Elia adiparyuk Ahab unmokak Nabot wa win dam bayuk bukni, Ahab minop arye eipmokce, nyabuk. “Anda na oldananye atonun tenekunune. Anda na like. Bukni, nati enmanilam ning ara, akunum eipmanilame,” nyabuk. Nyabuk bukni, Elia biryopura, “Dipkoprop enmakina ani akunum eipkine. Ance apia malye ning winiminyeba, Allah el si Yahweh arye, ‘Aning ara na like, aning ara pia malye,’ tenepmakile. Amalye ning winipmalam ning ati, Allah el si Yahweh arye, ‘Ahab dam bimince, narye el wenena ati winipnamne ning ara, lak nyalbinulyame,’ nyapdeipmakila ati, nyapkine,” nyabuk.
Yeremia 38:4 - Eipomek4 Ayupu laka nyabukba, sik amutuku noutamak deiyok yuk-yuk talibuka, mambul pil dolamik nang kekebikce, sik ninye deiyoknye, Raja dam nyalbiyik. “Kume na nio. Ance nyapdeiptumba, ayupu nyanmalanye bira, oploptibye. Ara, urdem ati, kum nyababe. El yupu deice arye, amutuku kalikina ati unyak yin talin nang ap, amutuku unyak ninye ap, ayupu kekebikirye, ilil upliba, sik mikip kum upnin balule. Sik mikip, pia mitang uplyak ati, yanuka nyapkiyabe. Ara, dipkoprob anye bira, Yeremia birye, talye tilila yupu nyaplopliba, amutuku unyak ninye nirya kekebikirye, pia malye kanye bonyake. El pataplye ninguk tenelule. ‘Amutuku ninye teleb winipnamak’ tenen, patapliba, kum nyasulule. ‘Amutuku ninye ikin uptu babye,’ teleb uka, tenelirye, nyasulule,” nyabik. အခန်းကိုကြည့်ပါ။ |
Yeremia 38:4
25 ပူးပေါင်းရင်းမြစ်များ
Allah el Pia Teleb, Lek Dip Kanye arye Zakaria biti, “Nyalbinulyame,” nyabuk touk, ayupu bobuka nyabuk bukni, amutuku ulamik nang nirya yu ubuk ati, sikce, “Kume, anye bira nun like. El Zakaria bira, minopce opnuyabe,” nyabuka, yupu nyapdayik. Ayupu nyanmik talak ara, Raja Yoas babye, ‘Yo, sikce anye opnuyaka ara, teleb uka,’ tenebuk. Ati, amutuku ulamik nang arye, Allah Yahweh, si eren aik dam bukni, bai tam ninye weklamikak, Zakaria el nong deice keil arye donokuka obik. Onmika ani, kabul kum dibuk talak ara, Zakaria birye ayupu nyabuk. “Se, anggunce keil arye dobuka na nong deice dobuka opnulum ning ara, na ni Allah Yahweh arye, akunum eibuka bikmanil ati, ‘Aminyan kwang daknamsilʼ tenen, Allah ati moropne,” nyabukce, Allah si eren aik damak dibuk.
Na nio, nunce anti, mambul yupu nyapnukiabe. Ara ani. An minop talak arye nun mutuku noutam dopkwetepsulum nang, sik Israel yala nang ara, nun mutuku noutam daulamika ani, wini talak ara, sik anang weik tonun Yerusalem mutuku dam akunum tamubuka biyikce unmake. Ara, talye ati kum bukni, Yerusalem mutuku weik asik, yuk mutuku nang arye ulubuka, sice buklomik mutuku ara, sik Israel yala nang arye, ‘Tamubuka tuba teleb kibuka, lipsisikuka dopnamapʼ tenen, amutuku akunum binuka unyake. Amutuku unmak talak ara, sikce, ‘Anyasik nirya ara, tuba lipsisikuka dopnamapʼ tenen, anyaik nirya amu tam ayukumna atonun ning, el si ara fondasi, weik keil pala arye, yangapdeipnamake. Tonda, Yerusalem mutuku dana-dana tam, antanap dongobuka taplakdeiamik cang keil poka ara, an tam nang arye uluplomik bukni, wini talak anang arye tuba lipsisikuka donmake. Bukni na nio, amutuku noutam ulamik nang ara, an yupu ap, yuk ninye deiyok nang ap arye nyalamik yupu ara, ‘Nun lik,’ nyabuka, yanin nanguk unyake. Ati ara, sik nirya ara, pia malye un nanguk unyake na nio.
Na Nehemia birye utenepse ning ara ani. Sanbalat ap, el kayapu nang ap arye utenenyake. ‘Sik Israel ninye ara, nun yupu kekebikirye, ilil weik upliba, sik mikip ara, mitang asa ubicopura, apil donyak ning ara bataknamak’ tenen, winipdese. Bukni, narye aninye ati, ilil kum tenepse. Nun ni Allah ati moropsirye nyapse. “Na ni Allah ance nati mikip arepniminba, pil teleb ubuka donamne,” nyabuka moropse.
