Yohanes 1:42 - Eipomek

⁴² Nyabukce, el du Simon bobuka Yesus dam boyayuk. Boyayukopura, Yesus arye Simon biti dipdeyukce, ayupu nyapdeibuk. “Anda, wisinye an ni kopropa, Yohanes birye deipkuk mi Simon ulyame. Bukni, wini talak arye dipdongobuka, oyanamle talak ara, Aramaik yupu deice arye Kefas nyanamake.” Yesus arye nyabuk. (Yunani yupu deice arye Kefas biti ara Peterus nyalamake.)

Yohanes 1:42 ပူးပေါင်းရင်းမြစ်များ

2 Raja-Raja 5:4

Israel wel kil arye, Naaman el nong bol uk kwetena ati nyapmok ning ara, akunum kekebukce, el deiyoknye Raja Aram biti binuka nyabuk.

Matius 10:2

Yesus arye 12 nang wipdeiyamuk nang, sik Rasul nang ara, sik si ani. Tonoknye bira, Simon nyalamik bukni, aminyan ara anye biti, Yesus arye ‘An si Peterus,’ nyabuka si nyapdeibuknye ap, tonda anye el weit kopropa Anderias ap, Zebedeus el mapu bitinye Yohanes ap, el weit Yakobus ap, ara,

Markus 3:16

Yesus arye 12 nang wipdeibuk nang sik si ara, ani. Tonok ning, Simon nyalamik bukni, aminyan talak ara, Yesus arye anye biti si punubuka Peterus si dobuk.

Lukas 5:8

Simon ap, el kayapu nang nirya ap arye, amekin bal weik dopropmekce ngalukunmek. Ngalukunmekba, Simon Peterus arye aning nirya eibuk ati Yesus dam mek liya yo deice kutam dipdongobukabukce Yesus ati yupu nyabuk. “Se, na deiyoknye Yesuso, nara malye wininanye ununa anya arye na batakuka yukak binulyame” nyabuk.

Lukas 6:14

Tonoknye bira, Simon nyalamik bukni, aminyan ara, Yesus arye anye bira, minyumanye ara, el si pununa ati ara, ‘El si ara Peterus,’ nyabuk. Adamnye bira, el weit kopropa, Anderias wibuka deibuk. Tonda, Yakobus ap, Yohanes ap, Pilipus ap, Bartolomeus ap, wipdeibuk.

Yohanes 13:18

Alukunyanuk, Yesus arye el mapu ati, ayupu ton nyabuk. Narye wipdeiamsise nang nirya, akunum kel bikamsise anya arye, anggun nirya ati kum nyapsine. Bukni, Mazmur noutamak sekik yupu, nong upnamala ati, ayupu nyapnusine. Mazmur noutamak sekik yupu ara, ani. ‘Na ap neika ubuka din neika dinyam bukni, anye birye nati, ‘Malye kibuka opnamak’ tenen, yanipnunile ati, akunum kintinipmanile.’ (Mazmur 41:9)

Yohanes 21:2

Asum ara, sik neika unmek nang ara, Simon Peterus ap, Tomas (tonda Didimus nyalamiknye) ap, Galilea tam bukni, Kana mutukunye Nataniel ap, Zebedeus el mapu ap, yuk bitinye nang ap, sik nirya neika unmek.

Yohanes 4:16

Akil nyabukura, Yesus arye nyabuk. “An aik bimince, an akanye yukupminyeura, anggun bitinye tamubuka yarurume,” nyabuk.

1 Korintus 1:12

“Kanye wilildamunce, pakalilalulume,” nyapmasina ara, ani. Anggun kan-kan bukni, ton nang ara, yuk nang ati, “Kume, nunda Paulus el yupu kekebuka dobolbanyabe. El mapu unyabe,” nyanyake. Aning atonun, yuk nang ara, “Kume, nunda Apolos el yupu kekebuka dobolbabirye, el mapu unyabe,” nyakiba, ton nang ara, “Nunda, Kefas el mapu unyabe,” nyakiba, ton nang ara, “Kume, nunda Kristus el yupu kekebuka dobolbabirye, el mapu unyabe,” nyabuka bokoldanyake. Winilulume ati, nyapsine.

1 Korintus 15:5

Kam bukeibukura, aminyan ara, ‘Peterus eipnunil’ tenen, laka panabuka tikukba, Peterus arye, Yesus eibuk. Laka tikukba, Peterus eibuk touk, aminyan talak ara, tuba tamubuka tonap el mapu, sik 12 nang unmeka noutamak arye, panabuka tikukba, sikce ton Yesus eibik.

1 Korintus 3:22

Ara, na Paulus do, Apolos do, Peterus do, tukwak mutuku noutamak ulul ning do, kam una deiyok ning do, dipna do? Wini talak usilye ning nirya ap, aminyan talak unamle ning nirya ap, Allah arye anggun melina ati, talye aresulule. Anirya ara, anggun ning uka.

1 Korintus 9:5

Tonda, sik Allah yupu peterena deiyok nang bukni, yuk Rasul nang ap, Yesus el weit yapu ap, Peterus ap sik nirya ara, sik domik kilapu ap, neika peterelbanyake. Sikda sik kilapu ap peterepra banyak touk, narye ton, ato kil Yesus dib tenebuk kil ton kum dopnamtinya ati, nyanululum do? Kume, na deiyok ati, ‘Dopnune,’ teneptinyopura, kil doptinye.

Galatia 1:18

Ura, Damsyik mutuku tamubuka yasirye, amutuku noutam akuk daulamsa ani, keting tamun winilye akunum ubukura, Yerusalem mutuku welebise. Ara, ‘Peterus ap ansiniptinimirye, kel kipdanamnam’ tenen, bisirye, el ap like 15 sum deice arye neika ulamnumu. El aik malamse.

Galatia 2:11

Ura, yuk yupu ton nyapnusine. Yerusalem mutuku batakuka yuk tam akunum binuka ulamsa ani, Antiokia mutuku ulamse talak ara, Peterus ton nun dam yayuke. Nun dam yayuk talak ara, malye winibuka anya arye, narye el dam dipkoprop arye, duknuna kum laka arye wenepse.

Galatia 2:9

Kel kipnik ning ara, yuk nang arye, “Anang ara, weik deiyok nang,” nyalamikbuk, aulamik nang, sik si ara Yakobus ap, Peterus ap, Yohanes ap, sik nirya arye, na ap, Barnabas ap ati, sirik taruk arye telebe nyabuka arepsikce kipsik. Ara, sikce nunti, ‘Anang ara nun pil donyap touk, sik babye atonun pil donyake’ tenen, sirik taruk arye talipsikce, kipsike. Taruk talibuka kipsika ara, na laka nyalamse yupu kekebikce, ‘E, Allah arye Paulus biti bico tenyamukce, el kanye aniryuk Paulus biti weika arye melyamukba, Paulus birye Allah el pil teleb ubuka dolule’ tenen, kel biknikce, taruk talipsik talak ara, sik Yerusalem mutuku unyaka deiyok nang nirya eibike. Winipsikce, yupu talibupu talak ara, nyapnik. “Ura, nunda, ‘Yahudi yala ninye diba tenenamak’ tenen, peterelbinamap bukni, Paulus ap, el neika unyak nang ap arye, yuk yala ninye nirya, Yahudi yala kum ninye nirya ati, peterelbinamak,” nyabuka, yupu nyapdapu. ‘Aning ara telebe,’ tenen, neika atonun tenebupe. Na Paulus birye laka nyapsine.