Yohanes 10:27 - Eipomek

²⁷ Na domba atonun ninye na mapu ara, na yupu kekebuka melininyake. Narye na domba ati bikamse. Sikce nati melininyake.

Yohanes 10:27 ပူးပေါင်းရင်းမြစ်များ

1 Raja-Raja 18:21

Sik aninye nirya bulubuka, Elia dam binuka wekikura, nyabuk. “Yata talak ton tuba winipmunce, ‘Aning winipnuyap do? Aning winipnuyap do?’ tenen, kanye bokoltonmasil do? Ati ara, ‘Allah el si Yahweh, elda Allah tonok ulula ati, el siuk erepnuyap,’ tenelulum ning ara, el siuk eremunce el yupu uk kekebuka dobolbanamlume. Bukni, ‘Kume, Bahal elda Allah tonok ulula ati, el siuk erepnuyap,’ tenepmunyopura, el siuk eremunce el yupu uk kekebuka dobolbanamlume. Anggunce tenepmunce wiplulume,” nyabuk. Nyabuka asibuk bukni, sik abulupmek nang nirya arye, atalak ara sikce yupu ton tana kumce tunim ana uk ubik.

Yesaya 66:22

Dipkoprob nyapsine. Narye winiryuk im kwepdeipnamne ning ap, tonda, winiryuk tukwak mutuku kwepdeipnamne ning ap, aning kwepdeipniba, pia aupnamle touk, ‘Naʼ tenen, nang, sik Israel nang, sik ap, sik si ap, anggunce deipmunba dadeipdanin binamak nang ap, nirya ara, na dam pia aunamlume. Anggunda, min kum kum danamlume! Na Allah Yahweh arye, ayupu nyapmasina anya arye, aning ara dipkoprob winipnyopda, nong upnamlarya!

Matius 16:24

Nyabukce, el yupu kekebuka dobolbalamik nang ap, abulubuka wekmek nang nirya ap ati, “Na dam yalulume,” nyabukce ayupu ton nyanmok. Yata kil do, yatanye do, nati diba tenepnikirye, na dobolyanganamniyak nang ara, sik ning atibuk, ‘Aning mambule,’ kum tenenamake. Sik wenebikiba dipnamak nanguk, wanwanun yo bobuka talya mangkau asa balamikirye, ‘Akunuma, anang arye oplopnamniaka ara telebuka, na kam unmana ara mambul kume,’ tenenyak touk, na mapu ababye, ‘Yu nang arye opnamniak do?’ tenena kumce, sik kam un ning ap, sik patalye ning ap atibuk, kum tenenamake. Yesus dib tenenyaka ning ati ara, yuk nang arye opnukcopura, ‘Ara mambul,’ kum tenenamake. Na yupu uk kekebuka dobolyanganamniake.

Matius 17:5

Peterus arye ayupu tuba nyanmok talak ara, sik amutuku dup unmek bukni, dua arye siktikmek mutuku nirya palibuka lelipdongobukura, adua kan-kan arye, Allah arye ayupu nyabuk. “Aunmalanye bira, na Mi Koprop ulula ati, elti, na kanye pia delinune. Anggun nirya ara el yupu pia moubuka kekenamlulume,” Allah arye nyabuk.

Matius 25:12

Nyabuka morobik bukni, anyaik deiyoknye birye tamubuka nyabuk. ‘Kumde, na dipkoprop nyapsine, anggunda na walwale,’ nyabuk.” Yesus arye ayupu winipmanto ning nyabuk.

Matius 7:23

Bukni, narye aninye ati, adiparyuk laka kibuka nyapnamne. ‘Anggunda kanye talima pia malye ululum nang anya arye, na dam arye bindoplulume. Anggun winilamluma ara, na kum kel bikamsise. Anggunda na mapu koprop kume. Anggunda na walwale,’ nyapnamne,” Yesus arye nyabuk.

Markus 10:21

Nyabukura, Yesus arye anye biti eibukce bico ubukura, ayupu nyabuk. “Mambul ning tonok batakluma ara, an taliplum ning nirya dobuka yuk nang dam binuka yo bok dekmince, talye kankan ninye nirya ati, arepminyopura, na yupu kekebuka dobolyanamnilyame. Talyamlum ning dekuka kankan ninye arepminyopura, Allah arye teleb dekna ning im deice deiamkilibuk dopropnamlame,” Yesus arye nyabuk.