Na Yeremia bira, na mutuku koproba, Anatot mutuku asik dobuka unyak nang arye, na Yeremia biti, nyaninyake. “Kume, Yeremia anda yupu ton tana kumce, batakuka urdem unulyame. Ance, “Allah Yahweh el si deice arye, aminyan doyanamle ning ara, laka nyapnusine,” nyabuka, “Laka nyapsilyam yupu ara, adiparyuk bataknulyame. Anyapkiap yupu kum kekepmince, nun dam tuba nyalyansiminyeura, nun taruk aryuk, anti opnamkiabe,” nyabuka, mikip yupu deice arye sekeninyake.
Bukni, na ni Allah, an si Yahweh ara, aning-aning nirya, bikilyamnye binya arye, na kele. Ance sik anang teneninyak kanye nirya ap, ‘Anye bira obibirye, kum daneiptibye’ tenen, yupu taleninyak ara, an akunum kel biklume. Ati ara, sikti, bico tenena ap, sik malye wininyak ning kilina ap ara, kume. Sik malye wininyak ning luba kina kumce, ‘Sik aninye ara, ance wenebuka opnalam’ tenen, moropkine. Winipmince, an tuba yu weik ukilye talak ara, ance tenepminye touk, sik dam malye kipdeipnulyame. Na ni Allah, anti moropkine. Yeremia birye, Allah ati nyabuk.
Sik anang nirya akunum binuka bukikopura, sik imam-imam nang ap, nabi-nabi nang ap arye, amutuku noutamak pil deiyok yuk-yuk talibuka, pil dolamik nang ap, anyaik bulubuka wekmek nang, talye ninye ap ati, nyabik. “Kume, nun kanye ara, anye Yeremia bira, el wenena ati, optibye. Ara, urdem ati kum bukni, elce, nun unyap mutuku Yerusalem mutuku ati, ‘Aminyan talak ara, Allah arye amutuku nirya ap, anggun amutuku ululum ninye ap ati, wenebuka opsilirye, sirya daknamsile,’ nyabuka, pia malye yupu nyanmasilarye, yanipmasile. Anyanmasil yupu ara, anggun aunmalum ninye aryuk kekepmalume. Ati ara, adiparyuk, anye bira opnuyabe,” nyabik.
Aning kum bukni, narye anggun bobinuka donoksiseba, binuka unamlum mutuku noutam, weik asik dopmunce, unamlum mutuku nirya ara, ‘Aunamap mutuku ara, teleb unamleʼ tenen, moubuka teleb piluk donamluma deice arye, amutuku-amutuku nirya telebuk kinamle! Tonda, asukumuk daumunyak arye, anggunce na Allah ati, ‘Nun aunmab mutuku teleb uptueʼ tenen, moropnumunye ning ara, narye anggun Babel mutuku noutam bukni, daunamlumak ara, teleb kipdeipnamsine. Anggun unamlumak teleb kipdeipsiniba, anggun babye, dipkoprob uk teleb kibuka unamlume.
Ayupu nyabukopura, Raja Zedeikia kekebukce, mur-mur alamak yupu atonun arye, Yeremia biti nyabuk. “Kume, na dipkoprob nyapkine. Nun ni koproba Allah, Kam Una Deiyoknye birye, nun bitinye kam una deiyok ning ap, isin ap areamsukba, kam unyame. Elda, pia kam unamle ati, el si deice arye nyapkine. Allah arye, anti nyapdeipkuk yupu, laka nyapniminyopura, narye anti, kum opnamkine. Tonda, narye, ‘Yuk nang arye, anye bira wenebuka optinge’ tenen, kum nyapnamne. Narye anti, yuk nang kum arepnamkine,” nyabuk.
Tonda winipmanto, nun bitinye talipmanam yupu nirya, sik yuk nang kekenmacak, nyapminyeura, sik anang arye yupu bobuka, na amu tam pil don ati, weik deiyok nang ton, sik dam nyabikiba, kekebikirye, an dam yakirye, ‘An ap amutuku ninye deiyoknye ap, talepmarum yupu ara, nun dam laka nyapsilyame. Ayupu laka kum nyapsiminyeura, nunce anti, oplopnamkiyabe,’ nyapnamakiyak ati, nyapkine.”
Tonda, sikce na Yeremia biti, nyapnike. ‘Nun kanye ara, ninye si Neria, elce deiamuknye Baruk, elce yupu mikip arye anti, ‘Nyapnulyame,’ nyapkuka ati, elce nyapdeipkuk yupu nyapmasilame. Deiyok ara, mitik tonun, Yehuda mutuku tuba unamap nang, nun dam binuka nyapminba, diba tenebuka unmabiba, ‘Aminyan talak, sik Babel mutuku yu nang arye, yanuka talibuka ukirye, opnamsiakʼ tenen ati, ayupu nyapmasilame. Akumopura, ‘Sik Babel nang arye, Yudea mutuku tam tuba unyak Israel nang nirya bobinuka, Babel mutuku nang arye, sik mutuku bobinamsiakʼ tenen, anye Baruk birye nyapmakila ati, ance yanuka nyapmasilame,” nyapnike.
