Yohanes 11:18 - Eipomek

^18-19 Betania mutuku atam, Yerusalem mutuku otam, danoutam bisik bana ara, winipmanto 3 kilometer mitik dam ubuka anya arye, Yahudi yala nang weik arye Yerusalem mutuku arye akunum yayik. Deiyok ara, ‘Marta ap, Maria ap, sik du koprop Lazarus dibuka ati, sik kanye sukuplirye, talima malye uplyak ati, akilapu sik kanye talima mikip kipdeipnuyap’ tenen, sik dam akunum yayik.

Yohanes 11:18 ပူးပေါင်းရင်းမြစ်များ

Matius 21:17

Yesus arye Mazmur yupu dobuka nyabukopura, anang asukum batakuka, Yerusalem mutuku asik dolamikak batakukce, Betania mutuku malbiyuk.

Lukas 24:13

Asumuk ara, Yesus el wibuka deiamuk nang, bitinye nang, ‘Emaus mutuku binunam’ tenen, bisik banmarik. Yerusalem mutuku arye, Emaus mutuku bisik ban karen ara, tonok sum noutamak bisik balamak touk, sebelas kilometer uamuk.

Yohanes 11:1

Atalak noutamak ara, tonoknye el si ara Lazarus, uk weik dilamuk. Lazarus el mutuku koprop ara, Betania mutuku. Lazarus el weit kilapu ara, Maria ap, Marta ap ulamrik.

Yohanes 6:19

Wininmok talak ara, sikce yo lakase mikip arye bukunmekce, pamubarye kilometer atonun, tonda, naku barye kilometer atonun biyik bukni, weik kumanya donmok anya arye, amekwen noutam akuk tuba wekmek. Mek kwen deice banmeka ani, Yesus arye mekwen deice yanibuka biyukce, sik unmeka damak biyukba, eibik. Banmoka eibikopura, ‘Isa do?’ tenen, ilil weik ubukba lukdayik.

Wahyu 14:20

Aweik ning, anggur duk darapdongobuka yanipmek ning, el nong ara, Allah el yu weik upliba, tukwak ninye nirya, weik arye wenebuka, yupu lipsisikuka bokeiplirye, opnamle ning ati ulule. Malaikat arye, anggur duk nirya, yanibuka kwangnalamak ning pum tam yamopdongobukura, anggur duk nirya daralyaninmekba, mek kwen banmok ning ara, urdem mek kume. Anggur duk yaninmekba, ining mekwen weika arye, banmoke. Pia weika arye banmoka ani, weik ining mekwen dana-dana deibuk ning, mitikto kume. Asukum arye, otam karen ara, yupa weik 300 kilometer mekwen deipra banmok. Aining karu ara, tonok meter ap, tonda noutam ning ap, satu setengah (1.5) meter mekwen weik deibukba, eipse. Na Yohanes arye nyapsine.

Wahyu 21:16

Allah arye anyasik Yerusalem Winiryuk ning dobuka ara, el cang panjang ap, el pala lebar ap ansinibuka winibuk. Malaikat arye kiklilen ning emas ning dobuka, Yerusalem Winiryuk ning kiklilenmokak, el cang panjang ara, yupa pia weik 2.200 kilometer ubuk. Tonda, el pala lebar babye, yupa weik atonun 2.200 kilometer ubuk. Aning atonun, tukwak douapce dipdongobuka, anirya kiklipdeyuk ara, cang ara yupa weik 2.200 kilometer kibuk.