Markus 8:34

Nyabukce, el yupu kekebuka dobolbalamik nang ap, abulubuka wekmek nang nirya ap, “Na dam yalulume,” nyabuka ayupu ton nyanmok. “Yata kil do, yatanye do nirya, na dobolyanganamniak nang ara, sik bidamang ning atibuk, ‘Aning mambule,’ kum tenenamake. Sik opnamikce nang arye, wanwanun yo dobuka balamak touk, sik badamnye kam un ninguk kum tenenamake. Yesus diba tenebikca deice arye yuk nang arye obikcopura, ‘Mambule,’ kum tenenamake. Na yupu uk kekebuka dobolyanganamniake.

Lukas 13:27

Nyapnamlum bukni, adeiyoknye birye tamubuka nyapnamsile. “Anggun dan mutuku arye yanmalum nang do? Na ap neika kum ulamubu ati, anggunda na pia walwale. Na tam nang kum ululume. Anggunda, pia malye winilalum nang anya arye, anggun adiparyuk yuk-yukak bindoplulume. Na dam kum unamlume,” nyapnamsile.

Lukas 9:23

Ayupu nyabukopura, ayupu tonap, nyabuk. Yata nang do nirye, nati dib tenepnikirye na melibuka dobolyanganamniak nang ara, sik ning ati, ‘Aning mambul,’ kum tenenamake. Sik babye, winibuka obikceba, dipnamak nanguk, wanwanun yo dobuka talye balamikirye, anang arye, ‘Akunum oplopnamak ara, telebuka,’ tenenyak touk, na mapu babye, ‘Opnamsiak do?’ tenena kum arye, sik kam un ning ap, sik pataplye ning ap, adiparyuk kum tenenamake. Yesus dib tenebikca deice arye Yuk malye-malye nang arye na mapu obikcopura, ‘Ara mambul,’ kum tenenamake. Na yupu uk kekebuka dobolyanganamake.

Yohanes 10:14

Sik talye pil dobuka unyak nang ara wininyak bukni, nara pia teleb Domba Weina Deiyoknye unune. Na talinun ninye nirya ara, akunum kel bikamsise. Sikda na domba atonun unyake. Aning atonun, na talinun ninye, na domba atonun ninye nirya arye, nati akunum kel bikamnike.

Yohanes 10:16

Adomba poka pum bisik na domba basam aunyak bukni, na talinun domba weik ton, yukak ton unyake. Apoka pum bisik kum unyake. Adomba basam babye, na adiparyuk dobuka boyanganamne. Adomba babye, na yupu nyabuka yukupnyopura, na yupu kekebikirye, na dam yanganamake. Sik ton akunum yakcopura, domba basam yupa tonok ansibikirye, neika unamake. Nara, sik weina deiyoknye tonok pia unamne.

Yohanes 10:8

Na min kum yanamse talak arye, ‘Nun atia,’ nyabuka yayik nang nirya ara, ubula dolon nang atonun ulamike. Ubula nang ulamik bukni, na dipkoprop domba ara, anang nyalamik yupu ara kum kekelamike.

Yohanes 12:26

Yata ninye do nirya, na amu tam bukuka, na yupu kekebikirye, na pil ati dokcopura, na unye touk adiparyuk wininamake. Na ban bisikuk adiparyuk melinamniyake. Tonda, na unun mutuku nirya, na mapu unamake. Na amu tam bukuka, na yupu kekebikirye, na pil ati donilinye biti ara, na Ni Koprop Allah arye, anye erebuka teleb kipdeipnamle.” Yesus arye nyabuk.

Yohanes 21:22

Asipdeyukura, Yesus arye tamubuka nyabuk. “Kume, elti, tenena kume. Wini talak arye diprongobuka, otalak tamubuka yanamne talak danoutam nirya ara, narye anye biti, ‘Pia kamuk unamle,’ teneptinye babye, aning kum teneptinye ababye, anirya ara an deiyok kum ati, aning kum tenenamlyame,” nyabuk.

Yohanes 5:25

Dib yupu nyapsine. Aminyan talak mambul talak yanamle. Tonda wini talak akunum deiyok koupmasile. Atalak ara, sik akunum diamik ninye bukni, Allah el Mi Koprop arye el yupu nyapliba, kekebicopura, kam bukuka pia kam unamake.

Yohanes 8:12

Aminyan talak ara, Yesus arye amutuku ninye ati nyabuk. “Nara, tukwak mutuku im sirya, mutuku sirya unyak ninye ati, dirina deiyoknye unune. Na nyasinye yupu kekeplirye, talibuka dobolbalinye bira, kunuknak pia kum unamle. Aning kum bukni, kam una deiyok dirina ara, el talima ak unamle.” Yesus arye nyabuk.