Aninguk kum bukni, sik Israel nang unyak mutuku noutam, ninye deiyok kibuka, taleamikce ulamik touk, tuba unyak deiyok nang babye, pia malye weik wininyake. Winipmanto, bai tam ulamle yu kam arye, ulamle ning obuka, si tobuka dilamle touk, unyake. Ara, sikce ‘Se, nunda yo bok pia weik ton doproptibnye’ tenen, malye winina ap, tilila yupu nyana ap, ninye ona ap, ikin ning dobuka, yuk nang nong deice delina ap, wininyaka deice arye, ubula dolokirye, bona talin nang unyake.
Ara, Allah arye ayupu nirya nyapdeibukba, nabi Amos birye, ayupu akunum laka nyalbiyukopura, Betel mutuku Allah yupu aik pum tam, pil dolamuknye, el si ara, Amazia birye kekebuk. Kekebukce, ninye tonoknye ton, wipdeibukura, Israel ninye taleamuka deiyoknye, Raja Yerobeam dam laka nyalbiyuk. Elce nyapdeibuk yupu ara, ani. “Atalak ara, Amos birye nyasulule, ‘Nun deiyoknye Raja Yerobeam ap, el talibuka ulul mutuku nirya ara, kum danamle.’ Amos birye nyabuka, malye yupu nyalula deice arye, amutuku noutam unyak Israel ninye arye, anti malye kilina ati, yupu talinamake. Aning ara, mambul weik anya arye, kanye moupnulyame.”
Anang nirya ara, ‘Pilatus arye Yesus opnusil’ tenen, minina yupu arye ayupu nyabik. “Yesus ara, el malye ulya deice arye, nun mutuku noutamak unyak ninye nirya eibikirye sik nirya malye wininamake. Elce malye winilisulule. Tonda, nunce Kaisar yo bok arilamap ning ara, ‘Aning kum wininamabe,’ nyabuka yupu sekeldongosulule. Tonda, Allah arye dopreipliba ninye weik lyeplirye, talinamle deiyoknye, ‘Mesias ara, na unune,’ Yesus arye nyalule. Mesias ara, Raja atonye unamle ati, ayupu nyasilya deice arye, ‘Nara, weik ninye deiyoknye, Raja atonunye unune,’ nyasulula anye arye, aning ara, pia malye.” Sik anang arye minina yupu deice arye nyabik.
Winibikce, amutuku ninye sik deiyok nang dam abitinye nang dobuka deibikce nyabik. “AYahudi yala bitinya nang arye, malye weik winipmarakba, nun amutuku ninye pia malye kanye bopmapa atia. Anggunda, ‘Winipnamlum,’ nyapmasirak yupu ara, nun amutuku mem ning ati, yupu bisipmasiraka ati, aning ara, nun amutuku nang arye kum winiptibye. Tonda, nun Roma ninye unyaba anya arye, sik nyapmasirak yupu, dobuka nun Roma mutuku ninye arye kum winiptibye,” nyabik.
Dilbiyikce binuka eibdeyik bukni, Paulus ap, Silas ap, kum eibikopura, anang arye Yason ap, yuk diba tenebik nang ap dobikce, amutuku yupu bokolin deiyok nang dam taruk arye libuka delilbiyikce, weik yupu arye nyanmek. “Abitinye nang, yuk mutuku nirya sik malye winilamrik deice arye, yuk mutuku ninye babye, nun malye kanye bobuka malye-malye winipmapto nun winilamike. Winira nun mutuku yanmasirak ak, Yason arye, ‘Telebe’ nyabuka, el aik dongopmale.
Nyabukce ayupu ton nyabuk. Anye bira Paulus ara, el malye ulya ara, akunum kel kibupe. Elda malye winilulnye ati ara, mutuku-mutuku nirya, el malye winiprabalamuka deice arye, Yahudi yala nang ninye weik bulyamikura, yu weik ulamukbuk, yupu nyaldalamikce, malye ulamik. Tonda, Yahudi yala nanguk bukni, urasin yuk kipdobikce malye nang ara, Nasarani nyanyak nang ara, el deiyoknye ulule.
Bukni, anggun Yahudi yala nang bukni, anggun Yesus ati diba teneplum ninye ati ara, yuk ninye mutuku-mutuku nirya arye anggunti, ‘Anang ara, sik urasin yuk kipdobikce yuk ning ati dib tenesinyak,’ anya arye, malye yupu nyabuka lululisinyake. Lululisinyaka ati, an tuba-tuba teneminye ning ap, petereminye ning ap, lak nyapsiminyeura, nun kekepnamapa ati, nun patapmasile,” nyabik.
ကြော်ငြာတွေ