil ara, dopropmunce, buplan kukiplulume,” nyabuk. Nyabuk bukni, dibuknye el weit kil Marta arye nyabuk. “Naio, nyapmasilam bukni, na du koprop dibukura, keil deiya weibik bukni, like dumbarye sum akunum ubuka anya arye, tong weik nyapkilyake,” nyabuk.

Yohanes 11:43

Yesus arye nyabukopura, weik yupu deice arye nyabuk, “Lazaruso, keil deiya pum bisik arye, bai tam asukum yalyame,” nyabuk.

Yohanes 19:40

Sik bitinye, Yusuf ap, Nikodemus ap arye, Yesus el nong dobuka, anintong teleb ning, el nong deice likeiprikce, pia teleb namin cang kain kwilikukaprice, Yesus el nong kitipdongoprik. Winibuka, Yesus el nong weinak ati, apil kintinibuka deiprika ara, sik Yahudi yala ninye nirya arye, ninye weinak ati winilamik.

Yohanes 20:5

Anye birye nong ganupdongobuka, keil deiya pum bisik bita dipdeyukce, Yesus el nong kitipmek ning, namin baju uk aupmokba, eibuk. Eibuk bukni, akeil deiya pum bisik kum biyuk.

Yohanes 5:21

Ayupu ara talye ati kum nyapsine. Ara, Allah arye akunum diamikce ninye, kam bukuka delilamle touk, el Mi Koprop arye el kanye delilul ninye ati ara, elcuk tenelul touk, kam una deiyok ning ariliba, pia kam unamake.

Yohanes 5:25

Dib yupu nyapsine. Aminyan talak mambul talak yanamle. Tonda wini talak akunum deiyok koupmasile. Atalak ara, sik akunum diamik ninye bukni, Allah el Mi Koprop arye el yupu nyapliba, kekebicopura, kam bukuka pia kam unamake.

Pilipi 3:21

Yata ning do nirya, Yesus el weik mikip deice arye, aning-aning nirya talibuka, el amutamak delilule. Atouk el mikip deice aniryuk, nun talye tukwak nong bataksilirye, nun dobuka urasin pia yuk ning kipsilirye, el pia teleb im deice nong ulye touk ubuka, kwepdeipnamsile. El pia teleb ulye touk, nun babye, teleb winipsiliba unamabe. Na Paulus arye, anggun Pilipi ninye ati, nyapsine.

Wahyu 1:18

Minop talak dipse bukni, wini talak ara, kam unye touk, pia kam unamne. Nara, pia Kam Una Deiyoknye ununa ati ara, aminyan doryanamle talak babye, pia kamuk unamne. Nara, Ninye Dibina deiyok ning ap, akunum diamice ninye unyakak ap, talibuka una deiyoknye ununa anya arye, aning nirya ara talibuka unune.

1 Samuel 2:6

Allah Yahweh, elcuk kam bulina ap, dibina ap, delina ap, anirya ara, elcuk winililule. Ara, Allah Yahweh elcuk ninye ati, ‘Kam unamle,’ teneplyopura, anye bira kam unamle. Tonda atonun, yuknye biti, ‘Elcuk dipnule,’ teneplyopura, adiparyuk dipnule. Tonda, Allah elcuk, diplinye bira, dibin ninye unyak dam, asukum el si ara Sheol mutuku dolkwetelule. Atonun, elcuk, ‘Kam buknamle,’ teneplyopura, tonye bira, weik kanye imun uk dipliba, dipmanto upmalya babye, Allah aryuk teleb kibuka wetepdeipliba, kam tuba pia unamleʼ. Dipmalya babye, kam bukeipliba, tamubuka telebuk unamleʼ.