Yohanes 11:1 - Eipomek

¹ Atalak noutamak ara, tonoknye el si ara Lazarus, uk weik dilamuk. Lazarus el mutuku koprop ara, Betania mutuku. Lazarus el weit kilapu ara, Maria ap, Marta ap ulamrik.

Yohanes 11:1 ပူးပေါင်းရင်းမြစ်များ

Kejadian 48:1

Ura, sik nirya daulamika ani, aminyan talak ton nang arye Yusup biti, “An ni koprop uk weik dinmale,” nyabuka laka nyabikba, Yusup kekebukce elce deiamuk mapu bitinye ara, Manasye ap, Epraim ap bobuka el li dam biyik.

Matius 21:17

Yesus arye Mazmur yupu dobuka nyabukopura, anang asukum batakuka, Yerusalem mutuku asik dolamikak batakukce, Betania mutuku malbiyuk.

Markus 11:1

Yeriko mutuku batakuka, ‘Yerusalem mutuku binamap’ tenen, Yesus ap, el mapu ap, bisik mapnin balamika ani, asik dolamik si ara, Betania ap, Betfage ap, bisibukabikce, banmeka, Yerusalem dam uawamuk mutuku ara, Zaitun mutuku dup welebik.

Yohanes 11:11

Nyabukopura, ayupu ton nyabuk. “Nun kwit koprop Lazarus ara, mapmal bukni, narye elti, kam bulilbinune,” nyabuk. (Ara, Lazarus dipmok ati, Yesus arye, “Lazarus mapmale,” nyabuk)

Yohanes 11:18

Betania mutuku atam, Yerusalem mutuku otam, danoutam bisik bana ara, winipmanto 3 kilometer mitik dam ubuka anya arye, Yahudi yala nang weik arye Yerusalem mutuku arye akunum yayik. Deiyok ara, ‘Marta ap, Maria ap, sik du koprop Lazarus dibuka ati, sik kanye sukuplirye, talima malye uplyak ati, akilapu sik kanye talima mikip kipdeipnuyap’ tenen, sik dam akunum yayik.

Yohanes 11:3

Sik du koprop Lazarus uk weik talyamukba, dipmanto ulamuka ati, akilapu bitinye arye, Yesus ati yupu nyapdeiprik. Ara, “Naio, ance kanye deililyamnye Lazarus ara, uk weik talipmale,” nyabuka yupu nyapdeiprik.

Yohanes 12:17

Yesus ap banmek nang nirya arye, ‘Yuk ninye weik arye kekenamak’ tenen, Yesus arye Lazarus keil deiya pum bisik yukupce, kam bukeibuk ning ara, weik arye laka nyalbanmek.

Yohanes 12:9

Ayupu nirya nyanmek talak ara, yuk nang arye, “Yesus unmal aik ani,” nyabuka laka nyalbanmekba, Yahudi yala nang, yupa weik dilyayik. Dilyanmeka deiyok ara, ‘Yesus eiptibye’ tenen, tonda, ‘Lazarus bira, diamuk bukni, Yesus arye anye bira kam bukdeibukba, anyaik pum unmala anya arye, el Lazarus babye eiptibye’ tenen, dilyayik.

Rasul 9:37

Peterus arye Eneas kwetebuka lepsisikdeibuk talak ara, akiluk weik dibukura, dibuk. Dibukura, el dam ulamik nang arye, el nong mek kekdeibik akarye, el nong dobuka alip aik deibik.