Yeremia 51:52 - Eipomek

⁵² Nyabikba, Allah Yahweh arye, tamubuka nyabuk. “Wini talak ara, na Allah arye nyapnusin yupu ara, pia moubuka teniplulume. Ara, Babel mutuku nang arye, pia malye weik ulamik ati ara, sik dengna ati, aminyan talak ara, narye sik Babel mutuku nang arye, isa siuk erena ati, memebuka diamik patung nirya, ulubuka daklopnirye, sice buklopnamne. Babel mutuku nang wenen sum, akunum tenyamse ning ara, akunum dam upmala ati nyapne. Ati, narye yukupniba, yuk pera mutuku yu nang arye yanuka, Babel mutuku noutam unmace nang nirya ara, obikcopura, sik kanye imun weik suse dipliba, sikce, ‘Se, nunti, opmasiak dila ara, nun nong deice, weik suse uk weik arye lolonmasile,’ nyabuka engebikirye, ngalukunamake.

Yeremia 51:52 ပူးပေါင်းရင်းမြစ်များ

Yeremia 50:38

Tonda, sik wenena ati, na Allah arye nyapnyeba, amutuku noutam balamuk mek nirya ara, cepdopnamle. Tonda, sik wa winyak sukum ara, kouluplirye, sisal dem sepnamle! Deiyok ara, sik Babel mutuku nang nirya arye, isa siuk erenyaka ati, ninye urasin atonun memebuka deibikirye, atalye ning ati, si erenyake. Aning wininyakce, sik isa si erenyaka deice arye, sik kanye talima ara, motona talin nang atonun kililanyake.

Yeremia 51:47

Bukni, pia dipkoprob nyapsine. Na tenepnye talak, akunum yalyopura, sik Babel mutuku ninye ap, sikce talye ning isa ati, si erenyak ati, weik tonun wenebuka opnirye, sirya daknamne. Ikin ning akunum sik deice deipnamne talak dam akunum upmale. Winipniba, amutuku noutam unyak ninye nirya ara, alye dakdamake. Tonda, sik Babel mutuku noutam ulamik yin talin nang nirya ara, akunum opniba, sik mutuku koproba arye, bisik noutam danyuk sakikirye, anyakuk dipnamake.

Yehezkiel 28:23

Aning ara, talye ati kum nyapne. Deiyok ara, sik dam ara, kanye imun weik uk ton, dopdeipnamna atia. Tonda, sik mal olan nang ara, dana-dana tam arye yakirye, obikiba, sik ining ara, bisikak uk, sakuka poupnamle. Ninye ara, mal olan ning ara, pia yu weik ya arye, obikceba, ninye weik tonun, sik weik asik noutam dipnamake. Aning nirya winipnamne deice arye, nara Allah Yahweh, na mikip deice aryuk, ninye mutuku sirya, im sirya nirya, sik weik deiyoknye unune. Aning ara, sikce biknamake.

Yehezkiel 30:24

Winapnamna ati ara, Babel mutuku deiyok talibuka ululnye biti, narye mikip weik kipdeipnamne. Na mikip weik ninye on ya ara, Babel mutuku ninye deiyoknye arepnamne. Bukni, Mesir mutuku talibuka ulula deiyoknye Firaun, el mikip ara, kum kipdeipnamne. Winipniba, ninye weik oplirye, dila weik upliba, asik bukikirye, bisik kum balamaka atonun, malye nyabuka ngalukuka engenamle. Babel mutuku ninye deiyoknye damuk, malye nyabuka engebuka unamle.