Yohanes 8:43

Yesus arye ayupu nyabukopura, ayupu tonap dukdongobuka nyabuk. Narye na peteresinye yupu nirya ara, amul deice aryuk kekeltakamunce, ‘Deiyok ani’ tenen, moubuka kum kel kilulum ning ara, deiyok tenepmalum do? Deiyok nyapnusine, ara narye nyasinye yupu, moubuka kum kekepmanto ninyeuk ululuma ati, ‘Deiyok ani’ tenen, pia kum kel bikilulume.

Rasul 3:23

Yatanye do, yata kil do nirya, el nyalye yupu kum kekebuka doprobiceura, Allah el mapu sik kan-kan arye el yupu kum kekenyak ninye dobuka onamake.’ (Ulangan 18:15, 18, 19)

1 Korintus 8:3

Bukni, yata ninye do nirya, Allah ati sik kanye talima, el deiceuk delilamak ninye ara, Allah arye aninye, el kele.

Galatia 4:9

Winilamlum bukni, wini talak ara, Allah el si akunum kel kiplume. Ura, elce anggunti akunum lyepdopsuke. Allah el ulul ning akunum kel kiplum bukni, el yupu batakuka minop talak talyamlum ning, mikip kum ning, pia malye ning ara, tuba tonap talipre baluluma ara, yata deiyok ati winilulum do? Winimunye ning ara, ‘Amalye ning nirya batakamubu bukni, min arye talyamsuk Isa Mutuku Dongonye, tuba tonap tapu koubuka talipsutu’ tenen, wininmalum do?

2 Timotius 2:19

Aninye ara wininyak bukni, Allah arye nyapsuk yupu ara, min kum upsutue. Winipmanto ara, pia teleb ayukumna yo, gat yo iknabuk, pia gat ulamle atonun, Allah arye nyapsuk yupu ara, min kum kum datue. Allah el yupu noutamak sekamik yupu deice arye, lak kipdeipsuke. Ayupu ara, ani. ‘Allah arye, ‘Aninye na mapu unamake’ tenen, akunum wipdeiamsuk ninye ara, el akunum kel bikamsuke.’ (Bilangan 16:5) Tonda, ‘Yata nang do nirya, “Allah ati akunum diba tenepsa ati, el mi unune,” nyanyak nang nirya ara, adiparyuk malye winin ning nirya ara, batakikirye, balye tamubuka diksukum bisikuk banamake.’

Ibrani 3:7

Ati, Allah el mapu dipkoprop una ati ara, Allah El Dib Kanye arye nyapdeibukba, Mazmur noutamak sekamik yupu ton tenenamlume. Ayupu ara ani. Arup ara, na Allah arye yukubsiniba, na yupu kekepnumunyopura, anggun apu yapu winilamik touk winina meme. Ara, lik upsiliba, pi dobuka, ‘Kum kekenamabe,’ tenebuka, kum unamlulume.

Wahyu 14:4

Aninye ara, sik yupa weik 144.000 unmek ninye ara, tukwak mutuku ulamik talak noutamak nirya ara, malye ning aning-aning nirya talibuka kum ulamika ati, talye yoltaklamek kilapu ap ubula kum yolalamikce, teleb diksukumuk ulamik. Domba Mi Atonye birye menekuka balibuk, el aminyan dobolbalamak ninye nirya ara, sik yupa weik 144.000 unmek ninye ara, adiparyuk elti, dobolbanyake. Tukwak ninye im sirya, mutuku sirya nirya noutamak arye, Domba Mi Atonye birye dekuka lyelamukce, Allah el si erena ati aninye dobuka Allah ati areamuk. Ara, wenye kwaning yongobuka, ‘Allah el si erepnamap’ tenen, arelamak touk, Allah el ap, Domba Mi Atonunye ap, sik bitinye si erena ati, sik yupa weik 144.000 unmek ninye dekuka lyelamukce, Allah ap, Domba Mi Atonye ap ati areamuk.

Wahyu 3:20

Nara, anggun dam akunum yanmasine. Anggun aik buplan dam tiknirye, ‘Bublan kukeipnuniyak do?’ tenen, bisik lorum-lorum asunune. Yata nang do nirya, na yupu kekebikirye, sik buplan kukeipnicopura, na adiparyuk sik aik weknirye, sik ap, na ap dine dibuka neika unamabe.”